Znajści
Ałharytmičny łacinski varyjant
21.02.2024 / 14:291RusŁacBieł

Pamior znany ŭkrainski dysident i pravaabaronca Stepan Chmara

Jamu było 86 hadoŭ.

Na 87-m hodzie žyćcia pamior pravaabaronca, hramadski dziejač, dysident, Hieroj Ukrainy, deputat troch sklikańniaŭ i suaŭtar Kanstytucyi Ukrainy Stepan Chmara. Pra heta paviedamiła jaho žonka Raksałana.

«Ja nie chaču ŭ heta vieryć. Ja nie chaču heta pisać. Pamior moj samy rodny čałaviek na śviecie. Usio», — napisała jaho žonka Raksałana Chmara.

Apošnim časam jon ciažka chvareŭ, ale zastavaŭsia palityčna aktyŭnym.

Stepan Chmara naradziŭsia 12 kastryčnika 1937 hoda. Skončyŭ stamatałahičny fakultet Lvoŭskaha miedycynskaha instytuta (1964). Staŭ raspaŭsiudnikam samvydatu. U 1972 hodzie jon pačaŭ brać udzieł u vypusku padpolnaha časopisa «Ukrainski Vieśnik». U 1975 hodzie pravaachoŭnymi orhanami była zroblena pieršaja sproba aryštu, ale była zakrytaja ŭ suviazi z adsutnaściu dokazaŭ złačynstva.

U 1980 hodzie jaho aryštavali. Jon byŭ asudžany da siami hadoŭ pazbaŭleńnia voli i piaci hadoŭ vysyłki pa artykule «antysavieckaja ahitacyja i prapahanda». Ssyłku adbyvaŭ u Piermskaj vobłaści. Vyjšaŭšy ŭ 1987 hodzie na volu, jon braŭ aktyŭny ŭdzieł u adnaŭleńni Ukrainskaj Chielsinkskaj hrupy.

Uviesnu 1990 hoda Chmara byŭ abrany deputatam Viarchoŭnaj rady Ukrainy. Naležaŭ da Ukrainskaj respublikanskaj partyi, Ukrainskaj kansiervatyŭnaj respublikanskaj partyi, «Baćkaŭščyny» Julii Cimašenki.

Chmara — aŭtar knih «Etnacyd ukraincaŭ u SSSR» i «Hienieralny pahrom».

Čytajcie taksama:

U Hiermanii pamior i druhi ŭkrainski baskietbalist, paranieny niamieckim školnikam

Va Ukrainie ŭšanoŭvajuć hierojaŭ Niabiesnaj sotni, jakija zahinuli 10 hadoŭ tamu. Siarod ich dva biełarusy

Pamior ukrainski paet Dmytro Paŭłyčka

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
0
Панылы сорам
1
Ха-ха
0
Ого
0
Сумна
2
Абуральна
0
0
Juozas/adkazać/
21.02.2024
Vidijšov u Vičnisť ostańnij ź Vielikich...Carstvo jomu Niebieśnie....
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
12345
6789101112
13141516171819
20212223242526
2728293031