Znajści
Ałharytmičny łacinski varyjant
22.02.2024 / 18:451RusŁacBieł

Kiraŭnika siekty «RPC Carskaja impieryja» Zasimu-Ułasava aryštavali ŭ Rasii. Zatrymańni byli i ŭ Biełarusi

Suprać Leanida Ułasava, byłoha zeka, jaki abjaviŭ siabie carom i prarokam, i niekalkich jahonych paplečnikaŭ zaviali kryminalnyja spravy. 

Zasimie-Ułasavu začytvajuć, čamu ŭ jaho adbyvajecca pieratrus. Fota: Śledčy kamitet RF

My raspaviadali, što z Rasii ŭ Biełaruś pratačyłasia siekta «carabožnikaŭ», jakija pryznajuć za cara i praroka byłoha źniavolenaha za razboj i daŭniaha adepta alternatyŭnaha pravasłaŭja Leanida Ułasava, jaki nazyvaje siabie Zasimam. Taksama jany spalvajuć dakumienty, admaŭlajucca ad miedycyny i pryznajuć Pucina antychrystam.

Jany majuć dva «filijały» ŭ Biełarusi: kala vioski Kajki Haradockaha rajona i niedzie pamiž Skidzielem i Mastami. U apošniaha prychoda jość navat ułasny «jepiskap» Siłuan.

Abłava na siektu Zasimy-Ułasava adbyłasia nočču z 15 pa 16 lutaha. Zatrymańnie było žorstkim — na videa siłaviki łamajuć aharodžy, kładuć usich tvaram u padłohu i zašpilvajuć kajdanki. Pieratrus doŭžyŭsia niekalki hadzinaŭ, pravodzili jaho supracoŭniki FSB, rasijskaha Śledčaha kamiteta i SACHR. Pa ŭsioj Rasii zatrymali niekalki dziasiatkaŭ čałaviek bolš čym pa 40 adrasach.

Kadry abłavy na «zasimaŭcaŭ»

Viadoma, što zacikavilisia siektaj i ŭ Biełarusi. U kanale pisali, što «jepiskapa» Siłuana, jaki žyvie na Hrodzienščynie, zatrymlivali i kanfiskavali ŭ jaho telefon. A niadaŭna kanał RPC Carskaj impieryi i častka jahonych filijałaŭ byli vydalenyja z telehrama.

Ciapier Leanid «Zasima» Ułasaŭ źmieščany ŭ SIZA. Ź im u SIZA taksama troje paplečnikaŭ: Alaksandr Karmišenka, jaki nazyvaje siabie prarokam Jenocham, Maryna Paciomina i ŭkrainiec Mikita Šostak. Ich vinavaciać pa č. 2 i č. 3 artykuła 239 KK RF — «stvareńnie arhanizacyi, što zamachvajecca na pravy i svabody hramadzian». Za heta im pahražaje da šaści hadoŭ turmy.

Leanid Ułasaŭ u sudzie. Fota: 73online.ru

Nakolki viadoma, biełaruskija «filijały» siekty RPC Carskaja impieryja pakul pracujuć.

@nashanivanews U Minsku abłava na advakataŭ. Prychodzili da 10 čałaviek. Nakolki viadoma, rejd zładziŭ KDB #advokat#minsksiejčas#minsk#biełaruś#biełaruśnovosti#novostibiełarusi#našaniva#biełaruskityktok#vminskie♬ Paris - Else

«Naša Niva» — bastyjon biełaruščyny

PADTRYMAĆ

Čytajcie taksama:

U Biełaruś pratačyłasia novaja siekta z Rasii. Były zek zmušaje pastvu pradavać kvatery i vykidać dakumienty

Hałoŭny prarasijski palityk Biełarusi Siarhiej Łušč: byŭ «vałchvom» pahanskaj siekty, žonka nie ściarpieła siabroŭ-nieanacystaŭ

Praŭładny śviatar adkazaŭ, što rabić, kali tvaja niaviesta onlifanščyca

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
3
Панылы сорам
4
Ха-ха
9
Ого
4
Сумна
2
Абуральна
2
0
Chmm/adkazać/
22.02.2024
Takaja vot oppozicija, novyje žiełajuŝije na rol caria protiv caria
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
sakavikkrasavikmaj
PNSRČCPTSBND
1234567
891011121314
15161718192021
22232425262728
2930