Znajści
Ałharytmičny łacinski varyjant
24.02.2024 / 11:1914RusŁacBieł

«Prymušali savakuplacca i spraŭlali na ich małuju patrebu». Jak pasłanyja na śmierć rasijskija sałdaty ździekujucca sa svaich ža tavaryšaŭ pa słužbie

U adnosinach pamiž sałdatami rasijskaj armii na linii frontu šyroka vykarystoŭvajecca ckavańnie, hvałt i pazasudovyja pakarańni. Pryvodzim niekalki prykładaŭ.

Fota: telehram-kanał bataljonaŭ «Ałanija» i «Štorm Asiecija»

Pra pašyreńnie prablemy pazasudovych pakarańniaŭ, ckavańnia i «pazaštatnych adnosin» pamiž vajennasłužačymi rasijskaj armii internet-vydańniu «Viorstka» raspaviali sami vajennyja.

«Zeki zusim paźlatali hałovami»

Adzin z surazmoŭcaŭ raspavioŭ pra situacyju ŭ rajonie Krynak na levym bierazie Dniapra, dzie z kastryčnika minułaha hoda zdoleli zamacavacca ŭkrainskija vajskoŭcy. Bai za płacdarm iduć vielmi žorstkija.

Jak adznačyŭ surazmoŭca vydańnia, va ŭmovach pastajannych abstrełaŭ rasijskich pazicyj byłyja źniavolenyja, jakija dobraachvotnikami patrapili na vajnu, «zusim paźlatali hałovami». Razumiejučy, što ŭsie zahinuć, jany ździekujucca sa zvyčajnych sałdataŭ.

«Vyčvarajucca. Tut «zonu» zrabili ŭ pramym sensie słova. Jany ŭ bataljonach na svajoj chvali, kamandziry ŭ ich hłyboka ŭ tyle», — cytuje vydańnie słovy vajennasłužačaha.

Karespandentu «Viorstki» dasłali videa z vajennymi z 345 pałka 104 hvardziejskaj desantna-šturmavoj dyvizii, jakaja viadzie bai ŭ rajonie Krynak.

Na videa bačna čatyroch całkam hołych mužčyn, jakija stajać na marozie pierad natoŭpam vajennych u zialonych kurtkach. Na videa čuvać, jak mužčynam zahadvajuć biehčy ŭ jamu i savakuplacca.

Kadr ź videa: verstka.media

Pa słovach vajennasłužačych, takim čynam karajuć tych, chto šmat pje ci ŭžyvaje narkotyki. I heta zvyčajnaja praktyka, jakuju ŭkaranili byłyja źniavolenyja. U danym vypadku mužčyny napilisia i nie vykanali zahad.

«Na sud ci dysbat raźličvać nie davodzicca. Zeki takoje arhanizujuć», — kamientuje vajennasłužačy i dadaje, što na toje, jak mužčyny ŭ jamie savakuplalisia, zeki hladzieli źvierchu, śmiajalisia i spraŭlali małuju patrebu na ich.

«Kab dyscyplinu trymać, treba žorstka ich ***ć»

Jak raspavioŭ karespandentu «Viorstki» adzin z aficeraŭ, žorstkaje abychodžańnie z vajennasłužačymi tłumačycca tym, što siarod ich šmat mabilizavanych, jakija «kantrakt zaklučyli niadaŭna, a da hetaha buchali ŭ haražach, i inšych padobnych piersanažaŭ». Pa słovach aficera, u takich sałdat niama dyscypliny, tamu «kab dyscyplinu trymać, treba žorstka ich ***ć».

Vajenny pahadžajecca, što na linii frontu — «jamy, padvały, pi****li, pahrozy». «Nie idzieš u šturm, idzieš u padvał. Heta pracuje», — śćviardžaje surazmoŭnik.

Takoje abychodžańnie z boku tavaryšaŭ pa słužbie pryvodzić da niebiaśpiečnych nastupstvaŭ.

Vydańnie pryvodzić historyju 26-hadovaha Viktara, jaki słužyŭ na Chiersonskim napramku ŭ 28-m pałku. Chłopiec — sirata, jaki za kradziež patrapiŭ u kałoniju. Tam viasnoj 2023 hoda padpisaŭ kantrakt i pajšoŭ na vajnu.

Pa słovach tavaryšaŭ pa słužbie, Viktaru słužyć było ciažka. Jaho pastajanna ckavali i, vierahodna, padviarhali fizičnamu nasillu. Heta ŭsio prykryvałasia kamandavańniem. Na skarhi sałdata nichto nie reahavaŭ.

U vyniku na adnym z zadańniaŭ letam minułaha hoda Viktar raźviarnuŭsia da apierataraŭ dronaŭ, svaich tavaryšaŭ pa słužbie, ź jakimi byŭ u hrupie, i adkryŭ pa im ahoń. Nichto, praŭda, nie zahinuŭ. Sałdata zatrymali, ale kryminalnuju spravu nie zaviali. Jon zastaŭsia słužyć.

