Znajści
Ałharytmičny łacinski varyjant
09.03.2024 / 14:2245RusŁacBieł

«Nie złavać dzieda». Ryhor Astapienia prapanavaŭ novuju stratehiju demakratyčnym siłam

Pra toje, čamu demakratyčnym siłam treba svoj kandydat na prezidenckich vybarach i na jakich zadačach skancentravacca ciapier, razvažaŭ kiraŭnik biełaruskaha prajektu Chatham House Ryhor Astapienia ŭ novym vypusku jutub-kanała «Hadzińničak cikaje».

Ryhor Astapienia. Skryn videa chasiki_ / YouTube

Svoj kandydat na vybarach

Na dumku Astapieni, na budučych prezidenckich vybarach demakratyčnym siłam nieabchodna vysoŭvać svajho kandydata. «Ja nie ŭjaŭlaju, jak možna raskrucić kampaniju ŭnutry krainy biez čałavieka ŭnutry jaje». Analityk zaŭvažaje, što heta moža być historyja na adzin dzień, ci, jak u vypadku Nadzieždzina ŭ Rasii, na paru tydniaŭ. Ale inšaj alternatyvy Astapienia nie bačyć.

Emihracyja moža jak inśpiravać niekaha pajści kandydatam na vybary, tak i zabiaśpiečyć jamu infarmacyjnuju padtrymku.

Na pohlad analityka, isnuje niedaacenka važnaści budučaj palityčnaj kampanii demakratyčnymi siłami:

«Adbyvajecca razryŭ. My bolš nie žyviom piacihadovymi palityčnymi cykłami. I heta padajecca dosyć pamyłkovym dla demakratyčnych siłaŭ. Dla žyćciazdolnaści samich emihrantaŭ, palityčnych kołaŭ, mnie padajecca, heta ich palityčny kaniec. Jany nie da kanca ŭjaŭlajuć, nakolki dla vonkavaha śvietu, dla lehitymnaści hetych palityčnych sił važnyja ich historyi, kim jany źjaŭlajucca dla ŭsiaho śvietu».

Astapienia śćviardžaje, što ludzi stamlajucca ad razmovaŭ pra 2020 hod. Jon nieadnarazova čuŭ padčas kanfierencyj pytańnie ab stratehii na 2025-ty. Ale na paradku dnia zastajecca 2020-ty.

«Kali jany (demakratyčnyja siły. — NN) chočuć svajho ŭłasnaha vyžyvańnia, treba štości rabić vakoł vybarčaj kampanii. Jaje nielha ihnaravać….. Treba ŭvachodzić u vybarčyja siły, kali chočacca isnavać», — ličyć Astapienia.

Što demakratyčnym siłam treba rabić u novaj realnaści

Treba padzialić zadačy na bližejšyja hod-dva i na bolš dalokuju pierśpiektyvu, miarkuje analityk.

«Kali havaryć pra hod-dva, to na samoj spravie tut metaŭ niama. Jany ŭsie vydumanyja — «zadušyć režym», «adpravić Łukašenku ŭ Haahu». Ja nie suprać. Ale my možam [prapanavać] niešta, źviazanaje z rečaisnaściu?» — zaŭvažaje Astapienia.

@nashanivanews Jak vam takaja prapanova — «Nie złavać dzieda»? Ryhor Astapienia maje racyju? #biełaruś#biełaruskityktok#biełaruśnovosti#našaniva#śvietłanatichanovskaja#cichanoŭskaja#mova#minsk♬ Biełaruś - Biez Bileta

Na pohlad analityka, abjektyŭnaja zadača, jakaja staić pierad demakratyčnymi siłami, — «kab Biełaruś vyjšła ź biespraśvietnaj sraki». Jak tłumačyć Astapienia, na praktycy heta aznačaje spynieńnie represij.

«Ja nie dumaju, što ŭ nas jość abmienny fond viaźniaŭ. Ale jość sankcyjny fond, jaki možna sprabavać niejkim čynam mianiać. Jość nabor dziejańniaŭ dla taho, kab nie pavialičvać represii».

Šrajbman zaŭvažyŭ, što stratehija, jakuju prapanoŭvaje Astapienia, układvajecca ŭ kanvu «nie złavać dzieda».

Na pytańnie, ci treba demakratyčnym siłam vychodzić z cykłu cisku na režym, Astapienia adkazaŭ:

«Kali ŭ vas zadača złavać dzieda, to vy ahučcie, kab usie razumieli: «My lubim represii». Kali dzied varjacieje, jon pačynaje bolš represavać».

Analityk ličyć, što značnaja častka represij prachodzić pa farmalnych pryčynach. Jość častka ludziej, jakija nie trapili ŭ farmalnyja śpisy, i absalutna spakojna prachodzić mima represij.

«Tamu vielmi važna ŭličvać, jakim čynam i da čaho pryvodziać našy dziejańni, sproby nibyta eskaliravać niejkija rečy ŭnutry Biełarusi. Za heta treba nieści niejkuju adkaznaść, kali heta nikudy nie viadzie».

Čytajcie jašče:

Biełarusy nie chočuć ni Biełaruś Cichanoŭskaj, ni Biełaruś Łukašenki — daśledavańnie Astapieni

SK zavioŭ spravy na 20 «analitykaŭ Cichanoŭskaj». Tam jość i analityki suprać Cichanoŭskaj

Zhubilisia ŭ biełaruskim jutubie? Voś ažno 17 kanałaŭ — znojdziecie svoj

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
16
Панылы сорам
84
Ха-ха
12
Ого
2
Сумна
6
Абуральна
20
0
Janka/adkazać/
10.03.2024
imia, tady vy atrymajecie paŭnočnuju kareju, u jakoj spadčynnaja dyktatura Kimaŭ trymajecca na vonkavaj padtrymcy spačatku SSSR, potym Kitaju. Koštam žudasnych represij i bieźlitasnaj ekspłuatacyi ŭłasnaha naroda.
0
babrujčanin/adkazać/
10.03.2024
Ni mira ni vajny armiju raspuścić ..
0
Tvoj dzied Łukaš/adkazać/
10.03.2024
Dziakuj, Ryhorka
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
sakavikkrasavikmaj
PNSRČCPTSBND
1234567
891011121314
15161718192021
22232425262728
2930