Znajści
Ałharytmičny łacinski varyjant
01.03.2024 / 20:061RusŁacBieł

«Hrošy ŭ ciabie buduć, a kultura moža źniknuć». Jak polskija panki adradžajuć biełaruskija narodnyja pieśni

Čatyry chłopcy z Padlašša zasnavali hurt «Vandroŭnik», jaki vykonvaje ŭ tym liku biełaruskija pieśni. Jaho ŭdzielniki kažuć, što vandrujuć nie tolki pa miascovaści, ale i pa roznych movach dy žanrach. Chłopcy nazyvajuć siabie pankami, bo iduć suprać mejnstrymu. Chacia vyhlad ich da pankaŭ nie padobny. Pra vybar movy i stylu ŭdzielniki raskazali vydańniu Most.

Fota sa staronki «Vandroŭnika» ŭ fejsbuku

Historyja «Vandroŭnika» pačałasia čatyry hady tamu ŭ adnym z padvałaŭ u polskim Bielsku. Dobra znajomyja pamiž saboj chłopcy vyrašyli stvaryć hurt. Jacak śpiavaje i hraje na akardeonie, Maryjuš — barabanščyk, Damijan — elektrahitaryst, Łukaš — basist. Dla ŭsich heta nie pieršy prajekt, bo muzykaj jany zajmalisia ź dziacinstva.

«Śpiavać pa-biełarusku — heta naturalny stan»

Udzielniki hurta naradzilisia ŭ Polščy, ale nazyvajuć siabie tutejšymi, razmaŭlajuć i śpiavajuć pa-biełarusku, hetuju movu vyvučali ŭ škole. Chłopcy adznačajuć: pytańnia, ci śpiavać na biełaruskaj movie, pierad imi nie stajała.

— Dla nas na Padlaššy — heta, možna skazać, naturalny stan, — tłumačyć Maryjuš.

— My naležym da pakaleńnia, jakoje čuła tutejšuju havorku i biełaruskuju movu ad svaich baćkoŭ i dziadoŭ. Ale miarkuju, pastupova heta źnikaje — moładź źjazdžaje ŭ vialikija harady i zabyvaje viosku, baćkaŭščynu, — dadaje Jacak.

Vyklučna biełaruskamoŭnymi pieśniami repiertuar nie abmiažoŭvajecca. Hurt stvaraŭsia z metaj vandravać pa Padlaššy, a taksama «jahonaj historyi, muzyčnych žanrach i movach».

— U nas jość pieśni i na polskaj movie. Liču, što kali ŭ hałavu pryjšła ideja mienavita polskamoŭnaj pieśni, abmiažoŭvać siabie nie treba, — tłumačyć Jacak.

Fota sa staronki «Vandroŭnika» ŭ fejsbuku

«Chočacca, kab niešta z narodnaj muzyki zastałosia»

Sabraŭšysia ŭpieršyniu, muzyki praviali dźvie repietycyi i amal adrazu pajechali na konkurs.

— Skazali «budź, što budzie» i pajechali na pieršaje vystupleńnie, — raspaviadaje Jacak. — Mahčyma, heta pankaŭski padychod, jaki zastaŭsia z nami i pa siońnia. Ale kali sustrakajemsia na repietycyjach, zaŭsiody pravodzim «mazhavy šturm». Miarkuju, heta cikavy padychod.

Tak padbirajuć i repiertuar. Naprykład, pieśnia na vierš Maksima Bahdanoviča «Maładość» źjaviłasia źnianacku: Jacak pračnuŭsia z dumkaj, što treba padrychtavać niejkuju pieśniu da vystupleńnia.

— Uziaŭ z palicy zbornik biełaruskich vieršaŭ, jaki zastaŭsia ŭ mianie sa školnych časoŭ, i napačatku knihi znajšoŭ vierš Bahdanoviča. Padabraŭ akordy na hitary, skinuŭ chłopcam — nu my i pasprabavali jaje zajhrać.

Niekatoryja pieśni chłopcy abirajuć, kab jany nie tolki zachavalisia, ale i prahučali nanoŭ. U repiertuary «Vandroŭnika» jość «Ajčyna-mama» hurta «Kordon», «Ahonija» hurta Veritas i narodnaja pieśnia «Ručajočak».

Sučasnuju aranžyroŭku muzyki stvarajuć ułasnymi siłami, a časam dapamahajuć siabry, jakija taksama prychodziać na repietycyi.

— Majmu sercu i dušy biełaruskija pieśni blizkija — heta naša kultura, tradycyja, jakuju važna zachoŭvać, — miarkuje Maryjuš.

— My jak maładoje pakaleńnie chočam pakazać, što hetyja pieśni možna vykonvać pa-roznamu. Chočacca, kab niešta z narodnaj muzyki zastałosia, — dadaje Jacak.

Hurt «Vandroŭnik» vystupaje ŭ Biełastoku. Fota: Most

«Jakija ž vy panki, dzie vašyja irakiezy?»

U bolšaj stupieni «Vandroŭnika» viedajuć tyja, chto naradziŭsia na Padlaššy. Novaja emihranckaja chvala biełarusaŭ z hurtom nie znajomaja.

— Tolki niekalki miesiacaŭ tamu my pačali adčuvać, što na Padlaššy źjaŭlajecca bolš biełarusaŭ, jakija zacikaŭlenyja movaj i miascovymi hurtami, — raskazvaje Maryjuš.

Ale «Vandroŭnik» užo paśpieŭ zajhrać dla «niemiascovych» biełarusaŭ — akustyčny kancert adbyŭsia ŭ biełastockim pabie Beer4U.

Niekatoryja sa słuchačoŭ paraŭnoŭvali muzykaŭ z «Korolom i Šutom», inšyja — z «Siektorom Haza». Ale chłopcaŭ heta nie kryŭdzić:

— Nam pryjemna, bo viedajem: kali nas z kimści paraŭnoŭvajuć, značyć, my padabajemsia słuchačam. Pry hetym hrać, jak chtości, nie chočam: jość «inśpiracyi» — hurty, jakija nas natchniajuć, — ale pierš za ŭsio my chočam hrać ułasnuju muzyku, — kaža Jacak.

Stylistyčna hurt adnosić siabie da pank-muzyki, chacia dakładny napramak, u jakim budzie ruchacca hurt, pakul nie vyznačany. Šmat kaho takaja identyfikacyja ździŭlaje.

— U nas pytajucca: jakija ž vy panki, dzie vašyja irakiezy? — śmiajecca Jacak. — Ale dla mianie paniaćcie panku — nie ŭ źniešnim vyhladzie. Važniej adroźnivacca ad masy i iści suprać mejnstrymu. Tak my i robim, navat kali heta nie ŭsim padabajecca.

Fota sa staronki «Vandroŭnika» ŭ fejsbuku

«Chaciełasia b pakazać biełaruskija narodnyja pieśni na vialikich scenach Polščy»

Pakul muzyka nie prynosić kalektyvu šmat hrošaj. A srodki, zaroblenyja na kancertach, razychodziacca na bienzin — hurt sapraŭdy vandruje šmat: adnojčy daviałosia dać ažno try kancerty za dzień. Hurt heta nie biantežyć:

— Hrošy možna zarabić, i jany ŭ ciabie buduć, a kultura moža źniknuć, — kaža Jacak.

Płanaŭ na budučyniu ŭ «Vandroŭnika» šmat. U hetym hodzie chłopcy płanujuć zapisać albom, jaki stanie zbornikam muzyčnych kazak, u nastupnym — vypuścić akustyčny albom.

— A tak chaciełasia b pakazać biełaruskija narodnyja pieśni na vialikich scenach Polščy, — adznačaje Jacak.

Chłopcy dadajuć, što płanujuć zrabić ułasny mierč — nadrukavać cišotki, ale pakul nie mohuć znajści sponsaraŭ, tamu byli b udziačnyja luboj padtrymcy.

Pasłuchać pieśni «Vandroŭnika» možna na ich YouTube-kanale, a zusim chutka ŭ hurta źjavicca staronka ŭ Spotify.

Čytajcie taksama:

«Narod patrabuje «harmaničnaj» pieśni». Jakija polskija hurty śpiavajuć pa-biełarusku i navošta heta robiać?

«Vioska ŭžo nie źjaŭlajecca bazaj dla biełaruskaj mienšaści». Padlašski biełarus raskazaŭ pra svoj šlach da movy dziadoŭ

«Čužyna heta ci nie čužyna? — zadumvajusia čarhovy raz»

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
15
Панылы сорам
0
Ха-ха
0
Ого
0
Сумна
1
Абуральна
1
0
Ugh/adkazać/
01.03.2024
Vielmi cikava pasłuchać. Hučnyja i piavučyja pieśni. Dziakuj Vandroŭnik! Dziakuj vialiki.
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
sakavikkrasavikmaj
PNSRČCPTSBND
1234567
891011121314
15161718192021
22232425262728
2930