Znajści
Ałharytmičny łacinski varyjant
31.01.2024 / 21:187RusŁacBieł

Novaja ekranizacyja «Majstra i Marharyty» skaryła minčan i pryviała ŭ šalenstva prychilnikaŭ vajny. Što ŭ joj takoha?

Film, jaki abrynuŭ na siabie hnieŭ rasijskich prapahandystaŭ, lidziruje ŭ minskim prakacie. 

Fota: skryn z trejlera

Chto tolki nie sprabavaŭ ekranizavać hety raman Bułhakava: svaje viersii źniali palaki Andžej Vajda i Maciej Vajtyška, juhasłaŭski režysior Alaksandr Piatrovič, rasijanie Juryj Kara i Uładzimir Bartko (apošniamu naležyć viadomaja ekranizacyja 2005-ha). Zorki savieckaj režysury Elem Klimaŭ, Uładzimir Navumaŭ i navat Eldar Razanaŭ taksama chacieli zrabić pa «Majstry i Marharycie» film, ale nie zdoleli — pryčym Navumaŭ kazaŭ, što jamu pieraškodziła ŭ hetym udava Bułhakava Alena Siarhiejeŭna, kali javiłasia da režysiora ŭ śnie.

Prablemy z ekranizacyjaj patłumačyć lohka, jak i toje, što ŭ Rasii za raman uzialisia tolki ŭ 1994-m — nie taja heta historyja, jakuju dazvolać raskazać u tatalitarnaj krainie. Tym bolš dziŭna, što ŭ ciapierašniaj Rasii film usio ž taki vyjšaŭ na ekrany. 

Stvaralniki novych «Majstra i Marharyty» (režysioram staŭ Michaił Łokšyn) adstupili ad kłasičnaha bułhakaŭskaha siužeta. Stužka daŭžynioj dźvie z pałovaj hadziny raskaža vam historyju maskoŭskaha piśmieńnika 1930-ch, jaki apynuŭsia ŭ centry skandała i staŭ u tamtejšaj litaraturnaj tusoŭcy izhojem. Jaho minułaje — premjera ŭ šykoŭnym maskoŭskim teatry pasiarod truščobaŭ i prychilnicy, što nie dajuć prachodu, a ciapierašniaje — ubohaja pałata ŭ psichijatryčnaj klinicy, bolš padobnaja da kamiery, dzie Majstar-Bułhakaŭ (niesumnienna, heta jon) radok za radkom raskazvaje historyju Marharyty.

Roźnica pamiž pieršym i druhim — hod. Padčas čornaj pałasy ŭ žyćci Majstar znajomicca z Marharytaj, i taja stanovicca muzaj mužčyny, natchniaje na novy raman. U jaho centry — Vołand, piersanažy — tyja, chto atačaje piśmieńnika ŭžyvuju, i ŭsia hetaja historyja pieraplatajecca z sapraŭdnym śvietam piśmieńnika.

Fota: skryn z trejlera

Linija ź Ješua i Piłatam pradstaŭlenaja jak śpiektakl pa tvory Majstra, chacia tut nie zrazumieješ, dzie praŭda, a dzie kazka. Za hetuju pjesu Majstar traplaje na tavaryski sud, dzie začytvajuć frahmienty z tvora — naprykład, cytatu «Usiakaja ŭłada jość hvałt nad ludźmi». Takoje ŭ siońniašniaj Rasii pačuješ niačasta. 

Rasijskim prapahandystam hetaha chapiła, kab zajmieć pretenzii da stužki. Novy film prykładna napałovu apłočany dziaržaŭnym Fondam kino, ale jaho aŭtary nie adpłacili za heta łajalnaściu. 

Na psieŭdachryścijanska-prapahandysckim resursie «Carhrad» vyjšaŭ, da prykładu, artykuł, dzie katkom prajšlisia pa pohladach zdymačnaj kamandy. Pretenzii takija: režysior Michaił Łokšyn, jaki žyvie ŭ ZŠA, sistematyčna vystupaje suprać vajny i dapamahaŭ USU, vykanaŭcy hałoŭnych rolaŭ Cyhanoŭ i Śnihir — suprać vajny, Kałakolnikaŭ (vykanaŭca roli Karoŭjeva) — maŭčun i raniej padtrymlivaŭ pratest, Vołand — niemiec, a Piłat — datčanin. Višańka na torcie dla «Carhrada» — Ješua, jakoha hraje «brytanski i rasijski akcior ruskaha pachodžańnia, jaki naradziŭsia ŭ Niderłandach». Jość u prapahandystaŭ pytańni i da pradziusaraŭ karciny.

