Znajści
Ałharytmičny łacinski varyjant
16.02.2024 / 17:412RusŁacBieł

«Achviaravaŭ saboj dziela hramadstva, jakoje takuju achviaru nie zasłuhoŭvała». Biełarusy reahujuć na śmierć Alaksieja Navalnaha

Hałoŭnaja navina dnia, śmierć rasijskaha apazicyjaniera Alaksieja Navalnaha, nie pakinuła biełarusaŭ abyjakavymi. Voś što siońnia pišuć u sacsietkach.

Alaksiej Navalny ŭ sudzie, 2021 hod. Fota: AP Photo / Alexander Zemlianichenko

Mnohija adznačajuć, što ŭ našaj krainie šmat svaich palitviaźniaŭ, jakim taksama patrebnaja ŭvaha:

«BOLŠ ZA HOD NIČOHA NIE ČUVAĆ AD PALITVIAŹNIAŬ MAKSIMA ZNAKA, MIKAŁAJA STATKIEVIČA, SIARHIEJA CICHANOŬSKAHA, MARYI KALEŚNIKAVAJ I VIKTARA BABARYKA».

«Heta p****iec, ale dzie Kaleśnikava, Babaryka, Statkievič, Znak, Łosik, Daškievič i inšyja????».

«Luby palitviazień u Biełarusi znachodzicca ŭ takoj samaj situacyi, kali tvajo žyćcio nie zaležyć ad ciabie i moža spynicca ŭ lubuju chvilinu».

«U Biełarusi kolkaść palitźniavolenych nabližajecca da 1500 čałaviek. Vy možacie znajści sposab padtrymać ich i ich siemji. Vy možacie zhadać tych biełarusaŭ, chto zahinuŭ ad ruk režymu. Bo ŭ nas jość svajo piekła. Za Navalnaha jość kamu płakać. Jon nam čužy».

«ALEŚ PUŠKIN!!!!!»

Pra zakładnikaŭ biełaruskaha režymu piša i kiraŭnik «Bajsoła» Andrej Stryžak:

«Tyja, chto stavić svaje žyćcio na kon u palityčnaj hulni, mohuć jaho i prajhrać. Z sumam dumaju pra Babaryku, Kaleśnikavu i inšych našych zakładnikaŭ».

Pavieł Łatuška adznačaje, što pieršapryčyna śmierci Navalnaha, jak i inšych zahinułych palitviaźniaŭ — rasijski režym, jaki raspačaŭ vajnu i źniščaje palityčnych apanientaŭ. Na siońniašniuju navinu śviet musić adkazać, kaža Łatuška: «U vypadku, kali śviet nie daść žorstkaha i pryncypovaha adkazu na śmierć Alaksieja Navalnaha, heta raźviaža ruki jak Pucinu, tak i Łukašenku dla pavolnaha zabojstva palityčnych apanientaŭ u turmach.

Što moža zrabić demakratyčny śviet? Pryciahnuć da kryminalnaj adkaznaści dyktataraŭ i ŭvieści rujnujučyja sankcyi ŭ dačynieńni da režymaŭ u Biełarusi i Rasii».

Viktoryja Palčys, žonka palitviaźnia Eduarda Palčysa, taksama prakamientavała navinu. «Cuda nie zdaryłasia: karupcyju nie pieramahli, hramadstva nie pračnułasia, spraviadlivaść nie była adnoŭlenaja, ułada zastałasia ŭ rukach u tyrana, a hałoŭnaha antahanista prosta zabili ŭ turmie», — piša jana.

Błohier i były palitviazień Alaksandr Ivulin raźmiaściŭ paśla śmierci Navalnaha emacyjny post u instahramie. Tam nie zhadvajecca rasijski palityk, ale vyhladaje, što post vyklikany jakraz navinoj pra jaho śmierć. Ivulin piša:

«Na subotu rychtavaŭ post pra toje, jak pražyŭ hetyja 365 dzion na voli. Jaho nie budzie. Zamiest hetaha słovy padtrymki Viktaru Babaryku i Mikałaju Statkieviču, Ściapanu Łatypavu i Siarhieju Cichanoŭskamu, Maryi Kaleśnikavaj i Maksimu Znaku… Chalera biary, usim paŭtara tysiačam biełaruskich palityčnych viaźniaŭ, jakija ciapier znachodziacca tam.

Usim, kaho katujuć u ŠIZA za prydumanuju niaholenaść. Usim, chto nie zdradžvaje sabie, znachodziačysia ŭ PKT. Usim, chto musić žyć».

Palityčny ahladalnik Alaksandr Frydman prakamientavaŭ śmierć palityka ŭ svaim telehram-kanale:

«Alaksiej Navalny — trahičny hieroj, jaki achviaravaŭ saboj dziela hramadstva, što takuju achviaru nie zasłuhoŭvała i što takuju achviaru nie acenić».

Miedyjamieniedžar Dźmitryj Navoša apublikavaŭ paśla śmierci Navalnaha vielmi emacyjny tvit: «Podłyja pomślivyja nkusnyja vyradki. Nul barjeraŭ i maralnych abmiežavańniaŭ. Praciahnuć mučyć i zabivać da taho času, pakul nie buduć spynienyja. (A niekatoryja ŭ RF čamuści šejmiać tych suajčyńnikaŭ, chto danacić na USU, ech)».

