Znajści
Ałharytmičny łacinski varyjant
12.12.2023 / 18:39RusŁacBieł

U Salihorsku rychtujuć zabojstvy dziaciej? Nie. Voś što adbyłosia i čamu panikavać nie varta

Heta razborki školnikaŭ, a nie pahroza sapraŭdnaha teraktu. Raspaviadajem, jak vajujuć sučasnyja «internet-hieroi» i jak padobnyja razborki sumna skončylisia dla zasnavalnika Anonymous Russia.

«Salihorskaja hulnia»

Skrynšot z užo vydalenaha kanała «Salihorskaja hulnia»

Siońnia pa roznych salihorskich supołkach prakaciłasia chvala paviedamleńniaŭ uźjušanych žycharoŭ. Maŭlaŭ, niechta choča zładzić masavuju raźniu ŭ miascovych škołach. Spasyłki viali na kanał «Salihorskaja hulnia», na jakim vykładali pahrozy na adras salihorskich dziaciej.

Publikacyi z telehram-kanałaŭ «Biełaruś za MKADam» i «Moj Salihorsk»

Nasamreč takoje adbyvajecca ŭsio čaściej. Hrupa «Salihorskaja hulnia» — typovy prykład t. zv. svatynhu, to-bok sproby ŭviadzieńnia ŭ zman pravaachoŭnikaŭ, kab jany zatrymali inšaha čałavieka ci narabili jamu niepryjemnaściaŭ.

Sutnaść mietadu takaja. Stvarajecca hrupa, u jakoj raźmiaščajucca publikacyi z pahrozami na adras dziaciej niejkaha horada. Paviedamleńni hrupy i spasyłki na jaje raskidvajucca pa roznych tematyčnych haradskich hrupach i miedyja z pasyłam: «ja maci dziciaci sa škoły №, dapamažycie adšukać, chto heta robić».

Paviedamleńnie z kanała «Salihorskaja hulnia»

Paśla taho, jak na hrupu źviernuć uvahu bujnyja resursy, u kanale źmiaščajecca paviedamleńnie pra toje, što, maŭlaŭ, jość čałaviek, jaki navučyć vas zabivać dziaciej. U jakaści kantakta raźmiaščajecca achviara svatynhu — to bok, toj čałaviek, na jakoha pavodle idei zamoŭščykaŭ musiać źviarnuć uvahu siłaviki.

Paviedamleńnie z kanała «Salihorskaja hulnia»

«Illa» sapraŭdy isnuje — heta minski školnik i jaho sapraŭdy kličuć Illa pa mianušcy Mefi. Miarkujučy pa ŭsim, jon nasaliŭ davoli šmat kamu ŭ internecie, bo jaho akaŭnt praviarali ŭ botach sotni razoŭ. Svaje źviestki chłopiec nie chavaje.

U internecie jon chvaliŭsia tym, što «suprać jaho vajavaŭ KillNet». Taksama, kali mierkavać pa apisańni akaŭntaŭ, raniej jon zajmaŭsia «doksinham» — to-bok, pošukam infarmacyi pra ludziej i ichniaj deanimizacyjaj. A da niadaŭniaha času pradavaŭ pasłuhi ŭ hrupie, jakaja nazyvałasia Adrenaline Hunters, ale sutnaść pasłuhaŭ nieviadomaja.

Paviedamleńnie z hrupy Adrenaline Hunters

Takim čynam, realnaj niebiaśpieki dla biełarusaŭ u hrupie «Salihorskaja hulnia» niama.

Inšyja vypadki svatynhu

Dakładna toje samaje adbyłosia niadaŭna ŭ šmatlikich rehijonach Rasii. Vykarystoŭvalisia navat tyja samyja fota i videa. U nazvach zaŭždy jość słova «hulnia».

Kanał «Bałachoŭskaja hulnia», vydaleny paru dzion tamu

Raniej hrupy takoj ža nakiravanaści rabilisia na temu «katuju žyviołaŭ i vykładaju videa na svoj kanał» abo, naprykład, z abrazami ŭ adras čačencaŭ abo ruskich. Hałoŭnaje, što ŭ kancy vykładajecca numar abo inšyja źviestki mierkavanaj achviary.

Taki sposab svatynhu bolš biaśpiečny, čym telefonnaje miniravańnie, tamu im karystajucca davoli časta. Bolšaść jak achviaraŭ, hetaj i zamoŭščykaŭ takich dziejańniaŭ — školniki abo vielmi maładyja ludzi. Časta taksama takoje robiać za hrošy.

Ale nie ŭsim šancuje paśla zastacca na voli.

Mr. Ratty z Anonymous Russia

Padobnaje, pa našych źviestkach, zdaryłasia i z administrataram kanała Anonymous Russia, 19-hadovym hamielčukom Arsieniem Jelisiejevym pa mianušcy Mr. Ratty. Anonymous Russia uvachodzić u chakierskuju sietku KillNet. U asnoŭnym jany arhanizoŭvali DDoS-ataki na roznyja resursy. Ź jašče adnym «chakieram» Jelisiejeŭ nie padzialiŭ internet-dziaŭčynu i zrabiŭ iłžyvaje miniravańnie ad imia supiernika. Ale Mr. Ratty chutka vyličyli i zatrymali.

Arsienij Jelisiejeŭ. Fota: pošukavy atrad «Simuran»

1 vieraśnia 2023 hoda nad im pačaŭsia sud. Jaho vinavacili pa dvuch artykułach — «zaviedama chłuślivaje paviedamleńnie pra niebiaśpieku» i «niezakonnyja dziejańni ŭ dačynieńni da infarmacyi ab pryvatnym žyćci i piersanalnych danych». Prysud nieviadomy, ale jamu pahražała da piaci hadoŭ pazbaŭleńnia voli.

«Naša Niva» — bastyjon biełaruščyny

PADTRYMAĆ

Čytajcie taksama:

Raskrytaja asoba zasnavalnika Anonymous Russia. Im akazaŭsia vasiamnaccacihadovy chłopiec

Siłaviki zatrymali administratara kanała Anonymous Russia, jaki ŭvachodzić u sietku Killnet. Rasijskija chakiery pahražajuć biełaruskim śpiecsłužbam

Važna viedać. Jakim čynam represiŭnyja orhany dastajuć užo vydalenuju infarmacyju z Telegram i što možna z hetym zrabić?

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
1
Панылы сорам
11
Ха-ха
4
Ого
0
Сумна
1
Абуральна
15
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
sakavikkrasavikmaj
PNSRČCPTSBND
1234567
891011121314
15161718192021
22232425262728
2930