Fota: skryn z trejlera

Jaŭhien Cyhanoŭ i Julija Śnihir, Majstar i Marharyta, talenavita adpracavali hetuju stužku. Hety Majstar — nie ad zvykłaha śvietu, jaho vočy sumna-pustyja, navat kali jon sustrakaje kachańnie ŭsiaho žyćcia. To i nie dziva, što i sama Marharyta nie vyratavała takoha mužčynu, i što ŭrešcie jon apynuŭsia ŭ domie dla psichičnachvorych. A kachanaja Majstra — strymana-pryhožaja i z karaleŭskaj postaćciu, chacia i ź iskrynkami viadźmarstva ŭ vačach.

U hetuju historyju niejak trapiŭ niemiec Aŭhust Dzil z «Biassłaŭnych vybladkaŭ», jaki bliskuča syhraŭ Vołanda. Jon daje vobrazu inšaziemnaha kansultanta novaje vymiareńnie — Vołand moža być nie tolki mudrym reśpiektabielnym zamiežnikam z dolaj žorstkaści, jak heta było ŭ znakamitym Vołandzie ad Aleha Basiłašvili, ale i ślizkim nieznajomcam u kaściumie i z dolaj prajdziśviectva ŭ vačach, jakoha kidaje ŭ krajnaści i ad jakoha nie viedaješ, što čakać.

«Niama takoha piśmieńnika, kab jon nie zamaŭčaŭ. Kali zamaŭčaŭ, značyć, byŭ nie sapraŭdny, a kali sapraŭdny zmoŭknie — zahinie». Hetyja słovy ŭ stužcy — jany ž taksama nie ad Bułhakava, a ad aŭtaraŭ karciny. Tak Rasija pieratvarajecca ŭ krainu niesapraŭdnych piśmieńnikaŭ, dzie reštki ščyrych i sumlennych abo hinuć, abo traplajuć za kraty ci ŭ psichijatryčnyja balnicy, nakštałt toj, što prytuliła Majstra. Ci paznajuć siabie?

«Naša Niva» — bastyjon biełaruščyny

PADTRYMAĆ

Čytajcie taksama:

«Niebaraki» (Poor Things): pahladzieli samy dziŭny film hoda i raskazvajem, čaho čakać

Što pahladzieć. Piaščotnaja drama «Minułyja žyćci»

Novy «Džokier», «Niebaraki» i druhi «Hładyjatar»: top-10 filmaŭ, jakija vyjduć u 2024-m

Viera Biełacarkoŭskaja

Chočaš padzialicca važnaj infarmacyjaj
ananimna i kanfidencyjna?

Клас
56
Панылы сорам
4
Ха-ха
7
Ого
9
Сумна
2
Абуральна
6
0
kritik/adkazać/
01.02.2024
Žvir, połnosťju sohłasien. Vładimir Bortko sozdał horazdo łučšie film-sieriał, čiem eta muť. Filipienko v roli Azaziełło, Abdułov v roli Korovjeho. A Biehiemot? Biehiemot v filmie Łokšina i blizko nie stojał. Nu a Basiłašvili v roli Vołanda - eto tak, łučšieje.
0
nu, ježieli Cudoŭna prosić, to/adkazać/
01.02.2024
nu a što Redu rabić? kudy dzievušak vadzić? kali ničoha inšaha bolš niama.. u Kupałaŭski na Niachvudavu štole?
0
Žvir/adkazać/
01.02.2024
kritik, Azazieła (Filipienka) i Biehiemot (Bašyraŭ?) - pahadžusia, a voś Karoŭjeŭ (Abdułaŭ) niaŭdały, nie dla Abdułava hetaja rol, duža prosty. Darečy, tvor vielmi składany, tamu treba addać naležnaje režyseru, heta nie šedeŭr, asabliva sceny z časoŭ Chrysta niaŭdałyja, zusim nie z adpaviadajučymi aktorami, ale poki lepšaja sproba. Zusim inšaja sprava z ekranizacyjaj "Sabačaha serca", ź Jeŭścihniejevym u roli p. Preabraženskaha, tam atrymałasia ŭsio, da samych drobiaziaŭ, paŭtaryć nikoli j nikomu nia ŭdasca. Heta, jak i z savieckaj ekranizacyja Š.Chołmsa...
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
sakavikkrasavikmaj
PNSRČCPTSBND
1234567
891011121314
15161718192021
22232425262728
2930