Znajści
Ałharytmičny łacinski varyjant
29.02.2024 / 07:597RusŁacBieł

U Trampa nie znajšłosia $450 miljonaŭ na zakład, kab asprečyć rašeńnie suda Ńju-Jorka

Jon prapanavaŭ $100 młn.

 

Fota: Manuel Balce Ceneta

U Donalda Trampa nie znajšłosia sumy $454,2 młn, jakuju sud Ńju-Jorka abaviazaŭ jaho vypłacić pa hramadzianskim pazovie ab finansavym machlarstvie, i zamiest hetaha Tramp prapanavaŭ tolki 100 młn, piša Bi-bi-si.

Tramp choča asprečyć rašeńnie, pryniataje 16 lutaha ńju-jorkskim sudździoj Arturam Enharonam, pa jakim eks-prezidentu, siarod inšaha, na try hady zabaraniajecca zajmać kirujučyja pazicyi ŭ luboj kampanii štata Ńju-Jork ci brać pazyki ŭ bankach, zarehistravanych u hetym štacie.

Ale kab padać apielacyju, nieabchodna ŭnieści zakład u pamiery poŭnaj sumy, prysudžanaj sudom, u miesiačny termin. U advarotnym vypadku prakuratura štata Ńju-Jork maje prava spahnać hetyja srodki ŭ luby momant.

Tramp pavinien albo adšukać nieabchodnuju sumu z ułasnych srodkaŭ — jon śćviardžaje, što ŭ jaho takich hrošaj niama, — albo źviarnucca ŭ adnu ź śpiecyjalizavanych kampanij, jakija naličvajuć dadatkovy pracent za svaje pasłuhi.

Ale nichto nie abaviazvaje ich prymać Trampa ŭ jakaści klijenta, i ŭ sieradu advakaty eks-prezidenta zajavili sudu, što znajści takoha pasiarednika im nie ŭdałosia.

U pazovie, padadzienym hienieralnym prakuroram Ńju-Jorka Letyšaj Džejms, pa jakim vynies rašeńnie sudździa Enharon, Trampa i jaho siamiejny biznes abvinavačvali ŭ zavyšeńni jaho ŭłasnych dachodaŭ na 3,6 młrd dalaraŭ u hod na praciahu dziesiaci hadoŭ z metaj uvieści ŭ zman banki i dziela lepšych umoŭ pazyki.

Sudździa nie staŭ admianiać biznes-licenzii Trampa, što, na dumku niekatorych ekśpiertaŭ, mahło faktyčna pakłaści kaniec jaho biznes-impieryi. Adnak jon pryznačyŭ Trampu štraf u $354,9 młn, i na minułym tydni hetaja suma z ulikam nabiehłych adsotkaŭ (pa $112 tys. kožny dzień) dasiahnuła ŭžo $454,2 młn.

Jak zajavili advakaty Trampa ŭ apielacyjnym sudzie siaredniaj instancyi, «prysudžanaja da vypłaty suma razam ź niezakonnaj i niekanstytucyjnaj poŭnaj zabaronaj na kredytavańnie zrabili niemahčymym zabieśpiačeńnie i ŭniasieńnie poŭnaha zakładu».

Pavodle ich słoŭ, zakład u 100 młn, a taksama šyrokaja nieruchomaść Trampa i pastajanny nahlad za Trump Organization z boku pryznačanaha sudom naziralnika buduć bolš čym dastatkovymi dla zabieśpiačeńnia sudovaha rašeńnia.

Advakaty Trampa taksama pasprabavali časova prypynić vykanańnie prysudu na čas razhladu apielacyi, śćviardžajučy, što ich klijentu budzie pryčynienaja «niepapraŭnaja škoda» ŭ vypadku, kali ofis hienieralnaha prakurora Džejms vymusić jaho pradać svaje aktyvy dla pryciahnieńnia kapitału.

Adnačasova Tramp sprabuje paźbiehnuć vypłaty poŭnaha zakładu na 83 ź lišnim młn na čas čakanaj apielacyi na prysud ab paklopie, vyniesieny ŭ minułym miesiacy na karyść piśmieńnicy Džyn Kerał. Tramp źviarnuŭsia da sudździ z prośbaj dazvolić jamu apielavać biez zakładu abo prynamsi dać niezabiaśpiečany zakład na sumu nie bolš za 24,5 młn.

Čytajcie taksama:

Bajden i Tramp pieramahajuć na prajmieryz u Mičyhanie. Ale Bajden straciŭ častku elektaratu z-za pazicyi pa Hazie

Tramp pieramoh Niki Chejli na prajmieryz u jaje rodnym štacie

Tramp znajšoŭ, jak pakryć miljonny štraf. Budzie pradavać krasoŭki

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
5
Панылы сорам
0
Ха-ха
11
Ого
0
Сумна
0
Абуральна
0
2
../adkazać/
29.02.2024
Korol vsieja płaniety s hołoj dupoj. Nieudivitielno, čto riednieki za nieho horoj.

Čub-to choť nastojaŝij, ili parik?
2
Oh, shit here we go again../adkazać/
29.02.2024
Kali niama hrošaj, padavaj na bankrutstva ŭ siomy raz, a nie ŭ prezidenty leź.
1
Peter/adkazać/
29.02.2024
Nabiegli boty Franaka, buduć lić lajno na Trampa, adpracouvajuczy zarplatu.
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
sakavikkrasavikmaj
PNSRČCPTSBND
1234567
891011121314
15161718192021
22232425262728
2930