Znajści
Ałharytmičny łacinski varyjant
17.01.2024 / 16:501RusŁacBieł

Novy «Džokier», «Niebaraki» i druhi «Hładyjatar»: top-10 filmaŭ, jakija vyjduć u 2024-m

Na pieršy pohlad śpis kinapremjer — 2024 vyhladaje niepierakanaŭča: skroź sikveły dy śpin-ofy, zasille historyj z komiksaŭ i videahulniaŭ. Daviałosia adkinuć šmat lišniaha, kab skłaści hety top-10 — zachoŭvajcie śpis! Daty premjer aktualnyja dla suśvietnaha prakatu.

Fota: skrynšot z trejlera «Niebarakaŭ»

«Niebaraki» (Poor Things)

Premjera hetaj čornaj kamiedyi adbyłasia 1 vieraśnia 2023-ha na kinafiestyvali ŭ Vieniecyi, vynik — 10-chvilinnaja avacyja, zachapleńnie krytykaŭ i hałoŭnaja ŭznaharoda. Čakajem, što «Niebaraki» dalaciać da kinateatraŭ u studzieni.

Uładalnica «Załatoha Hłobusa» Ema Stoŭn pakazvaje kłas u roli Beły Bakster, maładoj žančyny, jakuju ŭ viktaryjanskim Łondanie viartaje da žyćcia ekscentryčny doktar. Pryhažunia imkniecca vyvučać navakolny śviet i siabie, źbiahaje ź nienadziejnym mužčynam, padarožničaje pa śviecie i šukaje roŭnaści. Tut vam adsyłki da Frankienštejna, troški pra žanočuju svabodu i prosta vielmi dziŭnaje vidovišča. Jakoje zalacieła ŭ śpisy najlepšych filmaŭ-2023 i, vierahodna, atrymaje nie adnu naminacyju na «Oskar».

«Arhajł» (Argylle)

2 lutaha vyjdzie jašče adna pierśpiektyŭnaja kamiedyja, na hety raz ad brytanskaha režysiora Mećju Vona. Takaja niapravilnaja detektyŭnaja historyja: aŭtar špijonskich ramanaŭ-biestseleraŭ akazvajecca sapraŭdy vydatnym špijonam, jaki pakutuje na amnieziju. Kali da Arhajła viartajucca ŭspaminy, jon znoŭ atrymlivaje svaje niebiaśpiečnyja ŭmieńni i stavić pierad saboj novuju metu — pomstu.

Von apisvaje film jak odu bajevikam 1980-ch nakštałt «Ćviordaha areška». I ŭ hetaj ody vydatny akciorski skład: zhadajem brytanca Hienry Kaviła, uładalnika «Oskara» Sema Rokueła, lehiendu Semiueła Ł. Džeksana i pop-zorku Dua Lipu.

Emmanuelle

Krynica: Pathé

Adna ź vialikich francuzskich premjer hetaha hoda — čarhovaja ekranizacyja lehiendarnaj historyi pra Emanuel, maładuju francužanku i jaje seksualnyja fantazii. U hetym varyjancie hałoŭnaja hierainia jedzie pa eratyčnyja pryhody ŭ Tajłand.

Novuju «Emanuel» zdymaje režysiorka Odry Dzivan, jakaja ŭ 2021-m pryviezła ź Vieniecyjanskaha kinafiestyvala «Załatoha lva». Na hałoŭnuju rolu abrali Naemi Mierłan, taksama ŭ stužcy zadziejničanaja amierykanka Naomi Uots.

Dune: Part Two

1 sakavika da nas vierniecca «Dziuna»! Heta maštabnaja historyja pra zmahańnie roznych narodaŭ, što nasialajuć płanietu Arakis. Jana pabudavanaja vakoł Poła Atrejdesa — junaka, jaki hublaje baćku i ciapier, u druhoj častcy historyi, abjadnoŭvajecca z rasaj vandroŭnikaŭ-fremienaŭ, kab adpomścić zmoŭcam, što razburyli jaho siamju.

Kamanda taja ž samaja: stužku na 2 hadziny 46 chvilin znoŭ pastaviŭ Deni Vilnioŭ. U hałoŭnaj roli zorka «Vonki» i pieršaj «Dziuny» Cimaci Šałame, taksama my znoŭ pabačym Rebieku Fierhiusan i Ziendaju ŭ roli kachanaj Poła Atrejdesa. Historyja nasamreč składanaja — padumajcie nad tym, kab pierad druhoj častkaj vydzialić čas na prahlad pieršaj, kali jašče hetaha nie zrabili (jano taho vartaje).

Back to Black

Ciažka skardzicca na niedachop miuzikłaŭ-bajopikaŭ — naprykład, pierad 14 lutaha na ekrany vyjdzie film pra Boba Marli. Ale my ŭsio ž źvierniem vašu ŭvahu na Back to Black, stužku pra Emi Uajnchaus, adnu z najmacniejšych vakalistak śvietu ŭ nulavyja, jakaja pamierła ŭ 27 hadoŭ. Pieśni ź jaje alboma Back to Black vy dakładna čuli, ale mahli nie viedać trahičnych abstavin žyćcia samoj Emi — dziaŭčyna mieła ałkaholnuju i narkatyčnuju zaležnaść, pamierła ad sardečnaha prystupu, vyklikanaha ałkaholnym atručvańniem.

Historyja pra Emi vyjdzie na ekrany ŭ krasaviku-mai 2024-ha, u hałoŭnaj roli — brytanka Marysa Abieła. Za dobry saŭndtrek chvalavacca nie prychodzicca.

Wolfs

Pit i Kłuni na zdymkach.

20 vieraśnia 2024-ha, paśla letniaj paŭzy, nas čakaje duet Breda Pita i Džordža Kłuni — i hetaha ŭžo chapaje, kab zrabić film paśpiachovym. Dva halivudskija hienii syhrajuć čyścilščykaŭ, to-bok prafiesijnych vyrašalnikaŭ prablem, jakija vymušanyja zaniacca adnoj i toj ža pracaj.

Wolfs apisvajuć jak zmročny tryler, padobny da franšyzy afierysta Deni Oŭšana i jaho siabroŭ. Ad stužki čakajuć novaha pohladu na supracoŭnictva Pita i Kłuni, i papiaredni pakaz filma vyklikaŭ vielmi ciopłyja vodhuki.

Gladiator 2

Trejler da pieršaha «Hładyjatara» (2000 hod).

Praz 24 hady paśla znakamitaha «Hładyjatara», 22 listapada, my narešcie pabačym sikveł. Hieroj Raseła Kroŭ ź pieršaj častki, hładyjatar Maksimus, vyratavaŭ Łucyja — plamieńnika rymskaha impieratara Kamoda. U novym filmie Łucyj — darosły čałaviek i hałoŭny piersanaž historyi.

Dla pracy nad novym «Hładyjataram» znoŭ abjadnalisia režysior Rydli Skot i scenaryst Devid Skarpa. Ich minułaja suśvietnaja praca — «Napaleon», jaki vyjšaŭ vosieńniu 2023-ha, mieŭ daŭžyniu ŭ 2,5 hadziny i nieadnaznačnyja vodhuki krytykaŭ. Tym bolš cikava, što ŭ ich atrymajecca.

Joker: Folie a Deux

Fota: skrynšot z Youtube

Pieršy «Džokier» sabraŭ u 2019-m bolš za miljard dalaraŭ u kinateatrach, prynios «Oskar» Chaakinu Fieniksu i atrymaŭ šalony pośpiech u hledačoŭ. Ciapier da hienijalnaha Fieniksa dałučajecca śpiavačka Łedzi Haha, jakaja syhraje psichijatarku Charlin Kvinziel — budučuju supierzłačynku Charli Kvin.

Hieroi Fieniksa i Kvinziel sustrakajucca ŭ psichijatryčnaj balnicy Arkchem, kudy źniavolili Džokiera. Charlin robicca apantanaj niezvyčajnym pacyjentam, i z časam pieratvarajecca ŭ jaho saŭdzielnicu. Majcie na ŭvazie — heta miuzikł.

Nosferatu

Fota: skrynšot z Youtube

25 śniežnia 2024-ha, na Rastvo, čakajem ekranizacyju «Naśfieratu» — siužet, jaki staŭ kłasičnym u śviecie choraraŭ. Heta historyja pra apantanaść pamiž maładoj žančynaj i žudasnym vampiram, jaki ŭ jaje zakachany.

Siužet pra Naśfieratu — volny pierakaz historyi hrafa Drakuły, jakaja sama pa sabie pieražyła bahata ekranizacyj. Pieršaje ž kino pra Naśfieratu vyjšła ažno ŭ 1922 hodzie, a sioletniaja stužka budzie piataj u šerahu. Tym bolš cikava, jakoj atrymałasia novaja karcina.

Parthenope

Staražytny fantan Śpinakarony — vyjava Parfianopy ŭ Nieapali. Fota: commons.wikimedia.org

Naprykancy znoŭ źvierniemsia da jeŭrapiejskaha kino, tym bolš što varta zhadać pierśpiektyŭnuju stužku. Vialiki italjanski režysior Paoła Sarencina płanuje pradstavić u 2024-m svoj pohlad na historyju Parfianopy — sireny z antyčnaj mifałohii, jakaja patapiłasia ŭ mory, kali nie zdoleła svaimi pieśniami spakusić Adysieja. Tam, dzie mora vykinuła jaje cieła na bierah, ciapier znachodzicca Nieapal.

Sarencina maje bahata hienijalnych filmaŭ, ale vy mahli čuć pra jaho pa sieryjale «Małady Papa» z Džudam Łou. U Parthenope Sarencina pracuje ź italjanskim akciorskim składam, a z suśvietnych zorak da filma dałučyŭsia Hery Ołdman.

«Naša Niva» — bastyjon biełaruščyny

PADTRYMAĆ

Čytajcie taksama:

Pamiatajecie, Netflix zdymaŭ dakumientałku pra biełaruskija pratesty? Voś kali premjera

Biełaruski artyst źniaŭsia ŭ sieryjale ad Netflix i stvaralnikaŭ «Hulni tronaŭ»

Kruz, Vonka i dzicia Biełarusi: top-10 filmaŭ hoda

Viera Biełacarkoŭskaja

Chočaš padzialicca važnaj infarmacyjaj
ananimna i kanfidencyjna?

Клас
10
Панылы сорам
0
Ха-ха
1
Ого
3
Сумна
2
Абуральна
2
0
Donald/adkazać/
17.01.2024
Prodki Emi Uajnchaus pryjechali ź Minsku
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
sakavikkrasavikmaj
PNSRČCPTSBND
1234567
891011121314
15161718192021
22232425262728
2930