Znajści
Ałharytmičny łacinski varyjant
23.02.2024 / 08:314RusŁacBieł

Zialenski: Straty USU ŭ piać razoŭ mienšyja za rasijskija

Amierykanski kansiervatyŭny telekanał Fox News, ź jakoha viasnoj vyhnali Takiera Karłsana, napiaredadni druhoj hadaviny poŭnamaštabnaha ŭvarvańnia va Ukrainu ŭziaŭ intervju va Uładzimira Zialenskaha.

Ukrainskija vajskoŭcy nad trunoj aficera Vasila Matvijčuka na mohiłkach u Karpatach u vioscy Kraśnik. Fota: Evgeniy Maloletka / AP

Žurnalist spytaŭ va ŭkrainskaha lidara, ci viedaje toj, jakija straty Ukrainy ŭ hetaj vajnie. Zialenski nie staŭ nazyvać kankretnaj ličby, piša Bi-bi-si.

«Dziasiatki tysiač śmierciaŭ. Dziasiatki tysiač ludziej byli vyhnanyja. Suadnosiny składaje adzin da piaci. Na adnaho našaha sałdata, jaki zahinuŭ u bai, prypadaje piać rasijskich sałdat».

Rasijskaje Minabarony ŭžo amal paŭtara hoda nie nazyvaje kolkaść palehłych, žurnalisty Bi-bi-si i Miedyjazony dakumientalna paćvierdzili śmierć 45 tysiač rasijskich vajskoŭcaŭ za dva hady.

Razam z tym ukrainskaja presa sa spasyłkaj na svaje vajennyja viedamstvy nastojvaje, što za dva hady zahinuli bolš za 400 tysiač rasijskich sałdat i aficeraŭ.

Tak pa stanie na 23 lutaha, zahinuli 407240 čałaviek (pryčym za minułyja sutki 1160 vajskoŭcaŭ).

Infahrafika «Ukrainskaja praŭda»

Tamu, mahčyma, mienavita hetyja ličby i mieŭ na ŭvazie Uładzimir Zialenski. Tady, vynikaje, zahinuła kala 80 tysiač ukrainskich vajskoŭcaŭ.

Darečy, zaŭtra, 24 lutaha, roŭna dva hady z momantu poŭnamaštabnaha ŭvarvańnia Rasii va Ukrainu.

Čytajcie taksama:

Za amal dva hady vajny paćvierdžana hibiel bolš jak 45 tysiač rasijskich vajskoŭcaŭ va Ukrainie

Zialenski dazvoliŭ zamiežnikam słužyć u Nachvardyi Ukrainy

U vajnie pieramoža toj, u kaho budzie bolš snaradaŭ. Ci moža heta być Ukraina?

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
1
Панылы сорам
1
Ха-ха
0
Ого
0
Сумна
12
Абуральна
1
2
Koka/adkazać/
23.02.2024
U Rasiei žyvie 150 młn čałaviek. Im hetyja ličby nie cikavyja. Tolki štrych-punkcir na mapie
1
Statystyka/adkazać/
23.02.2024
Aliaksiej, Tady ŭ maskaloŭ 400 tys. - 200 i 1 młn 200 tys. - 300ch? Dy stolki na froncie ludziej nie było. Tamu 80 tys. ahulnyja ukrainskija straty, 20 tys. zahinuła, 60 tys. paraniena.
0
Zmicier/adkazać/
24.02.2024
pry isnujučym u Rasii adnosin da žyćcia straty što 45.000 što 450.000 što 4,5 młn usio adno i toje ž 
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
sakavikkrasavikmaj
PNSRČCPTSBND
1234567
891011121314
15161718192021
22232425262728
2930