Znajści
Ałharytmičny łacinski varyjant
26.02.2024 / 13:487RusŁacBieł

Za dzień da zabojstva Navalnaha jaho damovilisia abmianiać

U pačatku lutaha Pucinu prapanavali abmianiać kilera z FSB Vadzima Krasikava, adbyvaje termin za zabojstva ŭ Bierlinie, na dvuch amierykanskich hramadzian i Alaksieja Navalnaha. Uviečary 15 lutaha FBK atrymała paćvierdžańnie, što pieramovy znachodziacca na zaviaršalnaj stadyi. 16 lutaha Navalnaha nie stała. Pra heta raspaviała Maryja Pieŭčych u zvarocie, apublikavanym na kanale FBK.

Raniej niamieckaje vydańnie Bild pisała, što ZŠA, Rasija i Niamieččyna abmiarkoŭvali abmien Navalnaha pierad jaho śmierciu, jon nibyta «pavinien byŭ voś-voś vyjści na volu».

«U ich [pieramovach] udzielničali Maskva, Vašynhton i Bierlin. Uładzimir Pucin chacieŭ atrymać rasijskaha ahienta Vadzima Krasikava, jaki siadzieŭ u turmie ŭ Niamieččynie. Abmiarkoŭvałasia, što ŭ abmien Pucin vyzvalić Navalnaha», — pisała vydańnie.

Pieŭčych havoryć, što pra abmien damaŭlalisia praz znajomych palitykaŭ, praz samych bahatych ludziej na hetaj płaniecie, jakija ŭpłyvajuć na hetych palitykaŭ. 

«Praź siabroŭ Pucina, takich jak Hienry Kisindžer (ja zhadvaju jaho, u rešcie rešt, jon miortvy, i jon usio roŭna nie dapamoh). Ale byli tyja, chto dapamahaŭ, i vielmi mocna. My sapraŭdy sprabavali ŭsio», — havoryć Pieŭčych.

Paplečnica Navalnaha zajaviła ŭ roliku, što im udałosia damovicca ab tym, kab abmianiać Navalnaha i dvuch hramadzian ZŠA na aficera FSB Vadzima Krasikava, jaki adbyvaje pažyćciovy termin za zabojstva ŭ Bierlinie.

Pra hetaha čałavieka, nie nazyvajučy proźvišča, u lutym rasiejski prezident Uładzimir Pucin kazaŭ u intervju Takieru Karłsanu.

Pucinu jasna skazali, što adziny sposab zajmieć Krasikava — heta abmianiać jaho na Navalnaha, kaža Pieŭčych.

Čamu ž Navalnaha nie vypuścili? Pieŭčych miarkuje, što Pucin ź nianaviści nie moh adpuścić Navalnaha. 

«Heta absalutna niełahična, absalutna iracyjanalna, heta pavodziny varjata mafijozi. Pucin zvarjacieŭ ad nianaviści da Navalnaha. Pucin nienavidzić jaho nastolki mocna, što dziejničaje sabie na škodu i nasupierak ułasnym racyjanalnym intaresam.

Urešcie, Pucin dakładna viedaje, što Alaksiej Navalny moh by pieramahčy jaho. Što Alaksiej Navalny — heta budučynia, a jon, Pucin, — heta minułaje.

Pucin dakładna viedaje, što dziakujučy rasśledavańniam Navalnaha jon, jahonaja elita, jahonaja partyja «Adzinaja Rasieja», jahonyja siabry z FSB navieki zhańbavanyja. Dziakujučy Navalnamu Pucin uvojdzie ŭ historyju jak bajaźliviec, karumpavany čynoŭnik, złodziej, jaki pradaŭ krainu za załatyja joršyki dla ŭnitaza i vadzianuju dyskateku», — havoryć Pieŭčych.

Čytajcie taksama:

Piaskoŭ: Pucin nie maje dačynieńnia da šantažu maci Navalnaha

Budanaŭ prakamientavaŭ śmierć Navalnaha

Cieła Navalnaha ŭsio ž addali maci

Julija Navalnaja: Za vajnu va Ukrainie Pucinu treba budzie adkazać

«Hułahu niet» zajaŭlaje, što maje źviestki pra katavańni Navalnaha pierad śmierciu

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
5
Панылы сорам
2
Ха-ха
6
Ого
2
Сумна
8
Абуральна
6
0
Čałdon/adkazać/
26.02.2024
[Red. vydalena]
1
Pipa /adkazać/
26.02.2024
Kakoho ubijstva? Formalno Navalnyj umier.  
0
Rohat u zale/adkazać/
26.02.2024
Niazhrabnaja chłuśnia. chło nikoli by nie addaŭ troch za adnaho. Za Navalnaha moh patrabavać troch bandytaŭ.
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
sakavikkrasavikmaj
PNSRČCPTSBND
1234567
891011121314
15161718192021
22232425262728
2930