Zorka italjanskaha kino zajaviła, što rasijanie — vialikaja nacyja
Arneła Muci taksama padzialiłasia, što choča napisać knihu ab svaim žyćci ŭ Rasii i Italii.
Italjanskaja aktrysa Arneła Muci zajaviła, što rasijanie — vialikaja nacyja. Jana taksama padzialiłasia, što choča napisać knihu ab svaim žyćci ŭ Rasii i Italii, piša TASS.
Tristar media / Getty Images
Na fiestyvali moładzi Muci raskazała, što raźličvaje na prajekt u Rasii i vučyć ruskuju movu — pakul jaje ŭzrovień vielmi nizki.
A adkazvajučy na pytańnie pra lubimuju stravu ruskaj kuchni, aktrysa nazvała pialmieni.
U paniadziełak Muci stała hościem pakazu na Maskoŭskim tydni mody, dzie jaje dačka ŭziała ŭdzieł u jakaści madeli.
Dačka Muci — aktrysa Najkie Ryvieli — prademanstravała na podyumie sukienku maskoŭskaha brenda MaisonESVE. Arneła Muci nazirała pakaz u pieršym šerahu.
Pieršy film, u jakim źniałasia Muci — «Samaja pryhožaja žonka» (1970), viadomaść u SSSR joj pryniesła stužka «Utajmavańnie straptyvaha» z Adryjana Čelentana. Siarod viadomych filmaŭ — «Žyćcio cudoŭnaje», «Boni i Kłajd pa-italjansku», «Kachańnie Svana».
Arneła Muci naradziłasia ŭ 1955 hodzie ŭ Rymie. Jaje baćka — nieapalitaniec-žurnalist. Maci, Iłze Renata Kraŭze, prybałtyjskaja niemka, naradziłasia ŭ Estonii. Dzied i babula aktrysy naradzilisia ŭ Sankt-Pieciarburhu, adkul pierajechali ŭ Estoniju.
Čytajcie taksama:
«Dziuna: častka druhaja» — błakbastar, idealny da skryhatu ŭ zubach
