Znajści
Ałharytmičny łacinski varyjant
03.03.2024 / 18:533RusŁacBieł

U Breście zatrymlivali i eks-mera Rahačuka, i abłasnoha kiraŭnika Šulejku

Jak stała viadoma «Našaj Nivie», lipki nastroj strachu i pieradčuvańnia horšaha raspaŭzajecca pa budynkach orhanaŭ dziaržkiravańnia ŭ Breście. Navat hubiernatar Juryj Šulejka straciŭ spakoj i znajšoŭ siabie ŭ roli amal što padślednaha. 

Brest, piešachodnaja vulica

Što tam kankretna adbyvajecca, jasnaści niama. My viedajem tolki abrysy historyi, jakaja pačałasia ŭ lutym z zatrymańnia Valancina Zajčuka, pieršaha namieśnika staršyni Bresckaha abłvykankama.

Jak kažuć surazmoŭcy «Našaj Nivy», Zajčuka ŭziali na adnosna ścipłym chabary. Što zabaŭna — kažuć, što hrošy jon uziaŭ rasijskimi rublami. 

«Ale suma nie maje značeńnia. U nas zatrymlivajuć tady, kali orhany ŭžo naźbirali infarmacyju, što čynoŭnik vyrašaje pytańni za hrošy. I kali Łukašenka padpiša zhodu na aryšt, to nie maje značeńnia, na jakoj sumie čynoŭnikaŭ voźmuć.

Majecca na ŭvazie, što orhanam nasamreč viadoma pra bolšuju kolkaść epizodaŭ», — raskazvaje łohiku naš surazmoŭca, jaki chadziŭ adnymi kalidorami z aktyŭnymi fihurantami ciapierašniaj historyi.

Paśla zatrymańnia Zajčuka prablemy pačalisia ŭ jahonych byłych kaleh. 

Surazmoŭcy «Našaj Nivy» kažuć, što mnohija supracoŭniki abłvykankama chodziać na dopyty jak na rabotu. Niekatoryja «źnikajuć». Niekatoryja — abjaŭlajucca paśla źniknieńnia. 

Tak było, naprykład, z byłym kiraŭnikom Bresta Alaksandram Rahačukom. 

Pa słovach dvuch infarmavanych surazmoŭcaŭ, Rahačuka vyklikali ŭ orhany, dzie jon i źnik minimum na sutki — acenki kankretnaha času, jaki eks-čynoŭnik pravioŭ u zaścienkach, razychodziacca.

Kali analizavać publikacyi ŭ telehram-kanale byłoha mera, to jaho zatrymlivali abo na sutki pamiž 1 i 2 sakavika, abo ŭ kancy lutaha. Adnak paśla karotkaha zatrymańnia Rahačuku nibyta nie vystaŭlali abvinavačvańniaŭ. 

Rahačuk apublikavaŭ zdymak, kab paćvierdzić, što znachodzicca na svabodzie

Čytajcie: Učora ŚMI paviedamlali pra zatrymańnie byłoha kiraŭnika Bresta. Ale nasamreč jon na voli

U padobnaj situacyi znachodzicca i niepasredny načalnik Valancina Zajčuka, staršynia Bresckaha abłvykankama Juryj Šulejka. Surazmoŭcy «Našaj Nivy» źviartajuć uvahu, što hubiernatar Bresckaj vobłaści prajšoŭ praz kamunikacyju z orhanami «pa schiemie Rahačuka», tolki trošku raniej. 

Šulejka zastajecca nie tolki na voli, ale i pry pasadzie. Prynamsi, pakul što.

Juryj Šulejka 

Imiony bolš drobnych fihur hetaj historyi nam pakul nieviadomyja. Viadoma, što siarod ich jość kamiersanty.

Čytajcie taksama:

Supracoŭniki bujnych chołdynhaŭ i zavodaŭ zatrymanyja za karupcyju pry zakupkach na biržy

«Ën z mazhami, jamu nie varta było iści ŭ načalniki». Historyja kiraŭnika Chocimščyny, jakoha pasadzili za adkaty

«Chabar — 6500 dalaraŭ». Stali viadomyja padrabiaznaści zatrymańnia kiraŭnika baranavickaj ptuškafabryki «Družba»

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
7
Панылы сорам
5
Ха-ха
36
Ого
5
Сумна
3
Абуральна
13
0
daviedka/adkazać/
03.03.2024
Šulejko i jeho 1-j zam Zajčuk ahrarii, a Rohačuk k sielskomu choziajstvu otnošienija nie imieł, tut čto-to druhoje.
0
Litaścivy/adkazać/
03.03.2024
Ščyra kažučy, absalutna niama spačuvańnia da hetych ludziej. 
0
daviedka/adkazać/
04.03.2024
Piervyj zamiestitiel kurirovał ziemleustrojstvo. čto mohło jeho śviazyvať s priedsiedatielami hor- i oblispołkoma.

Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
sakavikkrasavikmaj
PNSRČCPTSBND
1234567
891011121314
15161718192021
22232425262728
2930