Znajści
Ałharytmičny łacinski varyjant
04.01.2024 / 11:3510RusŁacBieł

«Pahladzicie navierch». Vyjšaŭ film pra biełaruskija pratesty, jaki doryć nadzieju

Praniźlivy film studyi Narra ab padziejach 2020 hoda ŭ Biełarusi apublikavała «Mieduza». Heta historyja pra toje, što ŭ čałavieka jość mahčymaść vybirać — navat u samyja biespraśvietnyja časy.

«U filmie «Nie hladzicie navierch» čałaviectva hinie z-za hłupstva palitykaŭ — ziamlu raznosić asteroid. U pačatku 2024 hoda zdajecca, što heta nie taki ŭžo drenny varyjant: u rešcie rešt, hinuć usie adrazu, imhnienna, trymajučysia za ruki ź blizkimi, — havoryć Alaksandr Uržanaŭ, suaŭtar filma. — Realny kaniec śvietu adbyvajecca kožny dzień, i jon biaźlitasny svajoj indyvidualnaściu: u kahości jon prypadaje na 24 lutaha, u kahości — na 7 kastryčnika, u kahości — na datu, jakaja moža i nie trapić u padručniki historyi. U adnych litaralna kančajecca śviet, inšyja zastajucca z hetym horam, trecija praciahvajuć žyć, advaročvajučysia ŭ inšy bok».

Uržanaŭ kaža, što jany pačynali rabić hety film, kab pakinuć śviedčańnie ab pratestach 2020-ha hoda ŭ Biełarusi i ich žorstkim padaŭleńni.

Z tych časoŭ u śviecie zastajecca ŭsio mienš miescaŭ, dzie taki siužet nie moža adbycca. Vojny, represii, vymušanaja emihracyja stali realnaściu dla miljonaŭ čałaviek. Aŭtary vyrašyli vybrać z hetych miljonaŭ usiaho dvaich: hetaha dastatkova, kab pačuć i zrazumieć.

«Žorstki vichor historyi zakruciŭ ich 9 žniŭnia 2020 hoda, u dzień prezidenckich vybaraŭ u Biełarusi. Jany mahli b być dobrymi susiedziami abo znajomymi, ale apynulisia adzin suprać adnaho, u roli achviary i ahresara. Zdavałasia, što jany ničoha nie mohuć zrabić. Ale abodva dakazali, što heta nie tak. Što jość šlach pamiž adčajnym podźviham i biesčałaviečnaj abyjakavaściu», — kaža Uržanaŭ.

Aŭtary vykazvajuć spadzieŭ, što film zmoža padtrymać hledača ŭ hetyja zmročnyja časy.

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
12
Панылы сорам
1
Ха-ха
1
Ого
5
Сумна
1
Абуральна
4
2
Anatol Starkou/adkazać/
05.01.2024
Chtości, Pra Paźniaka ja napišu knihu. Usio roŭna akramia mianie bolš ab jaho spravach nichto nia viedaje, nie razumieja. KHB RB nie v sčiet.
0
Znajemy/adkazać/
05.01.2024
Anatol Starkou, lepš pra siabie napišy, jak ŭ toje khb pisaŭ danosy
1
Anatol Starkou/adkazać/
05.01.2024
Znajemy, STAMIŬSIA Nie ad čaho tak nie stamlajecca biełarus, jak ad svabody słova.
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
sakavikkrasavikmaj
PNSRČCPTSBND
1234567
891011121314
15161718192021
22232425262728
2930