Znajści
Ałharytmičny łacinski varyjant
19.02.2024 / 08:3513RusŁacBieł

Minzdaroŭja choča zraŭnavać u cenach dziaržustanovy i pryvatnyja miedcentry

Ministr achovy zdaroŭja Alaksandr Chadžajeŭ u efiry ANT vykazaŭsia pra razryŭ u cenach pamiž płatnymi pasłuhami ŭ dziaržaŭnych paliklinikach i pryvatnych centrach.

Skrynšot videa ANT

«Staić zadača vyrašyć prablemu. Heta značyć raźbiežka cany pa ŭsich kampanientach dapamohi. Pačynajučy ad stamatałohii i zakančvajučy UHD, inšymi manipulacyjami, tymi ž kansultacyjami.

Kansultacyja śpiecyjalista ŭ arhanizacyi achovy zdaroŭja moža pačynacca ad 15 rubloŭ. Ale čamuści ŭ pryvatnych kampanijach jana pačynajecca ad 50 rubloŭ», — kaža ministr.

«U bolšaści svajoj heta śpiecyjalisty, jakija, nie atrymaŭšy niejkich dadatkovych viedaŭ, prosta pierachodziać u pryvatnuju sistemu, akazvajuć absalutna tuju ž pasłuhu. Tut, kali strukturu ŭziać cany, prafiesijna nie budzie nijakich adroźnieńniaŭ.

My pavinny być roŭnyja pierad zakonam, pierad umovami i va ŭmovach, u jakich my pracujem. Tady, napeŭna, i ceny buduć blizkija adna da adnoj, i sacyjalnaja nahruzka, i adkaznaść našych pryvatnych partnioraŭ budzie krychu inšaj», — dadaŭ A. Chadžajeŭ.

Jašče adno pytańnie — čerhi na pratezavańnie sustavaŭ. Ministr raskazaŭ, nakolki ŭdałosia ich skaracić.

«Pa tazaściehnavych sustavach u nas isnuje čarha — 11 779 čałaviek. Pa kalennych sustavach u nas čarha — 14 058 čałaviek. Pa tazaściehnavych sustavach z 23 maja 2023 hoda čarha skaraciłasia na 17%. Pa kalennych sustavach na tuju ž datu čarha skaraciłasia na 10%.

Kali hladzieć na absalutnyja ličby, to heta mała. Kali ž my pahladzim na kompleks tych mierapryjemstvaŭ, jakija byli vykanany, to heta značnaja praca. I na siońniašni dzień bolš za 200 śpiecyjalistaŭ užo mohuć heta rabić. I jašče na 2024 hod 81 śpiecyjalist budzie heta rabić. Hetaja prablema sistematyčna vyrašajecca. I jana budzie vyrašana. Važnym momantam źjaŭlajecca pastanoŭka pravilnaha dyjahnazu i toj stupieni, kali nieabchodna stavić pratez. Heta značyć, my pavinny raspačać maksimum namahańniaŭ pa miedykamientoznym supravadžeńni, pačatku zachvorvańnia, pa instrumientalnym supravadžeńni. Kab manipulacyja z artraskopam była dastupnaja ŭ značnaj kolkaści rajonnych balnic i śpiecyjalisty mahli jaje rabić. My ŭzajemadziejničajem z kampanijaj «Palitechnik», jakaja sumiesna z kitajskaj kampanijaj «Viehajo» pastavić na rynak Biełarusi 4000 pratezaŭ, 2000 pratezaŭ kalennych i instrumientaryj dla ich ustanoŭki».

U kancy studzienia Chadžajeŭ kazaŭ pra toje, što nieabchodna nadać asablivuju ŭvahu cenam na leki i miedpasłuhi. Što źmianiłasia za hety čas?

«Bolš za 70% upakavanych tabletak, roznych formaŭ lekavych preparataŭ biełaruskaj vytvorčaści va ŭstanovach achovy zdaroŭja, 90% vykarystoŭvajecca biełaruskija leki. My na siońnia pracujem nad tym, kab hety asartymient źjaŭlaŭsia jašče bolšym. Pa cenach biełaruskija preparaty pa roznych napramkach ad 1,5 da 6 razoŭ tańniejšyja, čym impartnyja anałahi», — raskazaŭ ministr.

Čytajcie taksama:

Novy ministr zdaroŭja daŭ pieršaje zadańnie

Što viadoma pra novaha ministra achovy zdaroŭja Alaksandra Chadžajeva?

Minzdaroŭja adreahavała na situacyju ź niemaŭlom, jakoje zahinuła padčas rodaŭ

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
2
Панылы сорам
18
Ха-ха
0
Ого
1
Сумна
0
Абуральна
8
0
Jauhien/adkazać/
20.02.2024
Nemo,Jeśli u tiebia iźvini dieńhi iz ž--y syplutsia to u bolšienstva biełorusov s etim napriah. I jeśli uravniajut to vrači iz hos.poliklinik nie budut biehať tuda-siuda i očieriedi v poliklińniach budut mieńšie.
0
Vład/adkazać/
21.02.2024
Kanstytucyja,  nie!
0
Vład/adkazać/
21.02.2024
Achti, nie "užie niet" a DAVNO NIET! 
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
sakavikkrasavikmaj
PNSRČCPTSBND
1234567
891011121314
15161718192021
22232425262728
2930