Znajści
Ałharytmičny łacinski varyjant
28.02.2024 / 17:551RusŁacBieł

«Chutka abaviažuć stavić videakamiery na našych kuchniach i ŭ spalniach». Biełarusy vykazalisia pra novaŭviadzieńni ŭ taksi

U pracy taksi ŭ Biełarusi nieŭzabavie čakajucca surjoznyja źmieny. Čynoŭniki vyrašyli, što videakamiery ŭ mašynach «pryviaduć da peŭnaj dyscypliny i kiroŭcaŭ, i pasažyraŭ». Čytačy vydańnia Ex-press.by z Barysava i Žodzina padzialilisia svaimi mierkavańniami adnosna hetych novaŭviadzieńniaŭ.

Zdymak ilustracyjny

Taćciana:

«Kamiery ciapier usiudy, i jany zusim nie robiać žyćcio biaśpiečniejšym. A tut jašče dla taksi chočuć uvieści videafiksacyju z zachoŭvańniem zapisaŭ i dostupam da ich kantrolnych i pravaachoŭnych orhanaŭ. Ja cichi mirny čałaviek, ale nie chaču, kab mianie zdymali na videa padčas pajezdki ŭ taksi. A kiroŭcy? Usiu svaju źmienu jany buduć dumać pra toje, što ich zdymaje kamiera? I pahavaryć z taksistam nielha budzie…»

Alena:

«Padumała, što taksistaŭ-błohieraŭ stanie ciapier vielmi šmat. Budziem hladzieć siabie ŭ ich instahramach i tyktokach. Moj muž byŭ u Rasii na zarobkach, viartaŭsia dadomu praz Maskvu, tam jaho źniaŭ taksist i vykłaŭ u internet. Muž, viadoma, byŭ pjany i nie zaŭvažyŭ. A videa mnie žančyny na pracy pakazali. A zdavałasia: dzie Maskva, a dzie Žodzina. Dobra, choć nie papularnaje videa było…»

Alaksandr:

«Dy kali b tolki videa było prablemaj, jakaja nam pahražaje. Pracuju ŭ taksi 10 hadoŭ na svajoj mašynie. Moh zarablać i siamju ŭtrymlivać, ale ciapier stała składaniej. Ciapier usiakija pošliny i rejestr płatny prydumali, taryfy na pajezdki vyrastuć, ludzi mienš jeździć buduć. I naohuł, na rynku taksi ŭžo nie budzie, jak raniej. Treba pracu šukać narmalnuju… abo vyjazdžać čym padalej. Dzieci ŭžo ŭ Polščy, ciapier z žonkaj dumajem, što nam rabić».

Jahor:

«Niekalki miesiacaŭ tamu pačaŭ pracavać u administracyi, skažam tak, novaj firmy taksi. Dumali raźvivacca, a tut hety prajekt durny. Akramia taho, što pa budučych praviłach u kožnym aŭtamabili taksi ŭstalujuć kamiery videanazirańnia, treba budzie zapłacić za rejestr, jaki ŭličyć usich taksistaŭ. Kožnaje aŭto — heta dźvie bazavyja vieličyni, heta značyć ciapier heta 74 rubli. Jašče bazavuju za kožnaha kiroŭcu i pa sto bazavych vieličyń za dyśpietčaraŭ. Karaciej, nam, chutčej za ŭsio, prychodzić kaniec. Navat prybytku narmalnaha jašče nie było».

Volha:

«Adčuvaju, haradskija aŭtobusy znoŭ buduć bitkom… Ale vy ž viedajecie, jakija ŭ Žodzinie aŭtobusy. Ja sama nie chaču ŭ taksi ź videa. Razumieju, što nie ŭsie takija hidlivyja, ale biełarusy buduć chadzić pieššu abo pierasiaduć na hramadski transpart. Tamu što na taksi budzie doraha… A kali hety zakonaprajekt ustupić u siłu, to nikomu niama sensu jeździć i pracavać u taksi…

Dla pasažyraŭ budzie doraha. A jak doraha dla taksistaŭ! Tamu što firmie treba ŭ aŭtamabili pastavić dva videarehistratary, kab uklučycca ŭ rejestr, treba zapłacić 100 bazavych vieličyń — 3700 rubloŭ. Jašče i pošliny za kožnuju mašynu i kiroŭcu — heta ŭžo salidnaja suma. Jakaja nievialikaja firma heta vytrymaje. Ci ŭsio na karyść «Jandeksa»?»

Maryna:

«Pryviadzie da peŭnaj dyscypliny i kiroŭcaŭ, i pasažyraŭ» — heta ž marazm. Abaviazkova chtości ź ludziej pacierpić, viadoma. Dla hetaha ž novaŭviadzieńnie — dla štrafaŭ, kab mienš svabody ŭ ludziej było. Chutka abaviažuć na našych kuchniach i ŭ spalniach videakamiery z tranślacyjami ŭ milicyju ŭstaloŭvać».

Čytajcie taksama:

Kiraŭnik viadomaj u minułym strachavoj firmy piaty hod pracuje taksistam u Minsku

«Čamu pryvatnikam nie dali pracavać?» Žodziniec raspavioŭ, jak za hod źmianilisia maršrutki na Minsk

Jak maršrutny biznes prahinajuć pad dziaržaŭnyja aŭtaparki

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
5
Панылы сорам
7
Ха-ха
3
Ого
4
Сумна
5
Абуральна
23
0
lola/adkazać/
28.02.2024
Pokul na chimii była, taksi prychodziłasia karystacca časta, kab usiul paśpieć. Ščaście, što ŭžo nie na chimii, i što žyvu ŭ volnaj krainie, a to pryšłosia b parandžu pry zachodzie ŭ taksi apranać.
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
sakavikkrasavikmaj
PNSRČCPTSBND
1234567
891011121314
15161718192021
22232425262728
2930