Znajści
Ałharytmičny łacinski varyjant
23.02.2024 / 13:0412RusŁacBieł

«Voś i visić kvatera bałastam: kredyt — 1800 rubloŭ na miesiac». Ajcišniki raskazali pra kinutyja ŭ Biełarusi kvatery

Užo amal paŭhoda jak biełarusy mohuć pravodzić uhody z majomaściu tolki pry asabistym zvarocie abo na padstavie davieranaści, aformlenaj na terytoryi Biełarusi. Devby.io parazmaŭlaŭ z ajcišnikami-rełakantami, u jakich tut «zaviśli» kvatery — ani pradać, ani viarnucca i žyć u ich.

Fota: Naša Niva

«Źjazdžali z dumkaj, što budziem katacca tudy-siudy, ale na pracu pryjšli danat-śpisy»

  • 2-pakajovaja kvatera, 60 kv. m.
  • Rynkavy košt kala $100-120 tysiač.
  • Vydatki: uniosak pa apłacie kredytu — 1650 rubloŭ (kredyt u biełaruskich rublach na 15 hadoŭ, častku ŭžo vypłacili), kamunałka + inšyja vydatki — kala 150 rubloŭ.

— U nas dvuchpakajovaja kvatera ŭ adnym z ŽK Minska: kupili ŭ kredyt, zrabili pad siabie ramont — ukłali ŭsiu dušu i šmat hrošaj. 

U vyniku paśpieli pažyć u joj kala hoda, a potym pryniali rašeńnie pierajechać u Polšču, bo na pracy pastavili ŭmovu: albo rełakacyja, albo benč — što roŭna skaračeńniu ŭ budučyni. 

My źjazdžali z dumkaj, što budziem katacca tudy-siudy, tamu navat nie padumali zrabić davieranaści. A praz paru miesiacaŭ na pracu ŭ biełaruski ofis pryjšli danat-śpisy, u jakija trapiŭ i ja. Ad tych časoŭ u Biełaruś my nie jeździli.

Kalehi sa śpisu schadzili na hutarki — i ŭ ich, byccam by, usio akiej. Ale kali čytaješ naviny, što pry viartańni ŭ Biełaruś zatrymlivajuć i sadžajuć za danaty, — jechać užo nie chočaš. 

Voś i visić kvatera bałastam: davodzicca apłačvać kamunałku i płacić za kredyt — a heta kala 1800 rubloŭ na miesiac. Kali b była mahčymaść pieraaformić jaje, heta b mnohaje spraściła. Chutčej za ŭsio, my b jaje pradali — i ŭsio na hetym.

U cełym časam tam mohuć žyć našyja rodnyja, kali pryjazdžajuć u Minsk. Zdavać kvateru my nikoli nie chacieli — składana puścić kahości čužoha ŭ svajo hniazdo. Plus my dumali, što zmožam viarnucca, spadziavalisia, što situacyja źmienicca. 

«Hrašyma ad zdačy hasim častku ipateki — nie całkam usio, ale bolšuju častku»

  • 4-pakajovaja, 80 kv. m.
  • Rynkavy košt kala $110 tysiač, z ramontam było vydatkavana $130-135 tysiač.
  • Płaciež pa ipatecy — 1950 rubloŭ na miesiac. Kredyt u biełaruskich rublach pad 11,5%. Sa 180 tysiač kredytu zastałosia vypłacić kala 140.
  • Kvataranty zdymajuć za 1500 rubloŭ + apłačvajuć kamunałku. 

— Chaciełasia b pradać nieruchomaść u Biełarusi, ale, na žal, heta niemahčyma zrabić, nie naviedvajučy krainy.

Nieŭzabavie budzie dva hady, jak my źjechali. Davieranaści nie afarmlali, bo źbiralisia chutka. Plus pieršy hod žyćcia ŭ emihracyi navat dumać nie chacieli, što pryjdziecca pradavać žytło, na jakoje my pracavali apošnija 7 hadoŭ.

