Znajści
Ałharytmičny łacinski varyjant
02.03.2024 / 21:5015RusŁacBieł

102-hadovaja žančyna ŭspomniła pra hady vajny, dy nie ŭličyła ideałohii. Jaje papraviŭ 74-hadovy kamunist

U tałačynskaj rajoncy «Naša Tałačynščyna» dniami vyjšli ŭspaminy 102-hadovaj uradženki vioski Rydomla, spalenaj u vajnu nacystami. Padčas intervju žančyna raskazvała pra vajenny čas, dapuściŭšy vykazvańnie, nieadpaviednaje aficyjnaj ideałohii. Redakcyja haziety hetaha nie zaŭvažyła i apublikavała, ale ŭ rajonie znajšoŭsia pazaštatny cenzar, źviarnuŭ uvahu telehram-kanał «Viciebsk, ja hulaju!».

Vidavočca vajny nieaściarožna ŭspomniła siarod inšaha, što «niemcy častavali dzietak vioski Rydomla šakaładam i davali kavałački myła dla pamyŭki niaščasnych».

Artykuł u takim vyhladzie byŭ apublikavany, a jaho elektronnaja viersija źjaviłasia i na sajcie vydańnia.

Ale ŭ žychara Tałačynskaha rajona 74-hadovaha Mikałaja Pietrušenki z časoŭ vajny zastalisia zusim inšyja ŭspaminy. Dziela taho jon staŭ telefanavać u redakcyju rajonki i adździeł ideałohii vykankama, u vyniku čaho ideałahična niapravilnyja vykazvańni doŭhažycharki vydalili z elektronnaj viersii artykuła. Što buduć rabić z papiarovaj — pakul nie ŭdakładniajecca.

«Paśla majho ŭmiašańnia ŭ tekst hetaha intervju, jakoje vyjaviłasia ŭ asabistaj telefonnaj razmovie z redaktaram haziety Iharam Vasiljevičam Snaravym, kiraŭnikom rajona staršynioj Tałačynskaha rajvykankama Alaksiejem Michajłavičam Łyndzinym i pieršym namieśnikam načalnika Hałoŭnaha ŭpraŭleńnia ideałahičnaj raboty i pa spravach moładzi Viačasłavam Vasiljevičam Chrołam z elektronnaj viersii intervju źnikli haniebnyja radki pra toje, jak «niemcy častavali dzietak vioski Rydomla šakaładam i davali kavałački myła dla pamyŭki niaščasnych», — pachvaliŭsia svaimi dasiahnieńniami sam Pietrušenka. Taksama jon aburyŭsia «pazbaŭleńniem» mahčymaści pakidać kamientary pad artykułami vydańnia.

Mikałaj Pietrušenka — asoba viadomaja, i nie tolki ŭ Biełarusi. Na ŭvieś Saviecki Sajuz jon prasłaviŭsia ŭ kancy 1980-ch — pačatku 1990-ch hadoŭ, kali hety ŭradženiec Rečyckaha rajona byŭ narodnym deputatam SSSR, prytym vielmi publična aktyŭnym. Praŭda, vybiraŭsia jon nie ad Biełarusi, a ad Kazachskaj SSR, bo ŭ toj čas słužyŭ tam u savieckim vojsku, dasłužyŭšysia da zvańnia pałkoŭnika. 

Pietrušenka byŭ u toj čas adnym z tvaraŭ antypierabudovačnych siłaŭ, pradstaŭniki jakich z trybuny źjezda narodnych deputataŭ rezka krytykavali tahačasnaha kiraŭnika savieckaj dziaržavy Michaiła Harbačova i jaho atačeńnie z kansiervatyŭnych pazicyj, vystupali suprać navat tych vielmi niepaśladoŭnych i pałavinčatych reformaŭ, jakija Harbačoŭ sprabavaŭ pravodzić. Častyja i pałymianyja vystupleńni deputata ŭ vajskovaj formie ad Kazachstana, pramaŭlanyja z mocnym biełaruskim akcentam, stali adnym sa znakaŭ taho času.

Paśla fijaska palityčnych siłaŭ, jakija horača padtrymlivaŭ Pietrušenka, što mieła vynikam raspad Savieckaha Sajuza, saviecki pałkoŭnik nie zastaŭsia ładzić novaje žyćcio ŭ kazachstanskich stepach i nie atabaryŭsia na rasijskich prastorach. Paśla zvalnieńnia z vojska jon viarnuŭsia na radzimu ŭ Biełaruś. Pasialiŭšysia ŭ Kochanavie pad Tałačynom, adstaŭny pałkoŭnik zaniaŭsia fiermierstvam, ale nie pakidaŭ i hramadska-palityčnych spraŭ.

Na dziva, doŭhi čas Pietrušenka, pry ŭsioj adyjoznaści svaich pohladaŭ, nie znachodziŭ ahulnaj movy z režymam Łukašenki i šmat hadoŭ źjaŭlaŭsia siabram apazicyjnaj kamunistyčnaj partyi na čale ź Siarhiejem Kalakinym (paśla partyja «Spraviadlivy śviet»). Taksama jon supracoŭničaŭ z arhanizacyjaj «Naš dom», zasnavanaj Volhaj Karač. Aktyŭna publikavaŭsia ŭ miascovaj presie, kanfliktavaŭ ź miascovymi ŭładami, časam navat pryciahvaŭsia da administracyjnaj i navat kryminalnaj adkaznaści. Ale ŭ sacsietkach i inšych publičnych vystupleńniach praciahvaŭ baranić nie tolki kamunistyčnuju ideałohiju, ale i praktyku savieckich uładaŭ, u tym liku ździejśnienaje imi ŭ časy stalinizmu. 

Zrešty, padziei 2020 hoda kančatkova prymiryli Pietrušenku i ź biełaruskim režymam. Tady jahonaje proźvišča znajšłosia ŭ źlitych bazach tych, chto danosiŭ siłavikam na mirnych pratestoŭcaŭ. 

Čytajcie taksama: 

Samy aktyŭny danosčyk Bambiza na vybarach zaniaŭ apošniaje miesca z usiaho Minska — jamu namalavali 1,999%

Danosčycy Bondaravaj namalavali na vybarach mienš za 5%

Zakryŭsia adzin z ananimnych telehram-kanałaŭ umieranych łukašenkaŭcaŭ

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
5
Панылы сорам
60
Ха-ха
9
Ого
1
Сумна
5
Абуральна
89
14
vv/adkazać/
03.03.2024
Pravdorub , ja śvidietiel tiech vriemien
1
dočka Maksima Dizajniera/adkazać/
03.03.2024
"bo ŭ toj čas słužyŭ tam u savieckim vojsku, dasłužyŭšysia da zvańnia pałkoŭnika"
dyk i nie pachož jon na biełarusa. daŭno zaŭvažyła, što ŭ sssr adpraŭlali kudyści daloka słužyć nie prosta tak...
0
Vasil/adkazać/
03.03.2024
 Maja maci mnie toje ž raspaviadała. Jej tady siem hadou była. Sapraudy, niemcy častavali dziaciej cukierkami. Škadavali dziaciej. A Pietrušenka prosta durań. Sam tady nie žyu, a starejšych papraulaje.
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
sakavikkrasavikmaj
PNSRČCPTSBND
1234567
891011121314
15161718192021
22232425262728
2930