Znajści
Ałharytmičny łacinski varyjant
29.02.2024 / 13:485RusŁacBieł

Jak biełarusy ŭ sudach namahajucca dakazać śmierć svajakoŭ na vajnie z Ukrainaj. Z dokazaŭ — daviedki ad Miniustaŭ «ŁNR» i «DNR»

U banku sudovych rašeńniaŭ Biełarusi «Fłahštok» znajšoŭ niekalki spraŭ, źviazanych z vajnoj Rasii suprać Ukrainy — u ich žychary Homielskaj vobłaści damahalisia ŭstanaŭleńnia faktaŭ śmierci svajakoŭ, jakija zahinuli va Ukrainie, vajujučy na ​​baku RF.

 

U lutym 2023 hoda sud Rečyckaha rajona razhladaŭ hramadzianskuju spravu pa zajavie miascovaj žycharki, u jakoj jana prasiła ŭstanavić fakt śmierci syna. 

Žančyna patłumačyła, što orhany ZAHS admovili joj u aktavym zapisie ab śmierci, pakolki jana nie maje naležnych dakumientaŭ, jakija paćviardžajuć śmierć syna, a ŭstanaŭleńnie faktu śmierci nieabchodna, u pryvatnaści, dla atrymańnia dapamohi na pachavańnie. 

U sudovym pasiedžańni žančyna ŭkazała, što syn zahinuŭ «pry vykanańni śpiecyjalnaj vajennaj apieracyi», i aktavy zapis ab jaho śmierci byŭ ździejśnieny orhanam «Ministerstva justycyi Ł. narodnaj respubliki». 

Adnak hetaje paśviedčańnie ab śmierci «nie padlahaje lehalizacyi» (režym Łukašenka aficyjna tak i nie pryznaŭ samaabvieščanyja «ŁNR» i «DNR» da ich uklučeńnia ŭ skład RF vosieńniu 2023 hoda). 

Žančynie pryjšłosia dakazvać fakt śmierci syna z dapamohaj roznych dakumientaŭ, u tym liku — vypiskaj z ukaza prezidenta RF ab uznaharodžańni zahinułaha biełarusa paśmiarotna miedalom. 

U vyniku sud vyrašyŭ ustanavić fakt śmierci mužčyny, «pamierłaha z pryčyny ahniastrelnych vybuchovych skraznych pranikalnych ranieńniaŭ hałavy, šyi, kaniečnaściaŭ». 

Taksama fakt śmierci zahinułaha na vajnie va Ukrainie ŭstanaŭlivaŭ sud Śvietłahorskaha rajona ŭ lipieni 2023. Tudy źviarnuŭsia miascovy žychar, ukazaŭšy, što ŭ «DNR» zahinuŭ jaho syn. Pryčyna śmierci — «ahniastrelnaje vybuchovaje askiepkavaje ranieńnie hałavy i pravaj nižniaj kaniečnaści». Abstaviny hibieli sud nie ŭstanaŭlivaŭ. 

Paśla śmierci syna adkryłasia spadčyna, adnak baćka nie zmoh jaje atrymać, bo paśviedčańnie ab śmierci syna vydadziena «Miniustam» «ŁNR», jakaja «zjaŭlajecca niepryznanaj dziaržavaj, u suviazi z čym paśviedčańnie ab śmierci, vydadzienaje dziaržaŭnymi ŭstanovami niepryznanaj dziaržavy, nie zjaŭlajecca dakumientam, na padstavie jakoha nataryusam moža być vydadziena paśviedčańnie ab pravie na spadčynu», havorycca ŭ materyjałach suda. 

«Vyvučyŭšy materyjały hramadzianskaj spravy, praanalizavaŭšy i acaniŭšy sabranyja pa spravie dokazy ŭ ich sukupnaści», sud taksama vyrašyŭ ustanavić fakt śmierci ŭradženca Śvietłahorska. 

Inšy vypadak raźbiraŭ sud Mazyrskaha rajona ŭ śniežni 2023 hoda. Tam razhladali pazoŭ miascovaj žycharki ab spahnańni alimientaŭ na ŭtrymańnie niepaŭnaletniaha dziciaci. Ale pry razhladzie vyśvietliłasia, što baćka dziciaci zjechaŭ u RF, a paźniej źnik bieź viestak «pry vykanańni zadač u chodzie śpiecyjalnaj vajennaj apieracyi» ŭ akupavanym Krymie, dzie słužyŭ radavym. U vyniku iskavaja zajava mazyranki zastałasia biez razhladu.

Čytajcie taksama:

Da haradoŭ, dzie miascovyja mohiłki pieratvarylisia ŭ bałota, dałučyŭsia Rahačoŭ

Vypadak ź miortvym ciełam, jakoje pierabłytali ŭ Homieli nie ŭnikalny — toje samaje było ŭ Pinsku

Hamielčuku paviedamili pra śmierć maci. Na pachavańni vyśvietliłasia, što jana žyvaja, a ŭ trunie inšy čałaviek

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
4
Панылы сорам
6
Ха-ха
9
Ого
0
Сумна
0
Абуральна
3
0
Vital/adkazać/
29.02.2024
Vyk, nie jašče.
0
Vasiok/adkazać/
29.02.2024
Vyk, .uj na ny jany atrymali
1
Gorliwy Litwin/adkazać/
01.03.2024
Čamuści ŭ šerahach danbaskich “apałčencaŭ”, z usich bieła-ruskich rehijonaŭ, najbolš vajuje – i hinie – ŭradžencaŭ Homielskaj vobłaści? Škada što niama dakładnaj statystyki, ale intuityŭna ja pierakanany, što nie našmat ad jaje adstaje Mahiloŭskaja, a na 3-m miescy idzie Viciebskaja, a kali b mieli poŭniu karcin pa rajonach, dyk ja pradkazvaju što najmienš achvočych vajavać za Vialikuju Ruś z usioj RB – daje histaryčnaja Ŭschodniaja Litva – Vierchniaje Paniamońnie   Śviadomyja spadary ŭ svaich tłumačeńniach hetaha i rodnasnaha fienomienaŭ zvodziać usio da taho što, maŭlaŭ, uschod na 20 hadoŭ daŭžej znachodziŭsia pad balšavikami (da 1939 h.). Ale hetaje tłumačeńnie paviarchoŭnaje i łukavaje. Nasamreč, jaskravuju roźnicu ŭ cyvilizacyjnym vybary pamiž Litvoj i Ruśsiu my bačym sama mieniej z časoŭ manholskaha zavajavańnia. Terytoryja sučasnych Homielskaj i Mahiloŭskaj abłaściej była zavajavanaja manhołami na rubiažy 1230-1240-ch hadoŭ, i z tych časoŭ, začaravanaja mocaj humiloŭskaj Jeŭrazii, jana ŭstojliva robić pra-ardynski vybar. Ardynstva daŭno stała arhaničnaj častkaj kalektyŭnaj dušy homielska-mahiloŭskich pacanoŭ.   I na žal – ale zakanamierna – Biełaj Ruśsiu kirujuć mienavita jany
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
sakavikkrasavikmaj
PNSRČCPTSBND
1234567
891011121314
15161718192021
22232425262728
2930