Znajści
Ałharytmičny łacinski varyjant
21.02.2024 / 10:003RusŁacBieł

«Ja nie viedaju, chto i kaho vybiraje». Praŭładny śviatar Andrej Lemiašonak spadziajecca, što zamiest jaho niechta prahałasuje

«Ci treba pravasłaŭnamu čałavieku ŭdzielničać u vybarach?» — spytali ŭ praŭładnaha śviatara Andreja Lemiašonka padčas tradycyjnaj «Hutarki z baciuškam». Vyśvietliłasia, što, niahledziačy na ŭsiu dziaržaŭnuju prapahandu, navat jon nie viedaŭ, kali i jakija vybary. Ale cikavy adkaz daŭ.

Śviatar Andrej Lemiašonak. Skrynšot videa na YouTube-kanale Śviata-Jelisaviecinskaha manastyra

— Ja nie ahitatar. Heta zaraz buduć vybary? Ščyra kažučy, ja nie viedaju, chto i kaho vybiraje. U mianie prosta niama siłaŭ daviedacca.

U niejki momant, zdajecca, śviatar zrazumieŭ, što atrymlivajecca nie vielmi ideałahičny adkaz, i pasprabavaŭ vyrulić na bolš uchvaleny dziaržavaj šlach.

— Nu, moža, kali my hramadzianie, kali my paŭdzielničajem, dyk heta dobra…

Niejkaja sumlennaja hramadzianka z zały vyrašyła dapamahčy baciušku i pačała hučna kazać:

— Kaniešnie, treba ŭdzielničać!

Lemiašonak dapamozie ŭzradavaŭsia:

— Voś, Lena kaža, što treba ŭdzielničać. Pasłuchajem razumnych ludziej. Tolki treba ž viedać, za kaho hałasavać.

Niabačnaja Lena, akrylenaja pośpiecham, vyrašyła praciahnuć:

— Usich vykraślić.

Takija idei baciušku krychu napałochali:

— Usich vykreślivać nie treba. Heta niapravilna. Heta ŭžo nie ŭdzielničać, heta pratestavać. Heta ŭžo… vy što, apazicyjanier?! Nie? Hladzicie mnie. Carkva za.

Ale dalej Lemiašonak pačaŭ nieści kramołu sam: jon vykazaŭ spadziavańni, što zamiest jaho niechta na vybarach ptušačku pastavić, bo ŭ śviatara niadziela — heta vielmi składany i napružany dzień. 

Adkazvajučy na inšaje pytańnie, baciuška pryznaŭsia: da 2020 hoda jon nikoli nie hałasavaŭ na vybarach.

— Ja pračnuŭsia rankam, a ŭnutry mnie Boh kaža: «Tabie zaraz treba iści i hałasavać za prezidenta». 

Ja ŭvohule nie razumieŭ, što sa mnoj adbyłosia. Paśla tolki zrazumieŭ. I ŭ mianie nie było ni kropli sumnievu. Heta nie majo niejkaje rašeńnie. Prosta mnie boh pakazaŭ: ciapier vielmi niebiaśpiečny čas i ty pavinien nie sychodzić u takuju apalityčnaść, što «ja za mir». Usio heta słovy, prytym pustyja słovy.

Pra toje, ci zabaraniaŭ hety ŭnutrany hołas fatahrafavać biuleteń, śviatar udakładniać nie staŭ.

@nashaniva Pakul vas zahaniajuć na hałasavać, śpis deputataŭ užo viadomy #biełaruś#biełaruśsiejčas#biełaruskiciktok#našaniva#biełorusy#novostibiełarusi#biełaruśnovosti#minsk#minskajaobłasť♬ Funny Guy - Parry Music

Čytajcie taksama:

Śviatar Lemiašonak nazvaŭ rasijskich akupantaŭ mučanikami, a svoj manastyr — malitoŭnaj «krepaściu» Rusi

Śviatar Lemiašonak zaklikaŭ achvotnych chutčej pierajazdžać u Biełaruś, bo chutka siudy pryjedzie «ŭsia Jeŭropa» i miesca moža nie chapić

Praŭładny śviatar adkazaŭ, što rabić, kali tvaja niaviesta onlifanščyca

Protaijerej Lemiašonak pra rasstreł dla baćki sa Słucka: Raniej ja byŭ za śmiarotnaje pakarańnie. Ciapier suprać

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
0
Панылы сорам
6
Ха-ха
24
Ого
0
Сумна
0
Абуральна
4
1
Josik/adkazać/
21.02.2024
Sikaješ, stary, što i pa ciabie pryjdzie zhraja dyrektara saŭhasa, kožnaje słova ŭzvažvaješ. Božy słužka? Nie, łukašovy prapahandyst, prykryvaješsia Boham. Niama pavahi da takich papoŭ, bo vy jość adlustravańnie kryvavaj ułady, jakoje tranślujecie na carkvu. Paźniščali prychody, dzie pastva była suprać vajny, a tvaje baby prymajuć udzieł u źniščeńni pravasłaŭnych ukraincaŭ. Navošta, pytajusia, patrebna takaja carkva, jakaja parušaje ŭsie Božyja zakony. Słovy "ia za mir" tabie nie padabajucca, abraŭ bok ludažera? Atrymaješ i ty za svajo paskudstva, budzieš šče jeńčyć, ale ŭsio zafiksavana, internet nie ptuška, lapnuŭ - zastałosia naščadkam.
0
śviečnoj zavodik /adkazać/
21.02.2024
Błazan u rasie.
0
kisio/adkazać/
21.02.2024
nu carkva zaŭsiody była za cara (luboha). u ich słužba pačynajetsia z malitvy za alaksandra (zrazumieła jakoha)
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
sakavikkrasavikmaj
PNSRČCPTSBND
1234567
891011121314
15161718192021
22232425262728
2930