Znajści
Ałharytmičny łacinski varyjant
01.03.2024 / 18:253RusŁacBieł

Apošniaja kraina Jeŭrasajuza pierastała impartavać rasijskuju naftu marskim šlacham

Rasija praciahvaje hublać kupcoŭ na jeŭrapiejskim rynku nafty, jaki jašče niekalki hadoŭ tamu byŭ dla jaje najbujniejšym — na zachad adpraŭlaŭsia kožny druhi barel ekspartu. Jak paviedamlaje vydańnie Novinite, z 1 sakavika ad rasijskich naftavych pastavak admoviłasia Bałharyja — apošniaja kraina Jeŭrasajuza, jakaja praciahvała atrymlivać rasijskuju naftu moram paśla ŭviadzieńnia letašniaha embarha, piša The Moscow Times.

Zdymak ilustracyjny. Fota: Evren Kalinbacak / vecteezy.com

Choć Brusiel daŭ Bałharyi palohku i dazvoliŭ praciahvać zakupki ŭ Rasii da kanca 2024 hoda, ułady krainy pryniali pastanovu daterminova dałučycca da naftavaha embarha. Adpaviednaje rašeńnie Bałharski parłamient patłumačyŭ nieabchodnaściu spynić «pramoje finansavańnie Rasii na fonie hieapalityčnaj napružanaści, jakaja praciahvajecca».

U kancy 2023 hoda Bałharyja zakuplała štodnia da 200 tysiač barelaŭ nafty z Rasii, zabiaśpiečvajučy najbolšy ŭ krainie NPZ u Burhasie, jaki naležyć rasijskaj kampanii «Łukojł». Dla zavoda mahutnaściu 8,8 młn ton u hod, jakim «Łukojł» vałodaje z 1999 hoda razam ź sietkaj z 500 AZS, byŭ uviedzieny 60-pracentny padatak na prybytak. Jon budzie dziejničać datul, pakul rasijskaja kampanija nie pazbavicca ad biznesu ŭ krainie.

Rasijskuju naftu Bałharyja zamianiaje na pastaŭki z Kazachstana, Paŭnočnaj Afryki, a taksama ź Blizkaha Uschodu. Užo ŭ studzieni NPZ u Burhasie atrymaŭ 120 tysiač ton kazachstanskaj nafty, 76 tysiač ton irakskaha hatunku Basrah Light, a taksama partyju z Tunisa pamieram 33 tysiačy ton.

Čytajcie taksama:

Hiermanija całkam zamianiła rasijski haz na narviežski

Jak Rasija viarnuła naftavyja dachody i što heta aznačaje dla nas usich

Rost cenaŭ na naftu daje Rasii hrošy na vajnu — The Economist

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
19
Панылы сорам
2
Ха-ха
1
Ого
0
Сумна
1
Абуральна
2
8
Maksim Dizajnier/adkazać/
01.03.2024
Po filkinym hramotam. Zato popierło čieriez Indiju i Kitaj.
0
Sea baby/adkazać/
02.03.2024
[Red. vydalena]
0
Žvir/adkazać/
02.03.2024
Maksim Dizajnier, cieraz UAE (kitajskija terminali) taksama pre, u tym liku pradukt.
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
sakavikkrasavikmaj
PNSRČCPTSBND
1234567
891011121314
15161718192021
22232425262728
2930