Znajści
Ałharytmičny łacinski varyjant
28.02.2024 / 20:46RusŁacBieł

«Chto maładziejšyja, uciakli». 89-hadovy połacki rybak raskazaŭ, jak papłavaŭ pa Dźvinie na kryzie

20 lutaha ŭ Połacku adzin z amataraŭ zimovaj rybałki, uzrost jakoha nabližajecca da 90 hadoŭ, papłyŭ pa Dźvinie na kryzie, jakaja adkałołasia. Jon amal dziesiać chvilin drejfavaŭ pa race, pakul na dapamohu jamu nie padaśpieli ratavalniki. Padrabiaznaści pryhod 89-hadovy rybak raskazaŭ sb.by.

«Chto maładziejšy, zaŭvažyŭšy, što kryha adychodzić, źbiehli ź jaje, a ja hłuchavaty i nie pačuŭ ich kryki. Lod pačaŭ łamacca», — raskazvaje pra toje, što adbyłosia, pažyły pałačanin.

U ekstranaj situacyi dziadulu daviałosia zabycca pra bol u kaleniach. Rybak staŭ pieraskokvać z adnoj kryhi na inšuju, pakul nie vybraŭsia na samuju mocnuju. Paźniej ratavalniki nazvali jaje pamiery: kala 25 mietraŭ u daŭžyniu i 6 mietraŭ u šyryniu, taŭščynia lodu — 15 santymietraŭ.

Tym časam kryhu vyniesła ŭ rečyšča Dźviny, dzie hłybinia nie mienšaja za piać mietraŭ. Z vyški čałavieka, jaki płyvie pa race, zaŭvažyli dziažurnyja vadałazy vyratavalnaj stancyi Tavarystva vyratavańnia na vodach.

Na łodcy jany padpłyli da rybaka. Toj da taho času ŭžo staŭ raspranacca, majučy namier płyć da bieraha, ale, pabačyŭšy ratavalnikaŭ, pieradumaŭ.

«Pašancavała, što chvalavańnia nie było i lod nie raskryšyŭsia. U ledzianoj vadzie biez vyratavalnaj kamizelki pažyły čałaviek nie zmoh by vypłyć», — prakamientavaŭ hety vypadak staršy mataryst-rulavy Leanid Drahun.

Aficyjnaja pradstaŭnica Viciebskaha abłasnoha ŭpraŭleńnia MNS Sofja Hlinskaja paviedamiła, što z pačatku hoda ŭ Viciebskaj vobłaści patanuli 5 čałaviek, u tym liku dva rybaki.

«Z kožnym dniom lod robicca bolš tonkim, niepradkazalnym i niebiaśpiečnym. Byvaje, što za paŭdnia jon moža tak rastać, što rybaki, jakija znachodziacca na voziery ci race, akazvajucca ŭ pastcy», — padkreśliła Sofja Hlinskaja.

Čytajcie taksama:

U Minsku +11. Dvoje rybakoŭ pravalilisia pad lod

ŽKH-drama ŭ siamji rybaka: ščupaki «pamylisia» na 40 kuboŭ vady

Rybaki na vychodnych cełym natoŭpam akupavali nievialikuju račułku pad Hrodnam. Łaviłasia dobra, ale šmat i naśviniačyli

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
0
Панылы сорам
2
Ха-ха
1
Ого
0
Сумна
0
Абуральна
2
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
sakavikkrasavikmaj
PNSRČCPTSBND
1234567
891011121314
15161718192021
22232425262728
2930