My kupili kvateru ŭ žniŭni 2020 hoda — u nas try pakoi i haścioŭnia z kuchniaj (ličycie, jeŭračatyrochpakajoŭka). Zrabili ramont, choć i niedarahi, ale dla siabie. Pražyli ŭ joj hod… Ciapier tam žyvuć inšyja ludzi. Mama zmahła aformić u ŽESie damovu navat biez davieranaści — užo i nie viedaju, jak joj udałosia heta. Hrašyma ad zdačy kvatery my hasim častku ipateki — nie całkam usio, na žal, ale bolšuju častku.

Praź niekatory čas my daśpieli da taho, kab pradać kvateru, bo hrošy bolš patrebnyja. Aformili davieranaść za miažoj, ale tut vyjšaŭ ukaz, što jany nie prymajucca.

«U teoryi viarnucca mahu, ale ž niekalki siabroŭ siadziać»

  • Tracina kvatery. Sama kvatera kaštuje kala $45-60 tysiač.

— U mianie ŭ Biełarusi «zavisła» kvatera, dakładniej jaje častka — heta spadčyna ad pamierłaha baćki. 

Kvatera padzielenaja pamiž dziećmi ad pieršaha i druhoha šlubu. Ja dumaŭ abo vykupić jaje całkam, abo pradać razam z astatnimi ŭładalnikami — a hrošy padzialić. Ale ž vyjšła tak, što ciapier prychodzicca štomiesiac płacić kamunałku niedzie rubloŭ pa 30-40 na miesiac, pakul tam žyvuć inšyja ludzi.

Ja ŭ Litvie. Kali źjazdžaŭ uvosień 2023-ha, nie paśpieŭ zrabić anijakich dakumientaŭ. A ciapier viarnucca nie mahu (u teoryi heta mahčyma, ale ž niekalki siabroŭ siadziać — tamu heta nie zusim biaśpiečna), i pradać kvateru, atrymoŭvajecca, taksama nie mahu. 

I navat kvatarantaŭ u svaju častku puscić nie mahu, bo treba padpisać damovu ŭ ŽESie, a biez damovy — vitanki ad padatkovaj.

Nie skažu, što astatnija ŭładalniki kvatery stalisia zakładnikami situacyi — jany nie vielmi žadali jaje pradavać, bo žyli tam. Im naadvarot dobra: ja tam nie žyvu, ale ž kamunałku apłačvaju, bo mnie dadatkovaj uvahi z boku dziaržavy nie treba. 

Čytajcie taksama:

Kolki płaciać za kamunałku «darmajedy»? Biełaruska šakavała žyroŭkaj za studzień

Adnapakajovyja kvatery ŭ Minsku patańnieli — nietypovaja situacyja 

Ad 13 da 20 kvadrataŭ. Jak vyhladajuć i kolki kaštujuć samyja maleńkija kvatery ŭ Biełarusi

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
2
Панылы сорам
5
Ха-ха
10
Ого
5
Сумна
12
Абуральна
9
1
Biełaruski narod/adkazać/
23.02.2024
Piecia, afełak, čamu ty vinavaciš achviar u dziejańniach fašysckaj chunty łuki? Nie biebarykincy ci Paźniak parušajuć zakony, a łukašysty.
2
Maksim Dizajnier/adkazać/
24.02.2024
Piecia

Dva miljena vyšło, točnieje - tri, nie vritie.
0
Čyrvony ryełtar/adkazać/
27.02.2024
"My kupili kvateru ŭ žniŭni 2020 hoda
https://d367rzjs5oyeba.cloudfront.net/337087#startcomments". A potym źjechali. Vo takich nievierahodnych "dzivakoŭ" mnie zusim nie škada.
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
sakavikkrasavikmaj
PNSRČCPTSBND
1234567
891011121314
15161718192021
22232425262728
2930