Znajści
Ałharytmičny łacinski varyjant
29.02.2024 / 22:41RusŁacBieł

U Lidskim zamku adkryli interaktyŭnuju zału, u jakoj ekspanaty možna macać rukami

Novaja zała, dzie ekspanaty možna macać rukami, a niekatoryja navat prymiarać, adkryłasia ŭ Lidskim zamku, paviedamlaje BiełTA.

Fota Lidskaha dziaržaŭnaha historyka-mastackaha muzieja

«Ideja takoj zały lažała, što nazyvajecca, na pavierchni, — padzialilisia ŭ ŭ Lidskim dziaržaŭnym historyka-mastackim muziei. — Redki naviedvalnik nie adčuvaje žadańnia dakranucca da histaryčnych artefaktaŭ. Ale kali kožny pačnie heta rabić, ekspanaty doŭha nie pražyvuć. Tamu i vystaŭlajucca ŭ muziejach ŭsim viadomyja tablički. My ž vyrašyli pajści ad advarotnaha i dać haściam mahčymaść pamacać u zale ŭsio, što pryciahvaje pohlad».

Novaja zała budzie adkrytaja nie tolki dla ekskursij. U joj muziejnyja rabotniki płanujuć pravodzić zaniatki i majstar-kłasy dla dziaciej i darosłych. Spačatku ceły tydzień zała pracavała ŭ testavym režymie, a ciapier adkrytaja aficyjna.

Pry hetym dadatkovyja kvitki dla naviedvańnia hetaj zały nabyvać nie treba, jana dastupnaja ŭsim, chto byvaje na zamkavym dvary.

Zała składajecca z dvuch častak, umoŭna kažučy, mužčynskaj i žanočaj pałoŭ, jak heta było daŭniej. U «žanočaj» ekspazicyi pradstaŭlenyja ramiostvy minułych stahodździaŭ i spravy, jakimi zajmałasia haspadynia doma. Heta padrychtoŭka straŭ, tkactva, placieńnie, šyćcio. Na «mužčynskaj» pałovie — kavalskaja i zbrojnaja sprava, drevaapracoŭka.

Da 8 sakavika tut rychtujuć aryhinalny prajekt «Interaktyŭnaja harderobnaja Siaredniaviečča». Hości zmohuć prymieryć staradaŭnija ŭbory, upryhožvańni i navat daśpiechi, jakija daŭ dla ekspazicyi miascovy kaval. A ŭ krasaviku startuje cykł muziejnych zaniatkaŭ «Ranica pačynajecca nie z kavy, abo Hihijena Siaredniaviečča». Rychtujecca taksama nastolnaja hulnia «Zamak Hiedymina».

Interaktyŭnaja ekspazicyja ŭ novaj zale budzie pastajannaj, pry hetym ź ciaham času budzie papaŭniacca.

Čytajcie taksama:

Biełarusaŭ zaprašajuć na dabračynnyja ekskursii, pryśviečanyja Źmitraku Biadulu

Alaksandr Saładucha staŭ pieršym zornym hościem novaha prajekta muzieja Jakuba Kołasa

U Vietkaŭskim muziei novy dyrektar

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
3
Панылы сорам
0
Ха-ха
0
Ого
0
Сумна
0
Абуральна
0
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
sakavikkrasavikmaj
PNSRČCPTSBND
1234567
891011121314
15161718192021
22232425262728
2930