U kastryčniku Viktar znoŭ adkryŭ ahoń pa svaich ža. Takija pavodziny sałdata patłumačyli tym, što ŭ jaho «pajechaŭ dach». Ale pryčyny, chutčej za ŭsio ŭ inšym.

Viktar Unkoŭski (źleva) i frahmient pierapiski, dzie raspaviadajecca pra druhi vypadak stralby pa svaich. Fota: verstka.media

«Chłopiec uvieś čas byŭ na pabiahuškach, panikły. Kazali, što padčas čarhovaj pjanki niezadoŭha da pieršaha fakta stralby jaho sprabavali zhvałtavać. Jak potym skazali, jaho, maŭlaŭ, prosta pałochali i, maŭlaŭ, nichto nie źbiraŭsia jaho zhvałtavać. Ale što było nasamreč, skazać ciažka», — cytuje vydańnie słovy tavaryšaŭ pa słužbie.

Viktara ŭ vyniku advieźli ŭ tył. Ab mahčymaj kryminalnaj spravie suprać jaho nijakich źviestak niama.

Za admovu vajavać pryviazvajuć da drevaŭ

Inšy vajennasłužačy, uradženiec Chakasii Siamion Kiskoraŭ, paćvierdziŭ vydańniu infarmacyju ab raspaŭsiudžanaj praktycy abychodžańnia z tymi, chto admaŭlajecca iści na šturm. Takich sałdat nie adpraŭlajuć da śledčych, a vyhaniajuć ź ziamlanak na maroz, pryšpilvajuć naručnikami da drevaŭ, nie dajuć im pić i jeści.

Za admovu vajavać sałdat prykoŭvajuć da dreva kajdankami. Kadr ź videa: verstka.media

Pa słovach Siamiona, u listapadzie 2023 hoda jon razam sa svaim mabilizavanym bratam Hienadziem nie vykanaŭ zahad iści na šturm i napisaŭ zajavu ab admovie ad słužby z prośbaju zamianić jaje na alternatyŭnuju.

Kamandzir nie pryniaŭ rapart u Kiskorava, zatoje vyklikaŭ jaho brata Hienadzia i zahadaŭ prykavać jaho da dreva kajdankami. Prastajaŭšy dvoje sutak, abdymajučy dreva, sałdat pahadziŭsia adpravicca na pieradavuju.

Siamion raspavioŭ, što ŭ tuju noč da dreva byli pryviazanyja i inšyja sałdaty. Jon zdoleŭ zrabić videa, jakoje paźniej dasłaŭ rodnym. Paśla taho, jak žonki źviarnulisia z zajavami ŭ vajennuju prakuraturu i ab hetym vypadku stali pisać u ŚMI, kamandziry zapatrabavali ad Kiskoravych napisać tłumačeńni, što pryviazvali da drevaŭ sałdat ukrainskija, a nie rasijskija vajennyja.

U śniežni 2023 hoda bratoŭ z bajavym zadańniem adpravili na pieradavuju. Bolš jany na suviaź nie vychodzili.

Karespandent «Viorstki» cytuje słovy z aŭdyjapaviedamleńnia adnaho z vajennych — artylerysta z Chiersonskaha napramku — «Tut horš, čym u piekle. I ŭsim naplavać».

«Ja raniej hladzieŭ kino pra vajnu, i było žudasna. A kali ŭbačyš, što tut adbyvajecca, usio samaje strašnaje z kino zdajecca dziciačym sadam», — cytuje vydańnie inšaha sałdata. — Ja nie ŭjaŭlaŭ, što ŭ 21 stahodździ možna tak da ludziej stavicca. Nie ŭjaŭlaŭ, na što ludzi zdolnyja. U piekle realna lepš, čym na našaj vajnie».

Čytajcie jašče:

«Druhaja armija śvietu» pakazała prykład vychavańnia bajcoŭ

Jakaja situacyja z narkotykami na froncie?

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
23
Панылы сорам
17
Ха-ха
26
Ого
9
Сумна
5
Абуральна
23
0
Matvieič/adkazać/
24.02.2024
Nie, chłopča, heta nie vajna, heta vaša rasiejuška takaja, heta vy ruskija takija, heta vaš śviet. A kali zkončycca, vy heta ŭsio pryviaziecie domoj, kali vyžavicie, kali jašče budzie dom. Vy, ruskija, navieki praklaty, žyć budziecie ŭ piekle i pamirać u piekła. A Vajavać možna “čyścieńka”, jak nie dzika heta hučyć.
0
Matvieič/adkazać/
24.02.2024
E, tak, moŭnaja palicyja, zaraz, kali čałaviek ličyć, što jon razmaŭlaje pa-biełarusku, tak i jość. Nasille, ci jašče što. Miełaś kazać pa-biełarusku, značyć pa-biełarusku. Ja kažu kartopla i ŭsio:) bo jość biełarusam, jak kažu tak i jość.
0
Fiedzia/adkazać/
24.02.2024
Čitaju i radujuś za Vaniek, prieždie čiem pojti kormiť ježikov, ich jeŝie i opustiat!)))
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
sakavikkrasavikmaj
PNSRČCPTSBND
1234567
891011121314
15161718192021
22232425262728
2930