Znajści
Ałharytmičny łacinski varyjant
14.04.2024 / 10:4711ŁacBieł

Jak biełaruskija tramvai harać i łamajucca ŭ Rasii

Uzharańni — nie adzinaja prablema techniki vytvorčaści «Biełkamunmaša».

Fota: supołka «Dorožnyj inśpiektor» / vk.com

Nakiroŭvaŭsia ŭ park, ale nie dajechaŭ

Incydent u Pieciarburhu adbyŭsia ranicaj 1 krasavika. Pa papiaredniaj infarmacyi, tramvaj zahareŭsia praz karotkaje zamykańnie. Dva z troch vahonaŭ amal całkam vyhareli.

Paciarpiełych niama, niezadoŭha da ŭzharańnia pasažyraŭ vysadzili na prypynku, tramvaj nakiroŭvaŭsia ŭ park.

Naviny pra ŭzharańnie hramadskaha transpartu biełaruskaj vytvorčaści ŭ Sankt-Pieciarburhu źjaŭlajucca rehularna. Praŭda, harać zvyčajna nie tramvai, a aŭtobusy.

Samara. Zaharajecca amal novaja technika

Adnak niadaŭni vypadak ź biełaruskim tramvajem nie adziny. Tak, naprykład, u listapadzie 2023 hoda ŭ Samary zahareŭsia novy tramvaj BKM T811. Tady ekśpiertyza pakazała, što pryčynaj pažaru staŭ kanstruktyŭny niedachop, jaki pryvioŭ da karotkaha zamykańnia ŭ elektryčnaj sistemie i ŭzharańnia pravodki i abšyŭki vahona.

Fota: 63.ru

Usiaho «Biełkamunmaš» musiŭ pastavić u hety rasijski horad 12 vahonaŭ. Pry hetym samarskija zakazčyki skardzilisia nie tolki na jakaść biełaruskaj techniki, ale i na zryvy terminaŭ pastavak. Dniami stała viadoma, što ŭ Samary źbirajucca patrabavać niaŭstojku za zryŭ pastaŭki tramvajaŭ ź Biełarusi, bo častku tramvajaŭ, jakija musili być pastaŭlenyja jašče letaś, horad atrymaŭ tolki viasnoju hetaha hoda.

U sakaviku ŭ kamientaryi vydańniu «KP-Samara» dyrektar tramvajna-tralejbusnaha ŭpraŭleńnia Michaił Jafremaŭ paviedamiŭ, što na hety momant u ich rasparadžeńni 11 novych tramvajaŭ BKM. Ale na linii štodnia, pa słovach Jafremava, pracujuć tolki 5-6 vahonaŭ.

Spačatku pryčynaj prastoju byli bahi ŭ prahramnym zabieśpiačeńni, bo tramvaj moh prosta ŭstać pasiarod maršrutu z-za niepaładak u elektronicy. Ciapier usio čaściej zdarajucca miechaničnyja pałomki ŭ chadavoj častcy.

«Ciapier rychtujecca pretenzija, kab spahnać niaŭstojku z pastaŭščykoŭ vahonaŭ za parušeńnie ŭmoŭ kantraktu», — zajaviŭ Michaił Jafremaŭ.

Barnauł. Pałomki padčas abkatki i znoŭ zatrymki z pastaŭkami

Jašče adzin horad, kudy pastaŭlajucca biełaruskija tramvai, — Barnauł. Bieź incydentaŭ nie abyšłosia. Jašče padčas abkatki adzin z naviutkich tramvajaŭ vyjšaŭ z ładu. U vahona pierahareŭ pantohraf — pryłada pieradačy toku da ruchavika.

Terminy pastaŭki vahonaŭ u Barnauł taksama byli parušanyja. Kantrakt na pastaŭku novych vahonaŭ «Biełkamunmaš» zaklučyŭ u 2021 hodzie. Zhodna ź im, usie tramvai pavinny byli pryjechać u Barnauł viasnoj 2023 hoda. Adnak terminy ssunulisia. Tolki ŭ listapadzie 2023 hoda ŭsie 10 vahonaŭ dabralisia da Barnauła.

Pryčynaj nazvali ŭskładnieńnie ekanamičnaj i łahistyčnaj situacyi.

Nižni Noŭharad. Vahon zahareŭsia padčas abkatki

U pačatku sakavika 2024 hoda novy tramvaj «Minin» zahareŭsia ŭ Nižnim Noŭharadzie padčas testavych vyprabavańniaŭ. Pryčynaj uzharańnia nazvali pierahreŭ tarmaznych reastataŭ.

Tramvai «Minin» źbirajucca na rasijska-biełaruskim pradpryjemstvie «Nižekatrans» u Vorśmie. Adkryćcio vytvorčaści tramvajaŭ adbyłosia ŭ śniežni 2022 hoda. Vahony «Minin» źbirajuć na płatformie madeli T811 ad BKM.

Uzharańnie tramvajaŭ u Rasii — davoli raspaŭsiudžanaja źjava. Harać nie tolki vahony biełaruskaj vytvorčaści. Nieaficyjnaj «stalicaj spalenych tramvajaŭ» nazyvajuć Kazań. Tam tramvai harać rehularna. U 2019 hodzie ŭ stalicy Tatarstana zhareli dva tramvai biełaruskaj vytvorčaści.

Čytajcie taksama:

Čamu ŭ Pieciarburhu masava harać novyja aŭtobusy MAZ? Nastupstvy sankcyj

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
4
Панылы сорам
17
Ха-ха
24
Ого
1
Сумна
3
Абуральна
5
2
Taki da/adkazać/
14.04.2024
A ja davno hovoriu, čto prosto oni nie umiejut diełať. Čto MAZy płochije, čto tramvai, čto avtobusy. Biez importnych komplektujuŝich vsie eto dieŕmo.
5
Chiech/adkazać/
14.04.2024
To li dieło samoloty Boinh iz SŠA, nie padajut s lud́mi na ziemlu iz-za niepravilnoj prošivki, dvieri nie otvielivajutsia pri posadkie, nie otryvajet ničieho iz obšivki i nie bjot po kryłu. Zabył jeŝio pro elektropojezda ot Škoły, kotoryje byli postavleny v Łatviju. Tam takžie narušienije srokov postavki, nu i bolšaja časť połomałaś nie načav rabotu. Možno jeŝio mnoho primierov priviesti o zapadnych proizvoditielach tiechniki, takich kak Tiesła, BMV, Tojota i t.p. Tam problem žie niet so śmiertielnymi ischodami po vinie proizvoditiela... Ach da, zabył, tam niet viečno niedovolnych bčb i našiej nivy ;))
0
Duriemary/adkazać/
14.04.2024
Nie tupitie, osły ! Sipatyj łoś komplektujet tiechniku kitajskimi komplektujuŝimi. Vot i horiat tramvai, avtobusy i trolejbusy.
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera