Paštamaty akazalisia niezapatrabavanyja ŭ Biełarusi

Fota: finbelarus.com

Jak raspaviała ahienctvu «Sputnik Biełaruś» hiendyrektar «Biełpošty» Śviatłana Jurkievič, u Biełarusi funkcyjanujuć 40 paštamataŭ, pryčym bolš za ŭsio jany aktualnyja dla hramadzian, jakija zakazvajuć pasyłki z-za miažy. Pavodle jaje słoŭ, ciapier u suviazi ź nizkaj zapatrabavanaściu prajekt płanujecca prypynić.

«Na ŭnutranym rynku jany nie mocna zapatrabavanyja. My razhladajem niejkaje inšaje rašeńnie, jakoje budzie praściej. Hety prajekt my pastavim na paŭzu», — zajaviła Jurkievič.

Kiraŭnik «Biełpošty» adznačyła, što pa pieršapačatkovaj zadumie paštamaty pavinny byli spryjać skaračeńniu čerhaŭ pry atrymańni pasyłak z zamiežža, adnak na ciapierašni momant hety patok surjozna źniziŭsia. Usiaho ŭ miesiac biełarusam dastaŭlajuć kala 600 tys. mižnarodnych pasyłak — častka ź ich sychodzić u paštamaty.

Paštamaty «Biełpošty» jość va ŭsich abłasnych haradach, a taksama ŭ Oršy, Lidzie, Barysavie, Babrujsku i inšych rajonnych centrach.

Čytajcie taksama:

U Chielsinki na vulicach źjavilisia robaty, jakija dapamohuć dastaŭlać kaladnyja padarunki

U Minsku staviać kantejniery dla zboru ŭpakoŭki ad čypsaŭ i sucharykaŭ. Jak heta pracuje i što potym zrobiać z hetym śmiećciem?

Paštaljony buduć nasić leki z aptek

Nashaniva.com

Chočaš padzialicca važnaj infarmacyjaj
ananimna i kanfidencyjna? Pišycie redaktaru
«Našaj Nivy» ŭ TH

2

8

3

2

3

2