Znajści
Ałharytmičny łacinski varyjant
02.03.2024 / 12:264RusŁacBieł

U Minsku pradajuć pamidory pa 60 rubloŭ. Heta jak čatyry kiłahramy śvininy

Znojdzienyja pamidory, jakija daražej amal za ŭsiu astatniuju ježu. Ich zaŭvažyła ŭ kramie ProStore Kryścina. Vyhladaje jak rekord, raniej samymi darahimi byli tamaty pa 45 rubloŭ za kiłahram, piša Onliner.by.

«Pamidory pa 60 rubloŭ ja jašče nie bačyła. Jašče i napisana: «dobraja cana», — dzielicca Kryścina.

Tamaty spakavanyja ŭ skrynački pa 200 hramaŭ i kaštujuć krychu bolš za 12 rubloŭ. Kali pieravodzić u kiłahramy, to atrymlivajecca 60 rubloŭ, cana padbirajecca da jakoha-niebudź łakšernaha łasosia abo 4 kiłahramy śvininy. Uličym, što heta tamaty čery na halincy, častka vahi va ŭpakoŭcy, to-bok chvościki, adrazu buduć vykinutyja.

Abodva vidy tamataŭ pryjechali z Rasii. Acanicie apisańnie čery za 12,04 rubla na sajcie vytvorcy: «Smak kłubnicaŭ i pikantnaść rukały dapaŭniajucca vustryčnym tonam i vodaram marskoj chvali». Z bolš zrazumiełaha: napisana, što jany nadta sałodkija. Ciapier vy viedajecie, čym upryhožyć samy darahi stoł na najbližejšyja śviaty.

Što naohuł adbyvajecca z cenami na pamidory?

Pavodle źviestak Biełstata, u studzieni (heta apošniaja dastupnaja statystyka) tamaty padaraželi na 6,4%, a ahurki patańnieli na 0,35%. Siaredni košt tamataŭ byŭ 10,78 rubla za kiłahram, ahurkoŭ — 8,61 rubla.

U cełym heta zvyčajnaja dla niesiezona situacyja: letaś u siaredzinie sakavika byli tamaty ad 10 rubloŭ, ciapier samyja tannyja ŭ internet-dastaŭkach — pa 8 rubloŭ na akcyi, bieź źnižak — 9,45 rubla. Ich viazuć z Rasii, Turcyi, Azierbajdžana.

Čery — zvyčajna samaja darahaja pazicyja siarod tamataŭ, ale možna znajści ich pa 18 rubloŭ za kiłahram, ciapier heta zvyčajna Jehipiet abo Maroka.

Kamientar sietki

Paśla publikacyi materyjału žurnalisty atrymali padrabiazny kamientar ad sietki ProStore. Tam patłumačyli, što ceny na lubyja tamaty, u tym liku čery, rehulujucca pastanovaj Saŭmina №713 ad 19 kastryčnika 2022 hoda, a ŭ pracesie farmiravańnia roźničnaj ceny ŭdzielničajuć usie hulcy rynku: vytvorcy, pastaŭščyki-dystrybjutary i sami subjekty roźničnaha handlu.

Zhodna z pastanovaj, roźnica nie maje prava ŭstanaŭlivać roźničnyja ceny zvyš limitavaj maksimalnaj handlovaj (z ulikam aptovaj) nadbaŭki. Heta značyć publikujučy ceny na tamaty, subjekt roźničnaha handlu da cany vytvorcy (u zaležnaści ad krainy pachodžańnia) maje prava dadać tolki 30%.

— Treba ŭličvać, što nazvanyja 30% ad cany vytvorcy dzielacca pamiž pastaŭščykami-dystrybjutarami i roźnicaj. Da prykładu, kali pastaŭščyk nabyŭ u vytvorcy tavar pa canie ŭ 1 rubiel i pradaŭ jaho subjektu roźničnaha handlu, to apošni maje prava vyznačyć maksimalnuju roźničnuju canu nie bolš za 1,30 rubla.

Skazanaje demanstruje, što roźničny košt, tranślavany na palicach kram, zaŭsiody jość śledstvam praciahłajha łancužki cenaŭtvareńnia, u jakoj u pieršuju čarhu budučuju canu farmuje vytvorca, a subjekty roźničnaha handlu i dystrybjutar maje prava dziejničać u ramkach ustanoŭlenaha pastanovaj miažy handlovych nadbavak.

Tamu košt tamataŭ čery sfarmiravany z ulikam patrabavańnia pastanovy, a jaho vynikovaje značeńnie naŭprost zaležyć ad cany vytvorcy abo pastaŭščyka-dystrybjutara, źviartajuć uvahu pradstaŭniki sietki.

— Akramia taho, TAA «Prostarytejł», apieratar roźničnaj sietki hipiermarkietaŭ ProStore, farmuje ceny, zychodziačy z kanjunktury rynku. Inšymi słovami, razdrobny košt nie budzie sfarmiravany vyklučna z metaj atrymać maksimalny dachod, pakolki spažyviec zaŭsiody maje na cikavaść znajści najbolš vyhadnuju canu. Pry ŭstalavańni roźničnych cen analizujucca kankurentnyja roźničnyja ceny peŭnych handlovych sietak i kankretnych handlovych abjektaŭ.

Što tyčycca nadpisu «dobraja cana», to jość adziny dyzajn dla ceńnikaŭ, jaki paznačaje nieakcyjnyja tavary, rastłumačyli ŭ sietcy. Prykład jakraz na fota ŭ hetym tekście.

Čytajcie taksama:

Na rynku Valarjanava źjavilisia pamidory pa 130 rubloŭ za kiło. Adkul jany takija?

Błohier pakazaŭ, dzie možna kupić mandaryny pa 2,5 rubla za kiłahram

Jak paśla dvuch hadoŭ sankcyj źmianilisia biełaruskija palicy ź ježaj

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
0
Панылы сорам
2
Ха-ха
0
Ого
1
Сумна
1
Абуральна
3
0
Boris/adkazać/
03.03.2024
Nu tak nie pokupajtie pomidory. Pokupajtie śvininu i ještie s kartoškoj i kvašienoj kapustoj. A pomidory letom budietie jesť
0
Maksim Dizajnier/adkazać/
04.03.2024
Piźniaś po biełorusski. Urvať, kak v poślednij raz, naniať rabov po 300-400, i prodavať svoj rodovoj chruŝ v proletarskoj dyrie po cienie podmoskovnoj kvartiry.
0
Maksim Dizajnier/adkazać/
04.03.2024
Boris,

Pravilno, burhiery - po 17 rublej, šaurma - po 12, olivki - po 35, file siemhi v Koronie- po 90. Vsie kak v łučšich domach Pariža, s zarpłatami, kak v Konho. Budu jesť riezinovuju hałošu vmiesto stiejka, liš by hardiny na oknach visieli. S hołoj srakoj choť pyl v hłaza puŝu. 
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
sakavikkrasavikmaj
PNSRČCPTSBND
1234567
891011121314
15161718192021
22232425262728
2930