Znajści
Ałharytmičny łacinski varyjant
14.02.2024 / 21:303RusŁacBieł

Rasija nakiravała va Ukrainu značna mienš ludskich i materyjalnych resursaŭ, čym patencyjna mahła b

Zhodna z analizam Mižnarodnaha instytuta stratehičnych daśledavańniaŭ, Maskva patencyjna jašče moža vytrymać kala troch hadoŭ ciažkich strat. A pavodziny Rasii padšturchnuli jeŭrapiejskija krainy da rekordnaha pavieličeńnia vydatkaŭ na abaronu i pierahladu vajennaj stratehii.

Mabilizavanyja ŭ rasijskuju armiju. Fota: AP

Bloomberg znajomić ź niekatorymi pałažeńniami novaha analityčnaha materyjału Mižnarodnaha instytutu stratehičnych daśledavańniaŭ (IISS).

U jakaści asnoŭnaha karotkaterminovaha scenaryja IISS razhladaje tupikovuju situacyju ŭ bajavych dziejańniach pamiž Rasijaj i Ukrainaj. U materyjale adznačajecca, što z pačatku poŭnamaštabnaha kanfliktu Maskva straciła bolš za 2900 asnoŭnych bajavych tankaŭ — prykładna stolki ž, kolki miełasia na ŭzbrajeńni ŭ pačatku apieracyi. Adnak joj udałosia papoŭnić straty za košt bolš staroj techniki.

Pa acenkach IISS, Maskva patencyjna moža vytrymać jašče kala troch hadoŭ ciažkich strat i papaŭniać niedachop tankaŭ z zapasaŭ. Chutkaść, ź jakoj Rasija raskansiervuje staryja mašyny, «časam moža dasiahać 90 tankaŭ u miesiac», havorycca ŭ daśledavańni.

Zhodna z acenkami IISS, Rasija nakiravała na vajnu značna mienš ludskich i materyjalnych resursaŭ, čym patencyjna mahła b, i Pucin zastajecca prychilnikam pieramohi, a nie kampramisu, navat kali da jaje treba budzie iści hadami šlacham pastajannaj mabilizacyi resursaŭ.

Vydańnie źviartaje ŭvahu na toj fakt, što pavodziny Rasii padšturchnuli jeŭrapiejskija krainy da pavieličeńnia vydatkaŭ na abaronu i ŭmacavali NATA. Suśvietnyja vydatki na abaronu vyraśli na 9% da rekordnych 2,2 tryljona dołaraŭ. Pałova ź ich, pa danych IISS, prypadaje na krainy — siabroŭki NATA.

Źmianilisia i pryjarytety abaronnych biudžetaŭ. Kali ŭ 2014 hodzie krainy NATA tracili na zakupki i raźvićcio ŭ siarednim 15% svajho abaronnaha biudžetu, to ŭ 2023 hodzie, na dumku staršaha navukovaha supracoŭnika pa abaronnaj ekanomicy ŭ IISS Fieneły Makhierci (Fenella McGerty), jany buduć vydzialać bolš za 30%.

«Tempy raschodavańnia bojeprypasaŭ padčas bajavych dziejańniaŭ va Ukrainie prymusili Zachad pryznać, što vytvorčyja mahutnaści atrafiravalisia, i krainy kinulisia vypraŭlać niedachopy, jakija ŭźnikli ŭ vyniku šmathadovaha niedainviestavańnia», — cytuje vydańnie paviedamleńnie IISS.

Akramia hetaha, vialikim popytam stali karystacca bieśpiłotniki. A abaronnyja viedamstvy pa ŭsim śviecie sprabujuć vykarystoŭvać chutkaść raźvićcia pradprymalnickich startapaŭ u hetaj śfiery.

Tym časam, pa danych IISS, amierykanskija vajskoŭcy znachodziacca ŭ režymie pieraasensavańnia, zasvoiŭšy ŭroki z rasijskaj vajny va Ukrainie. Armija ZŠA prystupiła da raspracoŭki novaj artyleryjskaj stratehii z uporam na dalnabojny dakładny ahoń i pierahledzieła padychod da padboru kadraŭ. A vysokija pakazčyki vykarystańnia klučavych vidaŭ zbroi ŭ vajnie prymusili VPS ZŠA pavialičyć ich kolkaść.

Čytajcie jašče:

Rasiejskaja naftapierapracoŭka padaje praz ataki bieśpiłotnikaŭ. Ukraincy nacelilisia na samuju dachodnuju halinu RF

Rasija straciła bolš za 60 tankaŭ i BTR u nastupie pad Aŭdziejeŭkaj — Bild

Rasijskaja armija źniała z kansiervacyi staryja ekśpierymientalnyja BTRy i adpraviła va Ukrainu

Antoś Župran

Chočaš padzialicca važnaj infarmacyjaj
ananimna i kanfidencyjna?

Клас
10
Панылы сорам
3
Ха-ха
2
Ого
2
Сумна
4
Абуральна
3
3
Hienierał/adkazać/
14.02.2024
Ludskije riesursy biez tiechniki eto miaso otpravlennoje na uboj. Tiepieŕ užie otstupať niet smysła i nieobchodimo uničtožiť Putina. V bukvalnom smyśle. Jeśli on proihrajet, a on proihrajet, on budiet ustranien. Vmiestie s nim budiet uničtožien i łukašienko i jeho fašistskij riežim. Za tri hoda Putin połnosťju isčierpajet zapas starych mašin tiech čto na chodu i kotoryje možno postaviť na chod. Poskolku stratiehičieskmj vojennyj import połnosťju pieriekryt, naładiť proizvodstvo sovriemiennych tankov s nieobchodimym navihacionnym oborudovanijem dla viedienija sovriemiennoj vojny on nie smožiet. Za eto vriemia Zapadu nieobchodimo pierieorijentirovať enierhietičieskije potoki i połnosťju otkazaťsia ot rośsijskich enierhoriesursov. A biełorusam hotoviťsia k śniesieniju nienavistnoho riežima putinsieoho mierzavca łukašienko.
8
Instytut darmajedaŭ/adkazać/
15.02.2024
Dajcie novy hrant, my napišam šče łuchty.
2
Volny/adkazać/
15.02.2024
Instytut darmajedaŭ,mozhov podi siebie prikupi dla načała, kłoun hebešnyj
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera