Znajści
Ałharytmičny łacinski varyjant
07.02.2024 / 16:032RusŁacBieł

U centry Minska źniasuć budynak palikliniki

Budynak palikliniki ankacentra, raźmieščany ŭ rajonie Akademii Navuk, pojdzie pad znos užo sioleta. Akazvajecca, pabudova savieckaj epochi nie spraŭlajecca z patokam pacyjentaŭ, da taho ž — tut niama lifta.

Fota: Realt.by

Novuju palikliniku na 8 pavierchaŭ pabudujuć na miescy staroj. Pra heta, jak paviedamlaje Ministerstva achovy zdaroŭja, raskazaŭ hałoŭny doktar Minskaha haradskoha kliničnaha ankałahičnaha centra Viktar Kandratovič, piša Realt.by.

— Raboty pa znosie isnujučaha budynka pačnucca ŭ kancy sakavika — u pačatku krasavika hetaha hoda, — adznačyŭ Viktar Kandratovič. — Pieradprajektnyja raboty ŭžo praviedzieny, start budaŭnictva sučasnaha abjekta achovy zdaroŭja namiečany na vosień-zimu 2024 hoda.

Pa słovach Viktara Kandratoviča, u adpaviednaści z prajektam novaja paliklinika na praśpiekcie Niezaležnaści budzie vaśmipaviarchovaj, na 1500 naviedvańniaŭ u źmienu. Tut taksama raźmieściacca niehaśpitalnyja słužby i administracyjny aparat. Što tyčycca terminaŭ budaŭnictva, to zdača abjekta ŭ ekspłuatacyju čakajecca praz try-piać hadoŭ.

Paliklinika, jakaja ciapier majecca ŭ minskaha ankacentra, pabudavana ŭ 1977 hodzie. Raniej budynak u styli savieckaha madernizmu chacieli rekanstrujavać — nadbudavać pavierch i ŭźvieści prybudovu. Adnak, pavodle acenak śpiecyjalistaŭ, isnujučy padmurak i apornyja kanstrukcyi nie vytrymali b madernizacyi.

Čytajcie taksama:

U Minsku pobač ź mietro «Hrušaŭka» znosiać pryvatny siektar. Jamu zastalisia ličanyja dni FOTY

Stała viadoma, što zbudujuć na miescy kinateatra ŭ Čyžoŭcy

U centry Minska pačali znosić budynak byłoj meblevaj fabryki FOTY

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
5
Панылы сорам
2
Ха-ха
1
Ого
2
Сумна
3
Абуральна
2
0
A lačyć niama kamu/adkazać/
07.02.2024
Bo durnych niama.
0
Maksim Dizajnier/adkazać/
19.02.2024
Pravilno. I votknuť śviečku dla novych fabričnych hopnikov s direuni.
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera