Vyjšaŭ na volu palitźniavoleny, jaki pieršym atrymaŭ prysud paśla vybaraŭ 2020 hoda
Vyzvaliŭsia z kałonii Pavieł Piaskoŭ — pieršy biełarus, jaki atrymaŭ palityčny prysud za padziei, źviazanyja z vybarami 2020 hoda, paviedamlaje «Viasna».
Paŭła Piaskova abvinavacili ŭ supracivie supracoŭniku orhanaŭ unutranych spraŭ, źviazanym z užyvańniem hvałtu (č. 2 art. 363 KK) na akcyi 19 červienia 2020 hoda ŭ Maładziečna, na jakoj amapaviec dastaŭ pistalet. 29 vieraśnia 2020 hoda jamu prysudzili 3 hady i 3 miesiacy kałonii.
Paźniej Piaskova asudzili da jašče adnaho hoda źniavoleńnia za «złosnaje niepadparadkavańnie patrabavańniam administracyi kałonii».
Ciapier stała viadoma, što Pavieł całkam adbyŭ termin i vyjšaŭ na volu.
Čytajcie taksama:
Na volu vyjšaŭ palitviazień Uładzimir Harbaviec
Eks-palitviazień Žamčužny, jaki ahułam adsiedzieŭ 11 hadoŭ, vyjechaŭ ź Biełarusi
Vyjšaŭ na volu Arciom Łaski, asudžany pa spravie «bresckaha karahodu»
