Znajści
Ałharytmičny łacinski varyjant
22.02.2024 / 20:416RusŁacBieł

BT atakavała Jaŭhiena Pierlina, vyliŭšy na jaho novy «kampramat»

Dniami praŭładnyja prapahandysty nakinulisia na kramy «Miła» za rekłamu z byłym televiadučym Jaŭhienam Pierlinym, jaki pakinuŭ dziaržaŭnaje telebačańnie ŭ 2020 hodzie. U vyniku rekłamu prybrali. Pierlin u adkaz apublikavaŭ post u instahramie, u jakim raskazaŭ, jak lubić Minsk, Biełaruś, biełarusaŭ, što nikomu nie zdradžvaŭ. Mimachodź jon zhadaŭ pra svaje prajekty na telebačańni, i heta raźjušyła byłych pracadaŭcaŭ.

U telehram-kanale Ahienctva televizijnych navin BT źjaviŭsia razhromny post, u jakim, jak śćviardžajecca, prapahandysty «nie zmahli ŭžo maŭčać i śpiašajucca paviedamić», što praca Pierlina na telebačańni była nibyta ničoha nie vartaj.

Takaja niervovaja reakcyja stała adkazam usiaho na adnu pierlinskuju frazu: «Stolki prajektaŭ my zapuścili, stolki pryhažości pakazali ŭ viačernim šou na TB, u ramkach Jeŭrabačańnia i roznych spartyŭnych turniraŭ».

Byłyja kalehi śćviardžajuć, što šou Pierlina «Makajonka, 9» było adnym z najbolš pravalnych prajektaŭ kanała «Biełaruś 1»: «siaredniaja dola — u rajonie 2-2,5% pry ciapierašniaj doli telekanała 8-9%». Jaho ŭžo byccam źbiralisia pieranosić na niazručny načny čas, a paśla ŭvohule zakryć.

U supraćlehłaść pierlinskaj prahramie raschvalvajecca prajekt «Faktor.VU», jaki, pavodle prapahandystaŭ, «mieŭ siaredniuju dolu adnaho efiru ŭ trecim siezonie ŭ rajonie 21-22%. Samy rejtynhavy efir — u rajonie 28%. Na piku telehladzieńnia — bolš za 40%».

Miarkujučy pa ličbach apošniaha televymiareńnia, hanarycca «Biełaruś 1» niama čym. U topie prahram byŭ tolki adzin z vypuskaŭ «Faktor.VU» z rejtynham 4,81%.

Čytajcie: «Dajarka z Chacapietaŭki» abahnała Ejsmanta. Što najbolš hladzieli na TB u studzieni? 

Akramia taho, u dopisie ATN śćviardžajecca, što Pierlin «da stvareńnia «Jeŭrabačańnia» nikoli nie mieŭ nijakaha dačynieńnia. Da viadzieńnia —tak. Ale jano nie maje nijakaha dačynieńnia da stvareńnia».

Što majecca tut na ŭvazie pad stvareńniem «Jeŭrabačańnia», nie ŭdakładniajecca. Jak viadoma, hety prajekt nie biełaruski, a stvorany jašče ŭ 1956 hodzie, zadoŭha da naradžeńnia Jaŭhiena Pierlina i, vidać, taksama jahonych krytykaŭ.

Ciapier Jaŭhien Pierlin zarablaje na žyćcio tym, što viadzie viasielli i karparatyvy.

Čytajcie taksama:

Jaŭhien Pierlin adreahavaŭ na skandał: Ja nikomu nie zdradžvaŭ

Na kramy «Miła» nakinulisia za rekłamu ź Pierlinym

Viadučy Jaŭhien Pierlin ažaniŭsia

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
3
Панылы сорам
24
Ха-ха
11
Ого
3
Сумна
1
Абуральна
1
0
Woodoo Cult /adkazać/
23.02.2024
Žabahadiukinh))
1
daviedka/adkazać/
23.02.2024
Faktor.VU nastolko «uśpiešnyj» projekt, čto v jeho finale otpravili liš 88 tysiač hołosov. BT priedčuvstvuja provalnoje hołosovanije, v finale śpiecialno śnizili stoimosť otpravki soobŝienij za ponravivšichsia učastnikov, a otpravlať možno było do piati, to jesť tieorietičieski prohołosovało mienieje dvadcati tysiač čiełoviek, a eto urovień maleńkoho provincialnoho rajonnoho cientra ili nieskolkich ulic, hołosovavšich každaja za svojeho ziemlaka, čto javno nie viažietsia s jakoby riekordnymi millionnymi riejtinhami prosmotrov. Ja priedstavlaju, kakoj urovień hołosovanija był na priedyduŝich etapach, kohda cielenapravlenno vykidyvali vsiech samych silnych učastnikov, dvuch armian iz Moskvy, a niedovolnyje zritieli triebovali opubličiť dannyje hołosovanija zritielej. P.S. Kstati, v Faktor.VU 60+ zritielskoje hołosovanije voobŝie otmienili.)
0
Hoł/adkazać/
23.02.2024
Chto pavieryć u hetu chłuśniu? Kali pry łukašyźmie da 20-ha sioj-toj jašče hladzieŭ zombaskryniu, to zaraz navohuł adzinki. Sporta niama, ni futboła, ni bijatłona, a što tam jašče hladzieć?
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
sakavikkrasavikmaj
PNSRČCPTSBND
1234567
891011121314
15161718192021
22232425262728
2930