Znajści
Ałharytmičny łacinski varyjant
26.03.2024 / 09:296RusŁacBieł

«Nijakaha seksu i palityki». Śvietu pakazali pieršaha androida-musulmanku, jakaja prytrymlivajecca normaŭ šaryjatu

Pa słovach stvaralnikaŭ, jana źjaŭlajecca pieršym humanoidnym robatam, całkam stvoranym u Saudaŭskaj Aravii, i tamu jana pavinna pavodzić siabie, jak «sapraŭdnaja saŭdytka z ułaścivymi abmiežavańniami ŭ pravach». 

Android-musulmanka «Sara», całkam stvoranaja ŭ Saudaŭskaj Aravii. Courtesy of QSS AI & Robotics

Štučnaja dziaŭčyna-musulmanka pa imieni Sara («Sara») — pieršy žanočy android u historyi Blizkaha Uschodu, jaki byŭ całkam stvorany i pradstaŭleny ŭ Saudaŭskaj Aravii.

Raspracoŭščyki Sary z saudaŭskaj kampanii QSS AI & Robotics raspaviali vydańniu Business Insider, što ich novaja madel prytrymlivajecca normaŭ šaryjatu i «vałodaje niečym padobnym da samaśviadomaści».

«Sara ŭśviedamlaje, što jana dziaŭčyna, što joj 25 hadoŭ, što jaje rost 162 santymietry i što jana nosić saudaŭskuju abaju (tradycyjnuju arabskuju žanočuju sukienku. — «NN»).

Jana pavinna być miłaj, nie razmaŭlać na temu palityki i seksu, tamu što my ŭ Saudaŭskaj Aravii i tut jość svaje zakony dla žančyn», — zajaviŭ hienieralny dyrektar QSS AI & Robotics Eli Mietry ŭ kamientarach da Business Insider.

Pa słovach Mietry, Sara svabodna razmaŭlaje na arabskaj i anhlijskaj movach, a praca samoj štučnaj dziaŭčyny zasnavana na vialikaj moŭnaj madeli, śpiecyjalna raspracavanaj dla jaje kampanijaj QSS AI & Robotics. 

«My nie karystalisia dastupnymi rašeńniami, jak toj ža ChatGPT. My raspracavali ŭłasnuju niejrasietku, jakaja pieraŭtvaraje tekst u hałasavyja paviedamleńni, razumieje vusnuju havorku i dobra raźbirajecca ŭ kultury Saudaŭskaj Aravii. Naša madel vučyłasia na vielizarnaj kolkaści tekstaŭ, napisanych u našaj krainie», — dadaŭ Mietry.

Pry hetym, jak adznačaje Business Insider, Sara źjaŭlajecca nie adzinym androidam, jakoha niadaŭna pakazała kampanija QSS AI & Robotics. Byŭ jašče štučny musulmanin pa imieni Muchamad («Muhammad»), jaki na svaim pieršym pakazie paśpieŭ patrapić u skandał, bo vypadkova dakranuŭsia da popy reparciorki vydańnia Al Arabia, čym vyklikaŭ niezadavolenaść u šmatlikich internet-karystalnikaŭ i navat abvinavačvańni ŭ seksualnych damahańniach.

Čytajcie taksama:

Pieršyja humanoidnyja robaty-pracaŭniki źjaviacca na zavodzie BMW

Chutka prahramisty stanuć niepatrebnyja, ich zamienić štučny intelekt — kiraŭnik NVIDIA

U Paŭdniovaj Karei robat naśmierć razdušyŭ čałavieka. Vypadkova

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
1
Панылы сорам
10
Ха-ха
12
Ого
2
Сумна
0
Абуральна
5
1
Axel Justas/adkazać/
26.03.2024
Aleh, nu dyk i ja pra toje. Naftavyja radoviščy zachavajucca, ale popyt na ich - nie. I našto łambardžyni kuplać, kali ničoha bolš nie ŭmieješ?
1
Pietr (Simon)/adkazać/
26.03.2024
Nie udivitielno. Vsio kak u ludiej.
   I budut u robotov rielihioznyje konfieśsii. Budut kriestovyje pochody za Hrob Hłavnoho  robota, svoja Varfołomiejevskaja noč, chramy-mastierskije so śviaŝiennymi maślenkami. Budiet raźličnoje PO, i to PO, čto nie pravilnoje (po političieskim motivam), budiet "DELETE", a ekziemplary s osobo zaŝiŝiennom "nie pravilnom" PO budut otklučaťsia ot enierhii.
   Prohriess. Jedrion-baton...
0
Aleh/adkazać/
26.03.2024
Axel Justas, sohłasien s vami. Osobienno radujut ekśpierimienty po tiermojadiernomu sintiezu v SŠA.
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera