Znajści
Ałharytmičny łacinski varyjant
01.03.2024 / 18:382RusŁacBieł

Jak ciapier dabracca z Hrodna ŭ Druskieniki na maršrutcy

Bieź pierasadak nie abyścisia.

Ilustracyjny zdymak. Fota: telehram-kanał «Varšavka Hranica Briest-Tieriespol»

Adlehłaść ad Hrodna da Druskienikaŭ — kala 40 kiłamietraŭ. Da 1 sakavika pamiž haradami rehularna kursiravali jak maleńkija maršrutki, tak i vialikija aŭtobusy.

Paśla zakryćcia punkta propusku «Pryvałka» pramych rejsaŭ nie zastałosia. Adziny mahčyma šlach dabracca z abłasnoha centra ŭ susiedni litoŭski horad — jechać da Vilni i tam pierasadžvacca na aŭtobus Vilnia-Druskieniki.

Bilet z Hrodna da Vilni kaštuje 100 rubloŭ, a ź Vilni da Druskienikaŭ — kala 15 jeŭra. Ahułam na kvitki sychodzić kala 150 rubloŭ (abo 43 jeŭra).

Pry hetym, samaje składanaje ŭ tym, što pry vyjeździe z Hrodna amal niemahčyma zahadzia nabyć bilet ź Vilni da Druskienikaŭ, pakolki nichto nie moža sprahnazavać, kolki času zojmie prachod miažy — 2, 5 abo 8 hadzin.

Z ulikam hetych akaličnaściej dabracca z Druskienikaŭ da Hrodna praściej, bo možna nabyć adrazu dva bilety biez asablivaj ryzyki spaźnicca na pierasadku.

Fota: skrynšot z sajta eurolines.lt

Kaštuje taki kamplekt biletaŭ — 45 jeŭra (amal 160 rubloŭ). U adnym vypadku čas čakańnia pierasadki zajmaje ŭsiaho 25 chvilin, a ŭ druhim — amal 8 hadzin.

Raniej kvitki pa maršrucie Hrodna-Druskieniki kaštavali ad 50 rubloŭ (kala 15 jeŭra). Prajechać dystancyju ŭ 45 kiłamietraŭ (ad vakzała da vakzała) možna było za niekalki hadzin, ciapier na heta budzie sychodzić našmat bolš času i hrošaj. Kiłamietraž vyrastaje da 350 kiłamietraŭ.

Najpierš ad hetaha paciarpiać biełaruskija dalnabojščyki, jakija pracujuć nie tolki ŭ firmach, jakija bazujucca ŭ Druskienikach, ale i ŭ Alitusie. Raniej da Alitusa možna było dabracca za 90 rubloŭ.

Taksama składaniej stanie dabiracca na pracu i tym biełarusam, jakija pierasiakali miažu ŭ «Pryvałcy» i adtul jechali karparatyŭnymi aŭtobusam ŭ inšyja krainy Jeŭropy.

Čytajcie taksama:

«Mnohija spadziajucca na chutkaje adkryćcio «Bruzhoŭ». Što kažuć hrodziency pra žyćcio ŭ «abłozie»

Bujny pieravozčyk raskazaŭ, što z rejsami i cenami paśla zakryćcia dvuch pamiežnych pierachodaŭ na miažy ź Litvoj

Što ciapier robicca na prapusknych punktach na vyjezd ź Biełarusi ŭ krainy ES

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
10
Панылы сорам
5
Ха-ха
5
Ого
4
Сумна
26
Абуральна
18
3
Žvir/adkazać/
01.03.2024
Treba úzhadać na dyryžabaļ (aļbo cepielin jašče), hety daúno zabyty transpartny srodak moh by liohka rašyć prabliemu, raz i nazaúždy. Sapraúdy, aeraport, u zvyklym vyhliadzie, jamu nie patrebny, siadzie na liubym poli. Z miechanizmaú patrabujecca toļki kolik ź viaroúkaj, kab pryviazać, poki pasažyry zachodziać/sychodziać, prapielier dy mator ad jakoha mapieda... Pad sankcyi jon nie padpadaje, u dyspietčarskich pasluhach patreby nia maje... Pamiežny dy mytny dahliad možna arhanizavać u liubym miescy pryziamlieńnia. Na ciapierašnich KPP zastanucca toļki daļnabojščyki... Dyryžabaļ adkryvaje zamanlivuju pierspiektyvu, chapajcie ideju !
3
Žvir/adkazać/
01.03.2024
Ja nie žartuju! Dyryžabaļ i hruzavyja pieravozki adužaje, i kantrabandystam jon budzie cikavy. Pačynajcie zbor srodkaú, pieršyja zabiaruć uvieś profit!
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
sakavikkrasavikmaj
PNSRČCPTSBND
1234567
891011121314
15161718192021
22232425262728
2930