Na dumku historyka Alaksandra Paškieviča, možna nie zhadžacca z pohladami Navalnaha, ale ž jaho ŭčynki kažuć za siabie:

«Što ž, jak da Navalnaha ni stavicca, ale ŭ historyi jon nazaŭsiody zastaniecca čałaviekam, jaki za svaje pohlady realna i ŭśviadomlena achviaravaŭ žyćciom. Nie kožny na heta zdolny, i nie kožnamu heta dadziena».

Žurnalist Dźmitryj Hurnievič razvažaje pra Navalnaha ŭ biełaruskim kantekście:

«Da Navalnaha zaŭsiody byli pytańni. Rańni Navalny niaredka vielmi rasčaroŭvaŭ. Ale kateharyčnaści da jaho nie było, bo ja dobra zasvoiŭ «zapaviet» niabožčyka Šaramieta ŭ pačatku 2010-ch, jaki skazaŭ: «U Rasiei nikoli nie budzie palityka, jaki zrazumieje biełarusaŭ». Razam z tym, niemahčyma admaŭlać, što Navalny raźvivaŭsia i ros, razumieŭ mnohija raniejšyja pamyłki.

I samaje hałoŭnaje — jon byŭ hałoŭnym apanientam Pucina, taho, jaki vyrašaje siońnia los Biełarusi. Navalny ž sprabavaŭ tłumačyć rasiejcam, što imi kirujuć bandyty, zaklikaŭ pratestavać i nie pahadžacca. I važna mienavita heta. Nichto ŭ Rasiei nie rabiŭ hetaha lepš za Navalnaha, nichto tak efiektyŭna nie zmahaŭsia z bandyckim režymam Pucina. I hety režym siońnia sam usio paćvierdziŭ».

Jašče adna papularnaja dumka — śmierć Navalnaha jašče bolš pavyšaje ŭzrovień niebiaśpieki dla biełaruskich palitviaźniaŭ, bo ciapier sistema byccam nie musić rabić vyhlad, što ŭmovy ich utrymańnia zakonnyja.

Błohier Džypsinkoŭ raźmiaściŭ karcinku, jakaja pakazvaje niemač hramadstva pierad katavańniami biełaruskich i rasijskich palitviaźniaŭ:

Arhanizatarka žanočych maršaŭ Nastaśsia Kaściuhova krytykuje tych, chto ličyć, što Navalny prosta nie musiŭ viartacca ŭ Rasiju paśla atručvańnia, bo jaho vidavočna źbiralisia zatrymać: «Čałavieka zabili ŭ turmie. Heta nijak nie racyjanalizuješ, jak by vam ni chaciełasia. Majcie ŭžo śmiełaść choć raz u žyćci pahladzieć u vočy hetamu žachu».

Piśmieńnik Saša Filipienka adreahavaŭ na cyničnaść paviedamleńniaŭ rasijskich uładaŭ pra trahiedyju. Proźvišča Pucina jon naŭmysna piša z maleńkaj litary:

«pucinu dałažyli pra śmierć Litvinienki, pucinu dałažyli pra śmierć Niamcova, pucinu dałažyli pra śmierć Palitkoŭskaj, pucinu dałažyli pra śmierć Markiełava i Baburavaj, pucinu paviedamili pra śmierć Chlebnikava, pucinu paviedamili pra śmierć Ščakačychina, pucinu paviedamili pra śmierć Estemiravaj, pucinu paviedamili pra śmierć Mahnickaha, pucinu paviedamili pra śmierć Navalnaha.

U dadzieny momant rychtujecca čarhovy dakład».

A suzasnavalnik fondu «Bajchełp» Alaksiej Lavončyk adznačyŭ u fejsbuku, što katavańni datyčna biełaruskich i rasijskich palitviaźniaŭ nie spyniać baraćbu z režymami: «Navalnaha zabili. U Biełarusi ŭ turmach hod inkamunikada siadziać Kaleśnikava, Statkievič i šmat chto inšy. My praciahniem svaju pracu. Kožnaj canoj. Pakul jano nie zdochnie».

«Naša Niva» — bastyjon biełaruščyny

PADTRYMAĆ

Čytajcie taksama:

U kałonii raptoŭna pamior Alaksiej Navalny

Jak ciapier vyhladajuć hałoŭnyja staronki suśvietnych miedyja

Navalny identyfikavaŭ hrupu rabotnikaŭ FSB, jakija atrucili jaho «Navičkom» — rasśledavańnie

Viera Biełacarkoŭskaja

Chočaš padzialicca važnaj infarmacyjaj
ananimna i kanfidencyjna?

Клас
5
Панылы сорам
2
Ха-ха
2
Ого
1
Сумна
24
Абуральна
4
0
F.N.S./adkazać/
16.02.2024
Vitold Ašurak ! Aleś Puškin !
0
Tatr/adkazać/
16.02.2024
Tiepieŕ ni odna strana nie vydast Rośsii i Biełarusi hraždan po linii Intierpoła
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
12345
6789101112
13141516171819
20212223242526
2728293031