Znajści
Ałharytmičny łacinski varyjant
02.03.2024 / 07:59RusŁacBieł

U vyniku novaj ataki dronaŭ jość achviary ŭ Adesie i Charkaŭskaj vobłaści

Načny ŭdar pa Adeskaj vobłaści byŭ naniesieny vaśmiu dronami-kamikadze typu Shahed-131/136, piša Bi-bi-si.

Fota: Suśpilnie. Adesa

«Na praciahu hadziny padraździaleńni SPA ŭ intensiŭnym režymie adbivali hetuju ataku. Siem celaŭ źniščana, — skazana ŭ zvodcy. — Adzin z dronaŭ padčas manieŭraŭ siarod žyłych kvartałaŭ Adesy trapiŭ u dzieviacipaviarchovy budynak u spalnym rajonie. Častka padjezda z 18 kvaterami razburanaja».

Ułady paviedamili, što zahinuli dva čałavieki i siem čałaviek nie vychodziać na suviaź, siarod jakich ciažarnaja žančyna i maleńkaje dzicia.

Praciahvajecca pošukava-vyratavalnaja apieracyja. Pavodle papiarednich źviestak, pad zavałami mohuć być ludzi.

«Hustanasieleny rajon. Tut prosta žach. Na miescy pracujuć ratavalniki, municypalnyja i avaryjnyja słužby. Viaducca razbory zavałaŭ», — paviedamiŭ mer Hienadź Truchanaŭ.

«Taksama paškodžanyja inžyniernyja sietki i kacielnia, susiednija damy adklučanyja ad aciapleńnia», — dadaŭ Truchanaŭ. 

Kiraŭnik abłasnoj administracyi Aleh Kipier udakładniŭ, što siem čałaviek atrymali ranieńni, u tym liku dzicia i ciažarnaja žančyna.

U pasiołku Vialiki Burłuk u Charkaŭskaj vobłaści ŭ vyniku ataki bieśpiłotnikaŭ zahinuŭ 76-hadovy mužčyna, paviedamiła abłasnoje ŭpraŭleńnie palicyi.

Pavodle infarmacyi palicyi, kala 00:10 adbyłosia traplańnie BPŁA typu Shahed u pryvatnaje domaŭładańnie, dom zahareŭsia. Z-pad zavałaŭ dastali zahinułaha haspadara doma, dom całkam razburany.

Čytajcie taksama:

U vajnie pieramoža toj, u kaho budzie bolš snaradaŭ. Ci moža heta być Ukraina?

Sajuźniki źbirajucca pieradać Ukrainie tysiačy dronaŭ sa štučnym intelektam

Jak biełarusy dapamahali asnaščać rasijskuju vajskovuju mašynu zachodnim abstalavańniem

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
0
Панылы сорам
0
Ха-ха
1
Ого
1
Сумна
5
Абуральна
16
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
sakavikkrasavikmaj
PNSRČCPTSBND
1234567
891011121314
15161718192021
22232425262728
2930