Znajści
Ałharytmičny łacinski varyjant
24.02.2024 / 18:506RusŁacBieł

Historyk Fialšcinski bačyć pieradumovaj dla parazy Rasii ŭ vajnie vyzvaleńnie Biełarusi

Padčas pracy Forumu svabodnaj Rasii na paneli pad nazvaj «Piermanientnaja vajna jak forma isnavańnia režymu Pucina» viadomy rasijski historyk Juryj Fialšcinski pradstaviŭ svaju stratehiju zaviaršeńnia vajny va Ukrainie, u jakoj klučavoje miesca zajmaje Biełaruś i jaje los. 

Juryj Fialšcinski

Na dumku Fialšcinskaha, Rasija moža vykarystać jadziernuju zbroju, raźmieščanuju ŭ Biełarusi, dla ŭdaru pa Jeŭropie. Adnak takoha scenaru možna paźbiehnuć, vyzvaliŭšy vajskovaj siłaj Biełaruś z-pad ułady Maskvy.

Fialšcinski ličyć, što Biełaruś była akupavanaja Rasijaj u 2020 hodzie, kab zabiaśpiečyć płacdarm dla padrychtoŭki napadu na Ukrainu. Adpaviedna vyzvaleńnie Biełarusi musić stać umovaj i dla krachu pucinskaha režymu.

«Vyzvaleńnie Hiermanii ad nacyzmu pačałosia nie z uvarvańnia vojskaŭ sajuźnikaŭ u Hiermaniju. Jano pačałosia z ŭvarvańnia vojskaŭ sajuźnikaŭ u Francyju, u Italiju, Uschodniuju Jeŭropu i tolki pad kaniec užo ŭ Hiermaniju.

Kab pieramahčy Rasiju, nie abaviazkova ŭvachodzić z vojskami na rasijskuju terytoryju. Uvohule nie daj Boh, kab choć adzin ukrainiec byŭ na heta patračany. Vyzvaleńnie Biełarusi zabiaśpiečvaje parazu Rasii ŭ hetaj vajnie», — skazaŭ historyk na dyskusijnaj paneli.

Čytajcie taksama:

«Łukašenka pry raspadzie Rasii nakładzie łapu na jadzierny arsienał». Rasijskaja apazicyja praviała źjezd u emihracyi REPARTAŽ

«My nie dazvolim biełaruskamu narodu źniknuć za novaj žaleznaj zasłonaj». Cichanoŭskaja apublikavała sumiesny artykuł z Analenaj Bierbak

Viačorka ź Labiedźkam sustrelisia ŭ Kijevie z Padalakom

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
37
Панылы сорам
5
Ха-ха
1
Ого
2
Сумна
3
Абуральна
5
2
Paliašuk/adkazać/
24.02.2024
Nazva paneli "Piermanientnaja pamiežnaja vajna pucina" hučała b bolš realistyčna, ale Fialšcinski nie pra hieahrafiju. Dy i nie pra historyju, jak baču. Chaj pačytaje, jak sajuźniki bambardziroŭkami źniščyli abarončuju pramysłovaść Hiermanii, źnizili maralny stan nasielnictva ŭ tyle, a ŭžo paźniej, nie źmianšajučy cisk na hałoŭnuju dziaržavu-ahresara, vysadzilisia ŭ Jeŭropie i pačali nastup na jejnych satelitaŭ. U vypadku, kali apieracyja suprać łuki adbudziecca da taho, jak značna źmienšacca mažlivaści putlera padtrymlivać miascovy maryjanietačny režym, na rasiejskim pamiežžy źjavicca jašče adna "piermanientnaja vajna". Jak Čačnia, Abchazija, Asiecija, Prydniastroŭje i narešcie Ukraina z 2014-ha. Mažliva Fialšcinskaha i razahretuju prahaj pomsty častku ŭkraincaŭ taki varyjant zadavolić. Ci treba takoje nam? Naŭrad ci. Rasiejskija libierał-impieryjalisty nie žadajuć, kab bomby i rakiety padali na ichnija harady (zajava Stołtenbierha ab lehalnaści ŭdaraŭ pa rf luboj zbrojaj padvyšaje vierahodnaść pačaščeńnia takich udaraŭ). Chočuć, kab biełarusy zrabilisia chto biežancam, chto achviaraj. Nu dyk ja im žadaju advarotnaha - jany ŭzhadavali svajho monstra i pavinny za jahonyja złačynstvy adkazać pa poŭnaj prahramie. Płany vyzvaleńnia Biełarusi buduć raspracavanyja biełarusami biez udziełu takich "ekśpiertaŭ", zychodziačy z realistyčnaj karciny, kab źvieści da minimumu mahčymyja niehatyŭnyja nastupstvy.
0
Oj.../adkazać/
24.02.2024
Aśpirant, vy tak kažacie «antyrasiejski» niby heta niešta drennaje...
3
Symon/adkazać/
24.02.2024
Paliašuk, Płany vyzvaleńnia Biełarusi buduć raspracavanyja biełarusami biez udziełu takich "ekśpiertaŭ"
hučyć prykładna taksama, jak i płan vyzvaleńnia akupavanaj Francyi De Holem biez D-Day
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
sakavikkrasavikmaj
PNSRČCPTSBND
1234567
891011121314
15161718192021
22232425262728
2930