Znajści
Ałharytmičny łacinski varyjant
23.02.2024 / 19:244RusŁacBieł

«Jon absalutny biezzakońnik, tudy jamu i daroha». Były palitviazień Piatruchin pra śmierć turemščyka z «Vićby»

47-hadovy Alaksiej Staravojtaŭ kiravaŭ kałonijaj da leta 2023 hoda. U viaźnicy turemščyk adpracavaŭ praktyčna bolš za pałovu žyćcia — pryjšoŭ tudy jašče ŭ 1998 hodzie kantraloram. Pavodle infarmacyi pravaabaroncaŭ, dniami jon pamior. Aficyjnaha paćvierdžańnia jaho śmierci niama.

Alaksiej Staravojtaŭ. Fota: Biełpoł

Były palitviazień Siarhiej Piatruchin adsiedzieŭ u «Vićbie» 1 hod i 4 miesiacy. Jon padzialiŭsia z «Našaj Nivaj» svaimi ŭspaminami pra Staravojtava.

Ničoha dobraha Piatruchin skazać pra turemščyka nie moža: «Dumaju, što ŭ kałonii ŭzradujucca. Jaho nichto tam nie pavažaŭ. Usich palitviaźniaŭ presavaŭ. Dyj tyja, chto siadzieŭ pa kryminalnych artykułach, nie kazali pra jaho nivodnaha dobraha słova. Absalutny biezzakońnik. Tudy jamu i daroha».

Pa internecie hulajuć čutki pra suicyd Staravojtava. Piatruchin kaža, što suprać niekatorych supracoŭnikaŭ administracyi kałonii byli raspačatyja kryminalnyja spravy. Urešcie mahli dajści i da načalstva.

Piatruchin uzhadvaje, što ŭvieś čas jaho znachodžańnia ŭ «Vićbie» na terytoryi kałonii štości ramantavali. Materyjały pryvozili cyvilnyja mašyny. Turemščyki afarmlali vykanańnie rabot na śpiecyjalistaŭ z voli, ale napraŭdu rabiłasia ŭsio rukami źniavolenych, ź jakimi abychodzili jak z rabami. Ich mahli adpravić na luby abjekt. Im ničoha nie płacili, akramia bonusnaha telefanavańnia rodnym.

U paćvierdžańnie svajoj viersii były palitviazień spasyłajecca na mierkavańni svaich susiedziaŭ, jakija na voli byli čynoŭnikami i milicyjantami. Jany nastojvali, što źniavolenych nielha vykarystoŭvać u takich metach.

Načalnik kałonii zapomniŭsia Piatruchinu jašče i tym, što adziny ŭ kałonii byŭ niezadavoleny jaho biełaruskamoŭnaściu.

«Kazaŭ: «Što ty tut pišaš mnie na biełaruskaj movie». Zajaŭlaŭ, što čytać hetaha navat nie budzie. Patrabavaŭ havaryć ź im pa-rusku. Ja jamu adkazaŭ, što ŭ tonie zahadu nie budu pierachodzić na ruskuju. Dadavaŭ, što ŭ nas dźvie dziaržaŭnyja movy. Kali pryjazna paprosicie, to pierajdu», — zhadvaje Siarhiej.

***

«Vićba» da žniŭnia 2020 hoda ličyłasia adnoj z najlepšych u Biełarusi, tam adbyvali termin asudžanyja byłyja čynoŭniki, biznesoŭcy, sudździ i rabotniki milicyi. Potym jaje, jak i inšyja viaźnicy, pieratvaryli ŭ katavalni dla palitviaźniaŭ. Kabiniet načalnika kałonii znachodziŭsia na KPP-1, adkul jon sačyŭ za tym, što adbyvajecca ŭ viaźnicy. Jon padpisvaŭ papiery ab pakarańni palitviaźniaŭ.

U mai 2023 hoda ŭ «Vićbie» pamior palitviazień Mikałaj Klimovič, jaki mieŭ druhuju hrupu invalidnaści pa zachvorvańni serca. U studzieni taho ž hodu ŭ kałonii ad zapaleńnia lohkich pamior palitźniavoleny Vadzim Chraśko.

«Naša Niva» — bastyjon biełaruščyny

PADTRYMAĆ

Hladzicie taksama:

«Ja nie zdajusia». Błohier Piatruchin maluje Bresckuju krepaść, Kabanaŭ trenirujecca z majstram sportu pa šachmatach

Praklon biełaruskich siłavikoŭ. Jak pamirajuć ludzi ŭ pahonach paśla 2020 hoda — danyja «Kibierpartyzanaŭ»

U navapołackaj kałonii prybrali ŭsie knižki na biełaruskaj movie

«Kali jon išoŭ u prybiralniu, viedała ŭsia kałonija, bo pra heta apaviaščała sihnalizacyja». Były źniavoleny raskazaŭ pra Viktara Babaryku

Vasil Vaščyła

Chočaš padzialicca važnaj infarmacyjaj
ananimna i kanfidencyjna?

Клас
29
Панылы сорам
2
Ха-ха
4
Ого
3
Сумна
1
Абуральна
8
0
Soniejka/adkazać/
23.02.2024
Drobiaź, a pryjemna.
2
Aj aj/adkazać/
23.02.2024
Jaka sumna navina)))
0
Maksim Dizajnier/adkazać/
25.02.2024
Kołchoznyje atieisty opiať ustroili tancy na kostiach. Zato, kak kakoj-nibud́ inostraniec prijezžajut, pryhajut vokruh nieho, kak hołodnyje obieźjany voźle bananov. Osobienno borŝievarki.
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
sakavikkrasavikmaj
PNSRČCPTSBND
1234567
891011121314
15161718192021
22232425262728
2930