Znajści
Ałharytmičny łacinski varyjant
29.02.2024 / 23:266RusŁacBieł

Dziaŭčyna pierabrała narkotykaŭ i zasnuła ŭ vańnie, zatapiŭšy susiedziaŭ. I heta byŭ tolki pačatak prablem

Maładaja žančyna ŭ Minsku, užyŭšy narkotyki, pajšła pryniać vannu i tam straciła prytomnaść. Kali vada zatapiła susiedziaŭ, da jaje pryjšli, i ŭ pracesie vyśvietliłasia, što fihurantka nie tolki ŭžyvała, ale i raspaŭsiudžvała psichatropnyja rečyvy, piša ahienctva «Minsk-Naviny».

Zdymak ilustracyjny

Uviečary 12 lutaha žychary kvatery doma na vuł. Kiryły Turaŭskaha zaŭvažyli, što ścieny i stol u vannym pakoi i kalidory namokli — zatapili susiedzi źvierchu. Pakolki sproby dastukacca da haspadaroŭ nie mieli pośpiechaŭ, vyklikali ratavalnikaŭ.

Supracoŭniki MNS znajšli ŭ vannym pakoi nieprytomnuju maładuju žančynu, jakuju da takoha stanu pryviała vostraja narkatyčnaja intaksikacyja. Śledča-apieratyŭnaja hrupa zrabiła ahlad asabistych rečaŭ paciarpiełaj, a jaje zaplečnik i mabilny telefon kanfiskavała dla zachavańnia majomaści.

Praz tydzień paśla vypiski z balnicy žančyna pryjšła ŭ milicyju pa svaje rečy i kab dać tłumačeńni adnosna taho, što adbyłosia. Fakt užyvańnia narkotykaŭ jana nie admaŭlała. Ale ŭ jaje telefonie znajšli niezvyčajnuju pierapisku, ź jakoj vynikaje, što jana nie tolki sama ŭžyvała narkotyki, ale i raspaŭsiudžvała ich.

U vyniku vyśvietliłasia, što dziaŭčyna ŭładkavałasia ŭ internet-kramu pa prodažy narkotykaŭ na pasadu «miniora», jaje dziejańni kuryravaŭ apieratar narkašopa. U toj dzień, atrymaŭšy zadańnie, jana pavinna była zabrać «skarb», ale pierad hetym užyła alfa-PVP i zasnuła ŭ vannaj z uklučanaj vadoj.

Paśla atrymańnia kaardynataŭ raźmiaščeńnia tajnika milicyjaniery adpravilisia ŭ lasny masiŭ pablizu Kopišča pad Minskam, dzie vyjavili i kanfiskavali skrutak ź psichatropnym rečyvam.

Ciapier Minskim rajonnym adździełam Śledčaha kamiteta ŭ dačynieńni da 33-hadovaj fihurantki ŭzbudžanaja kryminalnaja sprava pa č. 3 art. 328 KK («niezakonnyja z metaj zbytu vyrab, pierapracoŭka, nabyćcio, zachoŭvańnie, pieravozka abo pierasyłka albo niezakonny zbyt narkatyčnych srodkaŭ, psichatropnych rečyvaŭ albo ich prekursaraŭ abo anałahaŭ u bujnym pamiery»).

Čytajcie taksama:

U Pieru na Dzień sv. Valancina palicejski pieraapranuŭsia ŭ miadźviedzia, kab zatrymać dziaŭčynu-narkahandlarku VIDEA

Va Ukrainie za narkotyki zatrymali biełaruskaha dobraachvotnika. Pahražaje da 12 hadoŭ

Kanopli: składanaja historyja staŭleńnia dziaržaŭ da ich

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
2
Панылы сорам
26
Ха-ха
4
Ого
6
Сумна
6
Абуральна
9
1
Równy gość/adkazać/
01.03.2024
I što, nichto navat nie padumaŭ zadać sabie pytańnie, na padstavie čaho byli kanfiskavanyja asabistyja rečy i čamu mianty zaleźli ŭ jaje telefon? Čysta chichańki-chachańki, aby na klikbiejtny zahałovak vialisia, a tam choć trava nie raści? Mnie dyk zdavałasia, niezaležnyja miedyja majuć niejkuju misiju – abaraniać pravy i zakonnaść u tym liku. Tut hetyja pravy jaŭna byli parušanyja. I mienavita pra hetaje parušeńnie treba było pisać.
0
Ni ni/adkazać/
01.03.2024
Korień problemy , ty šo, heta ž siamiejny biźnies, asabista vicia kaniraluje
0
Maksim Dizajnier/adkazać/
02.03.2024
Równy gość

Nie. Łučšie by ona v vańnie utonuła śledujuŝij raz, šizik pamiarkouny. Choť na hołovu nasri, "a možyt eta šapka".
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
sakavikkrasavikmaj
PNSRČCPTSBND
1234567
891011121314
15161718192021
22232425262728
2930