Znajści
Ałharytmičny łacinski varyjant
26.02.2024 / 15:19RusŁacBieł

Pamior były deputat Viarchoŭnaha Savieta Mikałaj Łabko. Aficyjnyja niekrałohi zmaŭčali pra adzin važny fakt

Były kiraŭnik Baranavičaŭ i deputat Viarchoŭnaha Savieta prahałasavaŭ za niezaležnaść Biełarusi ŭ 1991 hodzie.

Mikałaj Łabko. Fota: Naš kraj

Były deputat pamior 22 lutaha 2024 hoda paśla ciažkaj praciahłaj chvaroby.

Mikałaj Łabko naradziŭsia 5 maja 1948 hoda ŭ vioscy Klepačy Niaśvižskaha rajona Minskaj vobłaści. Ale vyras jon u Baranavičach, dzie ŭ 1967 hodzie skončyŭ technikum lohkaj pramysłovaści. Spačatku pracavaŭ ślesaram Baranavickaha bavaŭnianaha kambinata, ale paśla pajšoŭ budavać karjeru pa partyjnaj linii.

Pracavaŭ instruktaram, a paźniej zahadčykam pramysłova-transpartnaha adździeła Baranavickaha harkama KPB, paśla instruktaram, namieśnikam zahadčyka adździeła Bresckaha abkama KPB.

U 1985 hodzie Mikałaj Łabko viarnuŭsia ŭ Baranavičy druhim sakratarom harkama KPB. Viaršyniaj jaho pracy ŭ partyjnych orhanach stała kiraŭnictva horadam. U 1988 hodzie Łabko byŭ pryznačany staršynioj Baranavickaha harvykankama i haradskoha Savieta narodnych deputataŭ adnačasova. Aficyjnyja vydańni nazyvajuć hety čas «niaprostym i burnym» i adznačajuć kamunalnyja pośpiechi byłoha kiraŭnika Baranavičaŭ. Kiravaŭ horadam jon až da 1995 hoda, paśla čaho ŭznačaliŭ Baranavicki centr standartyzacyi, mietrałohii i siertyfikacyi.

Mikałaj Łabko adkryvaje fest na bulvary Chiejnała ŭ Baranavičach. 1991 hod. Fota: bar24.by

U 1990 hodzie Mikałaj Łabko byŭ vybrany deputatam Viarchoŭnaha Savieta BSSR 12-ha sklikańnia. Były deputat Apazicyi BNF u Viarchoŭnym Saviecie Biełarusi Siarhiej Navumčyk pryhadaŭ svajho kalehu:

«Jon uvachodziŭ u spačatku kamunistyčnuju, a potym prakiebičaŭskuju hrupu «Biełaruś», chacia pry hetym nie byŭ «jastrabam». 

Stenahrama pajmiennaha hałasavańnia 25 žniŭnia 1991-ha śviedčyć, što pa ŭsim pakiecie zakonaprajektaŭ ab Niezaležnaści (pracedura składałasia ź niekalkich paśladoŭnych hałasavańniaŭ) Łabko hałasavaŭ «Za». 

«Tut my sutykajemsia z paradoksam: mnohija z tych, chto ad pačatku i da kanca svajho deputactva byŭ spačatku za kamunistyčnuju ideju, a potym za Rasiju, pad ciskam deputataŭ BNF i Płoščy prahałasavali za Niezaležnaść. I voś mienavita hetym svaim hałasavańniem i zastanucca ŭ historyi, jano, tak by mović, akupiła ich palityčnyja hrachi, byłyja i budučyja», — tłumačyć Navumčyk.

Miž tym, u niekrałohach u dziaržaŭnych vydańniach pra hetaje losavyznačalnaje hałasavańnie ničoha nie havorycca, jak zrešty, nie zhadvałasia pra jaho i ŭ niekrałohach inšych pamierłych «namienkłaturnych» deputataŭ, choć, na dumku Navumčyka, «heta byŭ samy hałoŭny ich palityčny ŭčynak u žyćci».

«Krasamoŭnaje staŭleńnie pramaskoŭskaha režymu da Niezaležnaści», — padsumoŭvaje były deputat Apazicyi BNF.

«Naša Niva» — bastyjon biełaruščyny

PADTRYMAĆ

Čytajcie taksama:

Raptoŭna pamior žurnalist i redaktar «Biełarusy i rynak» Andrej Aleksandrovič

Pamior były načalnik kałonii «Vićba» Alaksiej Staravojtaŭ. Jamu było 47 hadoŭ

Va ŭzroście 61 hoda pamior ksiondz Jan Havecki

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
7
Панылы сорам
0
Ха-ха
2
Ого
5
Сумна
13
Абуральна
2
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
sakavikkrasavikmaj
PNSRČCPTSBND
1234567
891011121314
15161718192021
22232425262728
2930