Znajści
Ałharytmičny łacinski varyjant
23.02.2024 / 07:583RusŁacBieł

Pažarniki ŭ Ispanii niekalki hadzin zmahalisia, sprabujučy vyratavać ludziej z achoplenaha ahniom šmatpaviarchovika

Pažar u Valensii ŭźnik u 14-paviarchovym domie ŭ rajonie Kampanar i pierakinuŭsia na susiedni budynak.

Fota: Alberto Saiz / AP

Pažarniki ratavali ludziej z bałkonaŭ, i, inšyja ludzi mahli apynucca ŭ pastcy ŭnutry, piša Bi-bi-si.

Prynamsi 19 čałaviek, u tym liku šeść pažarnikaŭ i maleńkaje dzicia, atrymali ranieńni. Čatyry čałavieki zahinuli.

Bolš za 20 pažarnych bryhad zmahalisia z ahniom, a ludziej zaklikali trymacca dalej ad hetaha rajonu. U budynku 138 kvater, u jakich pražyvali 450 čałaviek.

Pa paviedamleńniach miascovych žycharoŭ, pažarniki z dapamohaj padjomnych kranaŭ vyratavali niekalkich žycharoŭ, u tym liku siamiejnuju paru, jakaja žyvie na siomym paviersie.

Adna z žančyn raspaviała telekanału TVE, što bačyła, jak pažarniki sprabavali vyratavać padletka, jaki byŭ na druhim paviersie budynka.

Pryčyny ŭzharańnia pakul niajasnyja, ale ŭ krainie ŭžo hučać pytańni ab materyjałach, jakija vykarystoŭvalisia pry budaŭnictvie budynka.

Ester Pučades, vice-prezident kaledža pramysłovych techničnych inžynieraŭ Valensii, paviedamiła, što raniej jana ŭžo ahladała budynak. Pavodle jaje słoŭ, zvonku dom byŭ azdobleny poliŭretanavym materyjałam, jaki bolš nie vykarystoŭvajecca z-za bojazi z nahody ŭzharalnaści.

Adzin čałaviek, jaki žyvie na druhim paviersie budynka, raspavioŭ, što połymia chutka razrastałasia paśla taho, jak pažar pačaŭsia, jak miarkujecca, na čaćviortym paviersie.

«Ahoń raspaŭsiudziŭsia za 10 chvilin», — skazaŭ jon, dadaŭšy, što pryčynaj raspaŭsiudžvańnia ahniu moh stać materyjał na fasadzie budynka.

Na dumku inžyniera Davida Chihuery, pryčynaj chutkaha raspaŭsiudu ahniu mahła stać ablicoŭka budynka.

Aluminijevyja płaściny z płastykavym uciaplalnikam, jakija pakryvajuć fasad, vielmi dobra izalujuć ad śpioki i choładu, ale vielmi haručyja.

«Pryhniečany žachlivym pažaram u budynku ŭ Valensii, — napisaŭ u sacsietcy X premjer-ministr Ispanii Piedra Sančes. — Chaču vykazać salidarnaść usim paciarpiełym i ŭdziačnaść usim supracoŭnikam ekstrannych słužbaŭ, jakija pracujuć na miescy zdareńnia».

Čytajcie taksama:

Cielca niemaŭlaci, što zhareła padčas pažaru ŭ Charkavie, faktyčna pieratvaryłasia ŭ popieł

U Papua — Novaj Hviniei bušuje kryvavaja mižplemiannaja vajna. Užo bolš za 50 zahinułych

Samy chutki marafoniec u śviecie zahinuŭ u aŭtakatastrofie

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
0
Панылы сорам
1
Ха-ха
0
Ого
2
Сумна
14
Абуральна
1
0
hbłn/adkazać/
23.02.2024
Požarnyje - mužčiny! 💪 uvažienije!
23.02.2024
"Fasady sistiemy – eto konstrukcija strojenija, kotoraja javlajetsia naiboleje ujaźvimoj pri voźniknovienii požara. Osobienno eto kasajetsia konstrukcij s vientilirujemoj prosłojkoj, kotoraja sozdajet effiekt dymochoda. Fasadnyje sistiemy dołžny imieť kłass požaroopasnosti K0."
K0 - pažarabiaśpiečnyja kanstrukcyi. uciaplalnik - nieharučaja minvata.

0
Maksim Dizajnier/adkazać/
23.02.2024
Evropiejskije standarty kačiestva. Ziemla puchom pohibšim.
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
sakavikkrasavikmaj
PNSRČCPTSBND
1234567
891011121314
15161718192021
22232425262728
2930