Znajści
Ałharytmičny łacinski varyjant
31.01.2024 / 14:241RusŁacBieł

Biełaruskuju kinapremiju «Čyrvony vieras» uručać u Bierlinie

Cyrymonija ŭznaharodžańnia Biełaruskaj premii kinakrytykaŭ «Čyrvony vieras» adbudziecca 17 lutaha ŭ miežach Jeŭrapiejskaha kinarynku Bierlinskaha mižnarodnaha kinafiestyvalu.

Kadr ź filma «Dziońnik Anastasii», jaki ŭvajšoŭ u šort-list kinapremii «Čyrvony Vieras» u naminacyi «Najlepšy dakumientalny poŭnamietražny film»

Na imprezie stanuć viadomyja pieramožcy ŭ 13 naminacyjach premii, a taksama atrymalniki ŭznaharody «Śpiecyjalnaja zhadka».

Najlepšyja siarod biełaruskich filmaŭ 2021 i 2022 hadoŭ buduć nazvanyja na cyrymonii ŭznaharodžańnia kinapremii «Čyrvony vieras», jakaja adbudziecca ŭ miežach Jeŭrapiejskaha kinarynku Bierlinskaha mižnarodnaha kinafiestyvalu.

Padzieja pryznačanaja na 19:00 17 lutaha ŭ Gropius Bau Cinema, što mieścicca ŭ hałoŭnym budynku kinarynku Martin Gropius Bau.

«Heta honar, što ŭ čas humanitarnaha kryzisu ŭ krainie biełaruskaje kino nie hublajecca, a, naadvarot, znachodzić svaimi placoŭkami prestyžnyja mižnarodnyja fiestyvali, jakim jaho patencyjał i naležyć, — kažuć suzasnavalniki kinapremii «Čyrvony vieras» Irena Kaciałovič i Taras Tarnalicki.— My spadziajemsia, što cyrymonija ŭznaharodžańnia stanie dadatkovym natchnieńniem i matyvacyjaj dla biełaruskich kinaaŭtaraŭ, kab praciahvać svaju važnuju spravu».

Premii «Čyrvony vieras» buduć uručanyja ŭ katehoryjach:

  • «Najlepšy ihravy poŭnamietražny film», «Najlepšy ihravy karotkamietražny film», «Najlepšy dakumientalny poŭnamietražny film», «Najlepšy dakumientalny karotkamietražny film», «Najlepšy animacyjny film»,
  • «Najlepšy(aja) režysior(ka)», «Najlepšy aktor», «Najlepšaja aktorka»,
  • «Najlepšaja praca apieratara(ki)», «Najlepšy scenar», «Najlepšaje mastackaje rašeńnie (praca mastaka(čki)-pastanoŭščyka(cy)»,
  • «Najlepšy saŭnddyzajn (praca kampazitara(ki) i/ci hukarežysiora(ki)», «Adkryćcio hoda».

Jakija filmy trapili ŭ karotki śpis kinapremii «Čyrvony vieras», čytajcie pa spasyłcy.

Pieramožcaŭ vyznačała žury z 16 kinakrytykaŭ, kinažurnalistaŭ i kinadaślednikaŭ. U doŭhi śpis «Čyrvonaha vierasu» ŭvajšli 70 dakumientalnych, ihravych i animacyjnych filmaŭ.

Čytajcie taksama:

Novaja viersija «Majstra i Marharyty» lidziruje ŭ minskim prakacie

Ikonu suśvietnaha kino, 88-hadovaha Alena Dełona pryznali niedziejazdolnym

«Kali ŭ kinateatry stajać čerhi, ni ŭ kaho nie budzie pytańnia, ci jość biełaruskaje kino, ci niama»

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
1
Панылы сорам
0
Ха-ха
0
Ого
0
Сумна
0
Абуральна
0
0
Nacdem/adkazać/
31.01.2024
Čamu čyrvony? A nie bieł-čyrvona-bieły?
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
sakavikkrasavikmaj
PNSRČCPTSBND
1234567
891011121314
15161718192021
22232425262728
2930