Znajści
Ałharytmičny łacinski varyjant
20.02.2024 / 16:442RusŁacBieł

Unikalnyja Miadnianskija jelniki pad Brestam skaracilisia bolš jak u try razy

Bolšaja častka astraŭnych jelnikaŭ, jakija rastuć daloka na poŭdzień ad svajho areała, vysachła za apošnija hady praź źmianieńnie klimatu.

Pažežynskija astraŭnyja jelniki. Fota: Małaryckaja rajonnaja biblijateka

Rašeńnie ab pieraŭtvareńni bataničnaha pomnika pryrody respublikanskaha značeńnia astraŭnyja jelniki «Miadnianskija» ŭ Bresckim rajonie pryniata Ministerstvam pryrodnych resursaŭ i achovy navakolnaha asiarodździa 5 lutaha 2024 hoda i siońnia nabyła moc.

Siońnia Miadnianskija jelniki składajucca z dvuch adasoblenych učastkaŭ, płošča jakich razam składaje 9,19 hiektara. Heta ŭ razy mienš, čym było raniej.

Bataničny pomnik pryrody respublikanskaha značeńnia byŭ stvorany ŭ 2007 hodzie, tady jahonaja płošča składała 32 ha. 

Ale pa sutnaści heta taksama było pieraŭtvareńnie, bo taki pomnik isnavaŭ až z 1966 hoda i ŭ kancy 1980-ch jahonaja płošča składała 21,8 ha. U toj čas tut miełasia 6 učastkaŭ zielenamošna-čarnična-kiślicavych jelnikaŭ, u jakich pieravažała chutkarosłaja karpackaja jełka (Picea abies var. acuminata). Uzrost jełak aceńvaŭsia ŭ 70—100 hadoŭ, vyšynia składała da 40 m, a dyjamietr 0,3—0,4 m. 

Miadnianskija jelniki. Fota: Hłobus Biełarusi

Unikalnaść hetaha pomnika ŭ tym, što Miadnianskija jelniki — heta astraŭnyja jelniki, jakija rastuć daloka na poŭdzień ad miažy pašyreńnia jełki. 

U Biełarusi hetaja miaža prachodzić pa ŭmoŭnaj linii ad Biełaviežskaj puščy praz Salihorsk i Rečycu da Homiela, nie achoplivajučy Paleśsie. Na Paleśsi jełka raście vielmi redka, u vyhladzie astravoŭ siarod inšych parod. Astraŭnyja jelniki vyznačajucca svojeasablivymi mikraklimatyčnymi i hlebava-hidrałahičnymi ŭmovami i fitacenatyčnaj strukturaj.

Terytoryja Miadnianskich jelnikaŭ u 2007 hodzie

Pomnikami pryrody respublikanskaha značeńnia abvieščany taksama Pažežynskija i Małaryckija astraŭnyja jelniki ŭ susiednim Małaryckim rajonie, a taksama Harbavickija jelniki ŭ Kalinkavickim rajonie i Dobrušskija jelniki ŭ Dobrušskim rajonie.

Jak tłumačyła Ministerstva pryrody ŭ svaim abhruntavańni, nasadžeńni stračany na ahulnaj płoščy 22,81 ha ŭ vyniku masavaha ŭsychańnia jełki.

Pryčynaj hibieli i asłableńnia nasadžeńniaŭ nazvanyja niespryjalnyja klimatyčnyja i hlebava-hidrałahičnyja ŭmovy, a taksama masavyja paškodžańnia stvałavymi škodnikami.

Razam z uździejańniem vietrałomu, drevastoj straciŭ bijałahičnuju ŭstojlivaść.

Jełki masava hinuć pa ŭsioj Jeŭropie — praz paciapleńnie klimatu ŭsio bolš škodnikaŭ prybyvaje z poŭdnia. U dalokaj pierśpiektyvie Biełaruś moža zastacca bieź jełak zusim.

«Naša Niva» — bastyjon biełaruščyny

PADTRYMAĆ

Čytajcie taksama:

U adnym z mahiloŭskich skvieraŭ pavysiakali viekavyja duby

U centry Połacka źnieśli pałovu skviera

U Mahilovie pad novy korpus balnicy vysiekli les, jaki raniej byŭ abvieščany zakaźnikam

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
0
Панылы сорам
0
Ха-ха
0
Ого
2
Сумна
15
Абуральна
1
1
Maksim Dizajnier/adkazać/
20.02.2024
Pravilno. Začiem čumazym proletarijam i im potomkam, takim žie čumazym tieriespolskim kontrabasam zapoviedniki. Zakatať vsie v bieton, i čtoby mašin po-bolšie!Salaračku čieriez kordon taskať.
20.02.2024
Maksim Dizajnier, staťju pročti, diatieł. Tam voobŝie to iźmienienija klimata hłavnaja problema, a nie Died Moroz i Śniehuročka.
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
sakavikkrasavikmaj
PNSRČCPTSBND
1234567
891011121314
15161718192021
22232425262728
2930