Znajści
Ałharytmičny łacinski varyjant
02.03.2024 / 16:453RusŁacBieł

Rasija zabaraniła paloty samalotaŭ A-50 kala Ukrainy — brytanskaja raźviedka

Straty rasijskich vajskovych samalotaŭ dalokaha radyjołakacyjnaha vyjaŭleńnia i kiravańnia A-50 značna pahoršać situacyjnuju aryjentacyju ekipažaŭ u niebie. Pra heta havorycca ŭ spravazdačy brytanskaj raźviedki.

Adznačajecca, što praz tydzień paśla paražeńnia druhoha pa liku samalota A-50 Rasija, chutčej za ŭsio, zabaraniła paloty pavietranaha sudna kala Ukrainy.

«Heta budzie praciahvacca datul, pakul rasiejcy buduć pravodzić unutranyja rasśledavańni ab niazdolnaści abaranić hetyja samaloty, a taksama ab tym, jak pamienšyć pahrozu, jakuju praciahvaje ŭjaŭlać ukrainskaja supraćpavietranaja abarona», — śćviardžaje brytanskaja raźviedka.

Pavodle jaje infarmacyi, strata samalota moža značna pahoršyć situacyjnuju aryjentacyju ekipažaŭ samalotaŭ. Na dumku analitykaŭ, Rasija nie moža dazvolić sabie taki prahał u mahčymaściach. Z-za hetaha rasijskija vajskoŭcy, vierahodna, buduć vyvučać inšyja varyjanty vyrašeńnia hetaj prablemy šlacham pieraprafilavańnia samalotaŭ i pryniaćcia bolšaj ryzyki dla zabieśpiačeńnia efiektyŭnaj padtrymki z pavietra, u jakoj majuć patrebu ich suchaputnyja vojski.

«Stomlenaść samalotaŭ i ekipažaŭ amal napeŭna ŭzmocnicca, kali A-50 nie viernucca da apieracyj, a fłot budzie ŭsio bolš raściahnuty. Całkam realna, što Rasija moža pasprabavać viarnuć da ekspłuatacyi raniej zakansiervavanyja samaloty A-50, kab źmiakčyć hetuju prablemu», — dadali ŭ Ministerstvie abarony Vialikabrytanii.

Rasijski samalot A-50 ukrainskija srodki SPA źbili 23 lutaha. Pra stratu jašče adnaho takoha borta paviedamlałasia 14 studzienia. Pavodle adkrytych krynic, u 2022 hodzie Rasija mieła tolki try takija samaloty i šeść jaho madyfikacyj A-50U. Adzin z A-50 byŭ paškodžany ŭ lutym 2023 hoda na biełaruskim aeradromie ŭ Mačuliščach.

Čytajcie taksama:

10 źbitych samalotaŭ za 10 dzion. Jak ukraincy heta robiać

Na źbitym u piatnicu rasijskim A-50 byli 10 čałaviek

Hibiel A-50: jak USU mahli źniščyć rasijski latajučy radar?

Jak ukraincy źbili rasijski samalot A-50 koštam $330 miljonaŭ

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
23
Панылы сорам
1
Ха-ха
7
Ого
1
Сумна
0
Абуральна
3
0
Dodik/adkazać/
02.03.2024
Vsio idiot po płanu. Potieŕ niet!
0
Čieł/adkazać/
02.03.2024
A začiem tohda eti samoloty, jeśli ich nie budut ispolzovať?
1
traktor mtz/adkazać/
03.03.2024
Riešili bierieč dla čieho to jeŝio.
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
sakavikkrasavikmaj
PNSRČCPTSBND
1234567
891011121314
15161718192021
22232425262728
2930