Znajści
Ałharytmičny łacinski varyjant
02.01.2024 / 21:48RusŁacBieł

Nastupny za Vini-Pucham. Miki Maus taksama stanovicca filmam žachaŭ

Heta Miki, ale nie taki, jakim vy jaho bačyli raniej. Trejler filma žachaŭ z udziełam zabojcy ŭ mascy Miki Mausa vyjšaŭ 1 studzienia — u dzień, kali ŭ ZŠA skončyŭsia termin dziejańnia aŭtarskich pravoŭ Dyśnieja na rannija viersii hetaha multyplikacyjnaha piersanaža.

Fota: Mickey Mouse Trap

1 studzienia 2024 hoda mult-hieroj Uołta Dyśnieja Miki Maus staŭ hramadskim zdabytkam. Zhodna z zakanadaŭstvam ZŠA ab aŭtarskim pravie, manapolija na piersanažaŭ moža zachoŭvacca na praciahu 95 hadoŭ.

Režysior Džejmi Biejli i jaho kamanda skarystalisia novymi praviłami i ŭžo 1 studzienia 2024 hoda vypuścili trejler da svajho novaha małabiudžetnaha filma žachaŭ «Pastka Miki» (źmiaščaje sceny hvałtu), piša Bi-bi-si.

U stužcy dziaŭčaty ładziać viečarynku na dzień naradžeńnia, ale situacyja chutka źmianiajecca, kali na ich napadaje zabojca z nažom u kaściumie Miki.

Raspaviadajučy pra svoj małabiudžetny film, režysior Biejli patłumačyŭ: «My prosta chacieli paviesialicca. Bo heta Miki Maus z «Parachodzika Vili» zabivaje ludziej. Heta śmiešna. My pracavali nad hetym i atrymlivali zadavalnieńnie, i ja dumaju, heta vidać».

Čakajecca, što film vyjdzie ŭ sakaviku hetaha hoda.

Akramia taho, 1 studzienia vyjšaŭ trejler novaj videahulni — taksama z udziełam viersii Miki 1928 hoda.

Studyja Nightmare Forge anansavała chorar-hulniu pad nazvaj Infestation 88. U joj hiejmiery pavinny ŭziać na siabie rolu dezinfiektaraŭ i zmahacca z zahadkavym «zaražeńniem» — znachodzić i źniščać hniozdy demaničnych hryzunoŭ.

U pačatku trejlera čuvać, jak mužčynski hołas niervova kaža: «Ja dumaŭ, što heta prosta hryzuny, ale tut jość jašče sioje-toje».

Zatym na ekranie źjaŭlajecca vielizarny zapyrskany kryvioju Miki, a vakoł jaho chodziać myšy.

Pra toje, jaki los moža čakać «biezabaronnaje» z punktu hledžańnia aŭtarskich pravoŭ myšania, možna mierkavać pa Vini-Puchu.

Nieŭzabavie paśla taho, jak u minułym hodzie skončyŭsia kapirajt na knihu Miłna, Vini i jaho siabar Piatačok źjavilisia ŭ filmie-strašyłcy «Vini-Puch: kroŭ i miod», dzie miedźviedziania z parasiom pieratvarylisia ŭ kryvažernych zabojcaŭ i teraryzujuć Krystafiera Robina i jaho pryjacielaŭ, što zabłukali ŭ začaravanym lesie.

«Vini-Puch: kroŭ i miod» trapiŭ u śpis najhoršych kinaprajektaŭ usich časoŭ pa viersii partała Rotten Tomatoes.

Adnak Miki abaronieny lepš. Jon zastajecca tavarnym i karparatyŭnym znakam kampanii Disney i identyfikataram jaje brenda, a zakon zabaraniaje luboje vykarystańnie takoha piersanaža, jakoje moža ŭvieści ŭ zman spažyŭcoŭ.

Kampanija Disney śćviardžaje, što i ŭ dalejšym budzie ŭvažliva sačyć za tym, jak vykarystoŭvajuć jaje samaha znakamitaha piersanaža. «Miki praciahnie hrać rolu hłabalnaha pasłanca kampanii Uołta Dyśnieja ŭ našych historyjach, parkach zabaŭ i tavarach, a my, viadoma, i dalej budziem abaraniać aŭtarskija pravy na paźniejšyja viersii Miki Maŭsa i inšyja materyjały, abaronienyja kapirajtam», — havorycca ŭ zajavie kampanii Disney.

Zrešty, jak ličyć prafiesar prava z Univiersiteta Paŭdniovaha Ilinojsa Ćvi Rozien, vyrašać, što možna i što nielha rabić sa znakamitymi piersanažami, urešcie, budzie sud.

Čytajcie taksama:

Pieršaja viersija vobrazu Miki Mausa pierastała achoŭvacca aŭtarskim pravam

Donald Tramp zajaviŭ, što mienavita jaho epizod u «Adzin doma 2» zrabiŭ film paśpiachovym

50 dziejačaŭ kultury Francyi i prezident Makron zastupilisia za Depardjo, jaki abvinavačvajecca ŭ seksualnym hvałcie

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
1
Панылы сорам
0
Ха-ха
2
Ого
3
Сумна
1
Абуральна
3
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera