Znajści
Ałharytmičny łacinski varyjant
22.02.2024 / 10:561RusŁacBieł

«Jon vielmi čakaŭ, što jaho pieraviaduć u špital i pačnuć lačyć». Ihar Lednik spadziavaŭsia na dapamohu da apošniaha

Raźvitańnie z Iharam Lednikam adbudziecca ŭ Barysavie 22 lutaha. Radyjo Svaboda pahutaryła z byłym palitviaźniem Alaksiejem Hałoŭkinym, jaki sustrakaŭ Lednika ŭ babrujskaj kałonii.

Alaksiej Hałoŭkin trapiŭ u babrujskuju kałoniju pavodle šerahu palityčnych artykułaŭ. Jon sam maje invalidnaść, chvareje na hiemafiliju, drenna chodzić i maje prablemy z sustavami.

Alaksiej vyzvaliŭsia ŭ žniŭni 2023 hodu. U kałonii jon pierasiakaŭsia ź Iharam Lednikam, ź jakim paznajomiŭsia ŭviesnu 2023 hodu ŭ miedsančastcy. Tudy Alaksiej trapiŭ paśla etapu, bo mieŭ nizki ŭzrovień hiemahłabinu, častyja kryvacioki. Razam ź Iharam Lednikam jany praviali ŭ sančastcy kala dziesiaci dzion.

«Jon šmat razoŭ kazaŭ, što ŭ jaho paharšajecca stan zdaroŭja. Ale mieŭ nadzieju, što jaho pieraviaduć u respublikanski špital. Jamu abiacali, ale, napeŭna, hetaha nie zdaryłasia», — kaža Alaksiej.

Pavodle nazirańniaŭ surazmoŭcy, fizičny stan Ihara Lednika byŭ vielmi błahim.

«Jon marudna chadziŭ, ź ciažkaściu dychaŭ, skardziŭsia na serca. Paśla apieracyi ŭ Ihara była kałastoma (štučny kišečny chod, jaki robić chirurh pry peŭnych pakazańniach, kab vyvodzić praz žyvot kał z arhanizmu. — RS), stajaŭ kałapryjomnik. Ale pry hetym jamu nie davali schadzić u duš», — kaža były viazień.

Pa słovach surazmoŭcy, u duš Ihara nie puskali «kazły» — tak zvanyja asudžanyja, jakija supracoŭničajuć z administracyjaj kałonii. Nie vadzili Lednika i na «atavarku». Hetym zajmajecca načalnik atradu.

«Duš adzin raz na tydzień — heta standart. Ale, uličvajučy stan čałavieka ci «dobry nastroj» «kazłoŭ«, možna było ź imi damovicca mycca choć štodzień. Ale dla hetaha treba być piedafiłam, zabojcam, rabaŭnikom, a nie pisać artykuły pra Łukašenku», — zaznačyŭ były viazień.

Spadziavaŭsia na dapamohu da apošniaha

Niahledziačy na ciažki stan, Ihar Lednik, pa słovach Alaksieja, zaŭsiody ŭśmichaŭsia.

«Jon vykazvaŭsia, što kali jamu nie akažuć dapamohu, to jon moža pamierci ŭ kałonii. Jon vielmi čakaŭ, što jaho pieraviaduć u špital i pačnuć lačyć», — kaža Alaksiej.

Były palitviazień zaznačaje, što administracyja kałonii moža mocna cisnuć na chvorych viaźniaŭ, a kali ichny stan zdaroŭja stanovicca krytyčnym, pačynajuć ratavać. Jon tłumačyć, što ŭ kałonii jość jak cyvilnyja lekary, tak i lekary-milicyjanty.

«Cyvilnyja traplajucca roznyja. Jość i adekvatnyja. A milicyjanty, choć i lekary — usie adnolkavyja. U ich na łbie napisana: «Kab vy tut usie zdochli», — pierakanany były źniavoleny.

Svoj termin Alaksiej adbyvaŭ u atradzie ludziej ź invalidnaściu. Jon śćviardžaje, što pry im było bolš za dziesiać śmierciaŭ viaźniaŭ.

«Sardečnyja prystupy, rak, zapaleńnie lohkich. Niekaha navat paśpiavali adpuścić dachaty, kab tam pamior. Ci spłaŭlali ŭ cyvilny špital, u apošni momant vyklikajučy «chutkuju«», — kaža Alaksiej.

Ihara Lednika zatrymali 12 krasavika 2022 hoda i asudzili na 3 hady źniavoleńnia pavodle art. 367 za nibyta paklop na Łukašenku ŭ publikacyi ŭ partyjnym časopisie BSDP «Pazicyja».

U turmie stan jaho zdaroŭja istotna pahoršyŭsia, jamu zrabili apieracyju na straŭnikava-kišačnym trakcie. Aproč hetaha, Ihar mieŭ invalidnaść 2-j hrupy z pryčyny prablem z sercam.

Profil Ihara Lednika ŭ Facebook ułady pryznali «ekstremisckimi materyjałami».

Čytajcie taksama:

Što viadoma pra pamierłaha palitviaźnia Ihara Lednika

«Jany vajujuć za svajo zdaroŭje i svajo žyćcio ŭ žachlivych umovach». Cichanoŭskaja — pra śmierć Ihara Lednika

Były palitviazień: Ihar Lednik kazaŭ mnie, što chutčej za ŭsio pamre ŭ kałonii

Try hady kałonii Iharu Ledniku pryznačyła sudździa Taćciana Šocik

U turmie pamior palitviazień Ihar Lednik

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
0
Панылы сорам
0
Ха-ха
0
Ого
0
Сумна
8
Абуральна
11
0
Mar/adkazać/
22.02.2024
[Red. vydalena]
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
sakavikkrasavikmaj
PNSRČCPTSBND
1234567
891011121314
15161718192021
22232425262728
2930