Znajści
Ałharytmičny łacinski varyjant
29.01.2024 / 22:15RusŁacBieł

Navukoŭcy ŭździejańniem elektratoku zrabili ludziej bolš padatnymi na hipnoz

Adkryćcio niby z navukovaj fantastyki. Ekśpierymient pakazaŭ, što elektrastymulacyja mozhu moža zrabić hipnoz bolš efiektyŭnym mietadam lekavańnia roznych stanaŭ zdaroŭja, takich, jak chraničny bol.

ŠI-vyjava: vecteezy

U kantralavanym randamizavanym daśledavańni, apublikavanym u Nature Mental Health, navukoŭcy z Stanford University znajšli dokazy taho, što ludziej možna zrabić bolš usprymalnymi da hipnozu z dapamohaj usiaho dvuch karotkich sieansaŭ nieinvaziŭnaj stymulacyi mozhu. 

Niahledziačy na ​​toje, što hipnoz u masavaj kultury časta pakazvajecca albo jak nienaturalny sposab pierakanańnia, albo jak tanny truk, hetaja praktyka maje doŭhuju historyju ŭ miedycynie, asabliva ŭ psichaterapii. Hipnoz pryznačany dapamahać ludziam dasiahnuć bolš zasiarodžanaha i rassłablenaha stanu śviadomaści, u jakim ludzi zdolnyja lepiej intehravać prapanovy ab źmienie peŭnych pavodzin abo madelaŭ myśleńnia. Inšymi słovami, hipnoz vykarystoŭvaŭsia, kab dapamahčy ludziam spravicca z raznastajnymi niehatyŭnymi psichičnymi i fizičnymi stanami, choć dokazy jaho efiektyŭnaści pry niekatorych prablemach sa zdaroŭjem mienšyja (naprykład, pry admovie ad paleńnia), čym pry inšych (naprykład, pry sindromie razdražnionaha kišačnika), raskazvaje Gizmodo.

Adnoj z pryčyn taho, čamu vyniki ŭździejańnia hipnozu mohuć tak mocna adroźnivacca, źjaŭlajecca toje, što tolki niekatoryja ludzi pa-sapraŭdnamu dobra reahujuć na jaho. Daśledavańni ciaham mnohich hadoŭ pakazali, što ŭsprymalnaść ludziej da hipnozu moža značna adroźnivacca i zastajecca davoli stabilnaj na praciahu darosłaha žyćcia, padobna da taho, jak heta adbyvajecca z peŭnymi rysami asoby. 

Viadučy aŭtar apošniaha daśledavańnia Afik Fajerman, daktarant psichijatryi ŭ Stanford Medicine, razam z kalehami zadaŭsia pytańniem, ci sapraŭdy hetaja rysa nastolki niaźmiennaja. Spadar Fajerman kaža, što tolki kala 20% nasielnictva majuć mocnuju schilnaść da hipnozu. Tamu navukoŭcy zachacieli pravieryć, ci mahčyma zrabić mozh «niehipnatyzujemych» ludziej bolš usprymalnym da hipnozu, u spadziavańni adčynić dźviery dla palapšeńnia terapii.

Daśledčyki vyrašyli zasiarodzicca na dźviuch abłaściach mozhu, źviazanych z vysokaj zdolnaściu da hipnatyzacyi: dorzałateralnaj prefrantalnaj kary hałaŭnoha mozhu (jana dapamahaje nam prymać rašeńni) i piaredniaj pasavaj kary (jakaja źviazana z našym usprymańniem razdražnialnikaŭ). U bolš usprymalnych ludziej hetyja vobłaści, zdajecca, majuć bolšuju funkcyjanalnuju suviaź ci «kamunikacyju», jakaja adbyvajecca pamiž imi. 

Kamanda vykarystała transkranijalnuju mahnitnuju stymulacyju (TMS), jakaja nieinvaziŭna pasyłaje elektryčnyja impulsy ŭ mozh praz skuru hałavy, kab pasprabavać uzmacnić hetuju suviaź u padvopytnych.

U vyprabavańni ŭdzielničali 80 pacyjentaŭ ź fibramijałhijaj — chraničnym bolevym stanam, jaki hipnoz moža dapamahčy palehčyć. Usie dobraachvotniki prajšli skanavańnie mozhu, kab znajści najlepšyja indyvidualnyja mišeni dla TMS. Zatym ich vypadkovym čynam raźmierkavali na dźvie hrupy: adna hrupa atrymała dźvie 46-siekundnyja stymulacyi ​​TMS, a druhaja — fiktyŭnaje lačeńnie (była praviedziena takaja ž pracedura, ale faktyčnaj stymulacyi nie adbyvałasia). Da i paśla hetych zaniatkaŭ dobraachvotnikaŭ praviarali na zdolnaść da hipnatyzavańnia pa škale ad adnaho da dziesiaci.

Pieršaja hrupa prademanstravała vidavočnaje palapšeńnie svajoj zdolnaści da hipnatyzacyi z pavieličeńniem bałaŭ prykładna na adzin paśla hetaha, u toj čas jak hrupa płaceba nie pakazała istotnych źmien. Adnak źmianieńnie było časovym; praz hadzinu roźnica pamiž hrupami źnikła.

Jak kažuć ekśpierymientatary, daśledavańnie było raspracavana ŭ pieršuju čarhu kab adkazać na pytańnie, ci možna ŭvohule heta zrabić. Tamu pratakoł stymulacyi, jaki jany vykarystoŭvali, byŭ vielmi karotkim. Dla daviedki, samaje karotkaje lačeńnie depresii z dapamohaj TMS, zaćvierdžanaje ŭ ZŠA — heta 50 sieansaŭ stymulacyi prykładna pa 10 chvilin kožny (ahułam kala 500 chvilin) na praciahu 5 dzion zapar. Ciapier, kali było pakazana, što na hipnatyčnyja schilnaści ludziej možna paŭpłyvać, napieradzie jašče šmat pracy.

Kamanda ŭžo raspracoŭvaje palepšany pratakoł u nadziei vyklikać dastatkova vialikija źmieny ŭ hipnatyčnaj schilnaści ludziej, što paŭpłyvaje na ich reakcyju pry terapii takich zachvorvańniaŭ, jak fibramiałhija. I kali vysnovy kamandy praciahnuć paćviardžacca, daśledčyki bačać šyroki patencyjał dla hipnozu jak miedyčnaha lekavańnia.

«Majo bačańnie, jak kliničnaha psichołaha, zaklučajecca ŭ tym, što ŭ najbližejšaj budučyni pacyjenty buduć prachodzić karotki sieans stymulacyi pierad pryznačeńniem terapii, kab pavysić efiektyŭnaść lačeńnia», — kaža Fajerman. — «Heta dazvolić nam, pierš za ŭsio, prapanavać efiektyŭnaje lačeńnie bieź lekaŭ i palepšyć stan našych pacyjentaŭ, ale heta taksama zaaščadzić čas i hrošy dla pacyjentaŭ i sistemy achovy zdaroŭja».

Čytajcie taksama:

Hipnoz viadomy z dapiśmovych časoŭ, ale dziejnaść niekatorych savieckich hipnatyzioraŭ zastajecca zahadkaj

Vosiem sposabaŭ palepšyć pracu mozhu

Papularnyja leki mohuć być pryčynaj chraničnaha bolu

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
4
Панылы сорам
0
Ха-ха
0
Ого
0
Сумна
0
Абуральна
0
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
12345
6789101112
13141516171819
20212223242526
2728293031