Znajści
Ałharytmičny łacinski varyjant
12.12.2023 / 22:4625RusŁacBieł

U polskim Siejmie razhareŭsia skandał na antysiemickim hruncie

12 śniežnia ŭ polskim Siejmie razhladali vielmi važnuju dla krainy spravu — zaćviardžeńnie składu novaha ŭrada krainy pad kiraŭnictvam lidara partyi «Hramadzianskaja płatforma» Donalda Tuska. Ale spakojnamu jaje abmierkavańniu pieraškodziŭ niečakany kanflikt, spravakavany deputatam ad krajnie pravaj «Kanfiederacyi» Hžehažam Braŭnam.

Hžehaž Braŭn paśla ździajśnieńnia svajho skandalnaha ŭčynku. Fota: Beata Zawrzel/NurPhoto via Getty Images

U polskim Siejmie tradycyjna ŭ pačatku jaŭrejskaha śviata Chanuka zapalvajuć prynahodnuju śviečku. Zrabili tak i hetym razam. Ale Hžehaž Braŭn, schapiŭšy vohnietušyciel, patušyŭ jaje, a paśla ŭ kaściumie sa śladami paraška z vohnietušyciela, staŭšy za trybunu Siejma, patłumačyŭ svaje dziejańni tak:

«Nie moža być miesca dla aktaŭ rasisckaha, plemiannoha, dzikaha, tałmudysckaha kultu na terytoryi Siejma Polskaj Respubliki. Jak ja razumieju, ad imia prysutnych havoryć nievuctva. Vy nie viedajecie pra źmiest hetaha akta, pasłańnia, niavinna zvanaha śviatam Chanuki.

Mnie prypisvajuć tut rasisckija matyvy, a ja jakraz adnaŭlaju tut stan narmalnaści i raŭnavahi, pakłaŭšy kaniec aktam sataninskaha, tałmudysckaha tryŭmfalizmu, tamu što takoje pasłańnie hetych śviataŭ».

Kalehi Braŭna pa polskim parłamiencie byli ŭ šoku. Jaho nieadkładna adchilili ad udziełu ŭ jahonaj pracy, deputat musiŭ pakinuć budynak Siejma.

U pasiadžeńni abviaścili pierapynak, a dziejańni Braŭna asudzili mnohija aŭtarytetnyja asoby i instytucyi. Aficyjna asudzili deputata navat jahonyja kalehi pa frakcyi.

Sam Siejm nie maje vialikich paŭnamoctvaŭ, kab pakarać deputata, jaki ŭčyniŭ takija dziejańni. Maršałak Siejma Šyman Hałoŭnia paviedamiŭ, što jon dakładna budzie pakarany materyjalna. Aprača hetaha, kancylaryja Siejma padaje zajavu ŭ prakuraturu ab vierahodnym ździajśnieńni złačynstva.

«Ja spadziajusia, što hienieralny prakuror daść hetamu naležny chod, i my zmožam u zale Siejma pryniać rašeńnie ab admienie — ja hłyboka vieru ŭ heta — imunitetu dla pana deputata Hžehaža Braŭna, kab takija haniebnyja pavodziny bolš nikoli nie paŭtarylisia ŭ budynku parłamienta ci dzie-niebudź u krainie», — zajaviŭ Hałoŭnia.

Čytajcie taksama:

Tusk staŭ premjeram na fonie achałodžańnia ŭ adnosinach z Ukrainaj. Voś što jon zajaviŭ nakont jaje dalejšaj padtrymki ŭ vajnie

Novy polski premjer Donald Tusk pradstaviŭ svoj budučy ŭrad

Donalda Tuska abrali premjer-ministram Polščy

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
25
Панылы сорам
23
Ха-ха
10
Ого
3
Сумна
0
Абуральна
7
5
Žvir/adkazać/
13.12.2023
Supovoj pakietik, poživiom uvidim. I nie pierietołkovyvajtie słova Franciska, v nich očień prostoj smysł, vied́ jeśli každyj christianin dołžien stať niemnožiečko iudiejem, to každyj iudiej dołžien davno užie stať niemnožiečko christianinom, tiem boleje na ziemle Iisusa... No čto-to nie očień połučajetsia...
5
babrujčanin/adkazać/
13.12.2023
??? Miarkuju aburany " intiernacyonalisty kosmopality multikulturnyja"???))) Tie kto " kakaja raźnica? A u nas vsie tak hovoriat" šviejcarcy vaabŝie čałavieki )) U toj ža čas za " puškinlenininapad" dyk čym adroźnivajeca chidžab ad chanuki ci jaščie niejkich " simvałau" ))) u zusim ni simitskaj krainie?.Pa mnie čto vulica urickaha mienžynskaha ci pomnik lenanupuškinu ałnievskamu.Ci film " a nievskic" vhroznyj branienosiec paciemkin ala lena rifienštal ad jezienštiejna A piesienki utiesova ad raziembauma i" słova pacanou" .Pa mnie adna.ch...anuka)))
4
Tak/adkazać/
13.12.2023
Chto viedaje historyju Polščy i Biełarusi, asabliva PRL, toj nikoli nie paraŭnaje Katalicki Kaścioł da BPC (RPC).

Non possumus


I pra ciemrašalstva tut jašče možna padysktuavać, bo jano asabliva prajaŭlajecca ŭ nieamarksiźmie, u tym liku ŭ admaŭleńni navat bazavych bijałahičnych faktaŭ. Adnak tut jakraz pra niepaśladoŭnaść. I tak, u Polščy samaja raspaŭsiudžanaja rehilija, ci dakładniej kanfiesija - katalicyzm. Navat u tym samym Sejnie visić kryž.



Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
sakavikkrasavikmaj
PNSRČCPTSBND
1234567
891011121314
15161718192021
22232425262728
2930