Znajści
Ałharytmičny łacinski varyjant
21.02.2024 / 16:18RusŁacBieł

APK uznaharodziŭ niekalki čałaviek z nahody Dnia rodnaj movy

Abjadnany pierachodny kabiniet pryniaŭ rašeńnie ŭznaharodzić vybitnych ludziej za ŭniosak u zachavańnie i papularyzacyju biełaruskaj movy. Rašeńnie zaćvierdžanaje z nahody Dnia rodnaj movy, havorycca ŭ telehram-kanale inicyjatyvy.

Miedalom Franciška Skaryny ŭznaharodžanyja movaznaŭca Vincuk Viačorka, hramadska-palityčny dziejač, paet, prazaik Uładzimir Niaklajeŭ, biełarusistka, pieršaja ambasadarka Polščy ŭ Biełarusi Elžbieta Smułkova, staršynia Rady Biełaruskaj Narodnaj Respubliki Ivonka Surviła, pierakładčyk, žurnalist Siarhiej Šupa i jašče čatyry asoby, imiony jakich nie raskryvajucca z pryčyn biaśpieki.

Miedalom «Honar i hodnaść» uznaharodžanyja doktar fiłałahičnych navuk Nina Barščeŭskaja, dyrektar Biełaruskaha liceja ŭ Hajnaŭcy Ihar Łukašuk, paetesa i pierakładčyca Vanda Marcinš, historyk, vydaviec Andrej Januškievič i jašče dźvie asoby, imiony jakich nie raskryvajucca z pryčyn biaśpieki.

Kandydatury ŭznaharodžanych pradstaŭlenyja Kamisijaj pa ŭznaharodach pry Abjadnanym pierachodnym Kabiniecie. Uznaharody raspracavany i vyrableny Hieraldyčnaj radaj.

Pradstaŭnica pa nacyjanalnym adradžeńni Kabinieta Alina Koŭšyk skazała nastupnaje: «Vielmi radaja, što ŭ Dzień rodnaj movy Kabiniet uchvaliŭ prapanovu Kamisii pa ŭznaharodach i pryniaŭ rašeńnie adznačyć miedalami takich vybitnych ludziej. Kožny i kožnaja ź ich zrabili vialiki ŭniosak u zachavańnie i papularyzacyju biełaruskaj movy, heta prafiesijanały svajoj spravy. Pa kožnaj z kandydatur Kamisija pa ŭznaharodach prahałasavała adnahałosna. Ščyra vinšuju ŭsich uznaharodžanych, a ź imi i ŭsich prychilnikaŭ biełaruskaj movy, bo tolki našymi ahulnymi vysiłkami jana budzie žyć i raźvivacca!»

Čytajcie taksama:

«Ja bajałasia i saromiełasia». Cichanoŭskaja pryhadała, jak pačynaŭsia jaje šlach da biełaruskaści

Bolš za 90% vypusknikoŭ škoł ličać biełaruskuju movu rodnaj

«Rodnaja mova — mova majho rodu i majoj krainy». Ci moža ŭ čałavieka być rodnaj taja mova, na jakoj jon nie razmaŭlaje?

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
6
Панылы сорам
0
Ха-ха
1
Ого
0
Сумна
0
Абуральна
0
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
sakavikkrasavikmaj
PNSRČCPTSBND
1234567
891011121314
15161718192021
22232425262728
2930