Znajści
Ałharytmičny łacinski varyjant
06.03.2024 / 14:349RusŁacBieł

Čyrvony pakoj i Buda. U Minsku pradajuć kvateru z futurystyčnym dyzajnam

Heta dvuchuzroŭnievaja piacipakajoŭka na bierazie Ślapianki.

Fota: realt.by

Ahulnaja płošča kvatery z unikalnym dyzajnam, vystaŭlenaj na prodaž — 245 m², žyłaja amal 180 m². Choł, haścioŭnia i kuchnia znachodziacca ŭ adnym pamiaškańni płoščaj 94 m². U centry — čyrvonaja kanapa. 

Na druhi pavierch (antresol) viadzie leśvica sa šklanymi schodami.

Fota: realt.by

Zvyčajnyja formy ŭ hetaj kvatery majuć tolki akonnyja i niekatoryja dźviarnyja prajomy. Leśvičnyja piaryły, balasiny i navat ubudavanyja ŭ stol śviacilniki vykanany ŭ futurystyčnym styli.

Kuchnia ŭ kvatery — biełaha koleru ź vielizarnymi panaramnymi voknami. 

Fota: realt.by

Z voknaŭ kvatery adkryvajecca vid na Nacyjanalnuju biblijateku.

Taksama majecca i čyrvony pakoj. Pobač ź im u ścianie možna zaŭvažyć arku, jakaja nahadvaje prachod dla myšy z multfilmaŭ pra Toma i Džery. Unutry čyrvonaha pakoju namalavany Buda.

Fota: realt.by

U kvatery znachodzicca try sanvuzły. Dva z troch vannych pakojaŭ vykanany ŭ mienš futurystyčnym styli. U adnym ź ich mieścicca vialikaja džakuzi i, što davoli redka dla žyłych pamiaškańniaŭ, pisuar.

Fota: realt.by

Łožak u spalnym pakoi taksama daloki pa svaich formach ad taho, što my pryzvyčailisia bačyć. 

Fota: realt.by

Meblu niestandartnych form možna zaŭvažyć i ŭ inšych pakojach. Praz toje, što kvatera znachodzicca na apošnim paviersie i vyšynia stoli mocna roźnicca z-za kanstrukcyi budynku, vychad na druhi pavierch (antresol) majecca nie tolki z choła, ale i z pracoŭnaha kabinieta.

Siarod inšaha na 245 «kvadratach» znajšłosia miesca dla prastornaj harderobnaj i spartyŭnaj zały.

Fota: realt.by

Jak paznačana ŭ apisańni da abjekta, u pamiaškańni zrobleny aŭtarski ramont pa dyzajn-prajekcie z vykarystańniem najlepšych pa jakaści impartnych materyjałaŭ dla budaŭnictva i azdableńnia. Kvatera pradajecca razam z technikaj. 

U kvatery zroblena dadatkovaja ciepłavaja i hukavaja izalacyja. Ustalavany kandycyjanier i prytokava-vyciažnaja vientylacyja.

Prosiać za kvateru 600 tysiač dalaraŭ, mahčymy handal.

Čytajcie taksama:

U Minsku adkryjuć škołu z asimietryčnymi voknami

«Adpracujcie 40 hadoŭ kiraŭnikom, i ŭ vas atrymajecca». Eks-sienatarka raskazała, jak možna zarabić na dom za $1,5 miljona

U Breście ŭračysta zdali dva damy dla vajskoŭcaŭ. Klučy ŭručaŭ ministr Chrenin

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
12
Панылы сорам
8
Ха-ха
4
Ого
3
Сумна
1
Абуральна
1
0
Maksim Dizajnier/adkazać/
07.03.2024
cinik,

Ty nie putaj emihrantskije kvartały pod Nieapolem s avtobusom raz v čas i cientr i kakoj-nibud́ Miłan. Tam raźnica takoj žie niedvihi kak raz umnožaj na 4 - do bieskoniečnosti. 
1
Maksim Dizajnier/adkazać/
07.03.2024
cinik

Domik v Italii možno i za 10k kupiť, osieł. V horodie. Tolko čto tam diełať, kromie kak jevro v tri  mahazina i 5 kafie na unitaz sdavať.
0
Vasia/adkazać/
07.03.2024
Vsio žie postrojeno na čiestno ukradiennyje ili niedopłačiennyje dieńhi sotrudnikam.
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera