Znajści
Ałharytmičny łacinski varyjant
29.02.2024 / 09:591RusŁacBieł

«Usio cudoŭna». 81-hadovy Bajden zdarovy i enierhičny, zajaviŭ jaho lekar paśla miedahladu

Doktar prezidenta ZŠA Džo Bajdena pa vynikach štohadovaha miedycynskaha abśledavańnia zajaviŭ, što jaho zdaroŭje dazvalaje jamu vykonvać abaviazki kiraŭnika dziaržavy, i nijakich novych prablem padčas miedahladu vyjaŭlena nie było, piša Bi-bi-si.

Fota: Evan Vucci / AP

81-hadovy Bajden, zdaroŭje jakoha znachodzicca pad pilnaj uvahaj pierad listapadaŭskimi vybarami, prajšoŭ abśledavańnie ŭ sieradu ŭ vajskovym špitali ŭ štacie Merylend i zajaviŭ, što jon u poŭnym paradku.

«Usio cudoŭna», — skazaŭ Bajden, dadaŭšy, što vyniki apošnich analizaŭ ničym nie adroźnivajucca ad letašnich.

Doktar Biełaha doma Kievin O'Konar paviedamiŭ, što Bajden «całkam vykonvaje ŭsie svaje abaviazki bieź jakich-niebudź vyklučeńniaŭ», jon zdarovy, enierhičny i «praciahvaje zajmacca sportam nie mienš za piać dzion na tydzień».

Pavodle jaho dadzienych, prezident praciahvaje lačycca ad mihacielnaj arytmii, prymajučy preparaty dla razredžvańnia kryvi, a taksama ad hastraezafahiealnaha refluksu i hipierlipidemii.

U spravazdačy havorycca, što padrabiaznaje nieŭrałahičnaje abśledavańnie nie vyjaviła nijakich prykmiet chvaroby Parkinsana. Bajden taksama prajšoŭ płanavaje abśledavańnie na pradmiet raka skury.

U pačatku lutaha Džo Bajden abrynuŭsia z krytykaj na rasśledavańnie, jakoje pakazała, što jon parušaŭ praviły abychodžańnia z sakretnymi dakumientami, a ŭ chodzie dopytaŭ nie moh uspomnić klučavyja padziei svajho žyćcia z-za prablem z pamiaćciu.

«Jak, čort vaźmi, jon śmieje padymać hetaje pytańnie? — skazaŭ Bajden, majučy na ŭvazie śpiecprakurora Robierta Chura, jaki nazvaŭ Bajdena «pažyłym čałaviekam z dobrymi namierami i drennaj pamiaćciu». — Mnie nie patrebnyja jaho rekamiendacyi».

Ministerstva justycyi ZŠA zajaviła, što nie budzie pradjaŭlać abvinavačvańni prezidentu pa hetaj spravie.

Čytajcie taksama:

U Trampa nie znajšłosia $450 miljonaŭ na zakład, kab asprečyć rašeńnie suda Ńju-Jorka

Bajden i Tramp pieramahajuć na prajmieryz u Mičyhanie. Ale Bajden straciŭ častku elektaratu z-za pazicyi pa Hazie

Bajden aficyjna zajaviŭ pra 500 novych sankcyjnych abmiežavańniaŭ suprać Rasii 

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
1
Панылы сорам
1
Ха-ха
3
Ого
0
Сумна
0
Абуральна
0
0
American /adkazać/
29.02.2024
Odnako kohnitivnyj tiest diełať nie stali. On nie po piať raz sportom zanimajetsia, jeho učať chodiť čtoby on nie upał na publikie, načinajut srazu kak prośnieťsia.
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
sakavikkrasavikmaj
PNSRČCPTSBND
1234567
891011121314
15161718192021
22232425262728
2930