Znajści
Ałharytmičny łacinski varyjant
16.02.2024 / 22:288RusŁacBieł

Na TB pakazali dopyt «dyviersantaŭ» i namiaknuli, što ich metaj była pravakacyja ŭ Rasii

Videa dopytu «ŭkrainskich dyviersantaŭ» Siarhieja i Paŭła Kabarčukoŭ pakazali ŭ efiry biełaruskich dziaržaŭnych telekanałaŭ. Taksama tam pakazali vybuchoŭku, jakaja, jak śćviardžajecca, była ŭ ich torbach.

Zatrymanyja ŭkraincy Siarhiej i Pavieł Kabarčuk. Fota z prapahandysckich telehram-kanałaŭ

«U mianie sud, mianie padstavili. Artykuł 309-y, pazbaŭleńnie voli terminam ad 9 da 12 hadoŭ. Da mianie padyšoŭ čałaviečak, pa typu spasłaŭsia, što jon z SBU. I kaža: «Jość takaja praca. Voś na Biełaruś praciahnuć tavar tam, niedzie zakapać i ŭsio, my spravu tvaju — fjuć», — raskazaŭ zatrymany ŭkrainiec Siarhiej Kabarčuk, žychar siała Staraja Vyžyŭka Vałynskaj vobłaści.

Jahony syn, Pavieł Kabarčuk, taksama zajaviŭ, što spravu va Ukrainie abiacali zakryć.

«Paabiacali, što zakryjem spravu i ŭsio. Ja rabiŭ heta pa zadańni SBU. Mnie za hrošy jany ničoha nie kazali, što jany mnie niešta zapłaciać», — skazaŭ Kabarčuk-małodšy.

U toj ža čas, pavodle Siarhieja Kabarčuka, jamu prapanoŭvali taksama i hrošy — 1500-2000 dalaraŭ.

Pavieł Kabarčuk u svaich śviedčańniach dapuskaje, što kancavoj metaj dastaŭki vybuchoŭki była Rasija, dy i sami stvaralniki siužetu śćviardžajuć, što ŭsio heta rychtavałasia dla dyviersij «na terytoryi Sajuznaj dziaržavy».

U siužecie taksama pakazali toje, što, jak śćviardžajecca, adšukali ŭ torbach kantrabandystaŭ.

«Znojdzieny płastykavy korpus, jaki byŭ padrychtavany płastyčnym vybuchovym rečyvam, jak miarkujecca, — paŭtara-dva kiłahramy. Dva elektradetanatary, jakija zasiłkoŭvalisia ad akumulatarnych batarej, taksama byŭ dałučany da hetaj pryłady pult dystancyjnaha ŭzvodu», — prakamientavaŭ nienazvany mužčyna, jakoha pradstavili śpiecyjalistam sapiorna-techničnaj hrupy.

U inšym pakiecie byli GPS-trekier, navihatar i dźvie simkarty.

«U trecim pakiecie himnastyčny tubus, padrychtavany płastyčnym vybuchovym rečyvam, kudy byŭ ustalavany taksama pult dystancyjnaha ŭźviadzieńnia, elektradetanatar, akumulatarnyja batarei ź simkartaj taksama i datčyk dystancyjnaha ŭźviadzieńnia, jak miarkujecca, — raskazaŭ nieviadomy vajskoviec. — U nastupnym pakiecie byli standartnyja kasietnyja avijabomby 2,5 kiłahrama, jakija abstaloŭvajucca traciłam, plus byli daabstalavanyja płastyčnym vybuchovym rečyvam dla lepšaj fiksacyi elektradetanataraŭ. Ich było dva. Tradycyjna dva akumulatary. Da ich macavalisia kamiera, pult, pult kiravańnia dystancyjnaha, a taksama telefon i hrošy». 

Niadaŭna pryznačany načalnik Śledčaha ŭpraŭleńnia KDB Kanstancin Byčak taksama vykłaŭ u teleefiry viersiju taho, što adbyvajecca:

«U chodzie pieršapačatkovych śledčych dziejańniaŭ ustanoŭlena, što zadaču pa zakidzie ŭ Respubliku Biełaruś srodkaŭ paražeńnia dla ździajśnieńnia aktaŭ teraryzmu baćka i syn Kabarčuki atrymali ad supracoŭnikaŭ Słužby biaśpieki Ukrainy. Pry hetym ich uvod na terytoryju Respubliki Biełaruś rabili supracoŭniki SBU va ŭzajemadziejańni ź Dziaržaŭnaj pamiežnaj słužbaj Ukrainy, supracoŭniki jakoj ažyćciaŭlali vizualnuju i techničnuju raźviedku dla zabieśpiačeńnia biaśpiečnaha nielehalnaha pierachodu dziaržaŭnaj miažy».

 Usie zatrymanyja «dyviersanty» ciapier znachodziacca ŭ SIZA KDB.

Čytajcie taksama:

Što za bieraściejec, jakoha KDB vystaŭlaje ŭkrainskim dyviersantam? U sacsietkach jon adept «ruskaha śvietu» i prychilnik Rasii ŭ vajnie

KDB nazvaŭ imiony zatrymanych na miažy z Ukrainaj

U KDB raskazali, što nibyta zatrymali ŭ Lelčyckim rajonie dyviersantaŭ SBU

Łukašenka raskazaŭ pra kontrterarystyčnuju apieracyju ŭ Lelčycach

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
3
Панылы сорам
7
Ха-ха
20
Ого
2
Сумна
0
Абуральна
6
0
Andruś/adkazać/
17.02.2024
Niaŭžo paśla džypa 2017-ha hoda KHB dy inšym karnikam chapaje rozumu raźličvać, što niechta ichnim razyhranym scenkam vieryć? 
Nie treba być Stanisłaŭskim, kab upeŭniena skazać "Nie vieru!".  
0
musarok/adkazać/
17.02.2024
Darečy ŭ Zołkina byŭ adzin krasaviec z sumnaviadomaj častki. Dyk jon kazaŭ što hetyja byčki zasłali jaho da rašystaŭ kab ustupiŭ u Vahnier ci Redut i sačyŭ za ich płanami na miescy, a pierad hetym jon palavaŭ na ciahniki na terytoryi 'taježnaj dziaržavy'. Tak što kali vy čujecie pra štodzionnyja vybuchi na rf całkam vierahodna što heta siabry jahonyja z-pad Rudzienska pracujuć.
0
Nacdem /adkazać/
17.02.2024
A dzie vatnik?
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
12345
6789101112
13141516171819
20212223242526
2728293031